Šadrinsk

Šadrinsk
Флаг[d] Герб
56°05′00″ с. ш. 63°38′00″ в. д.
Valdkund	Venäma
Istorii da geografii
Tegemižen päiv	1662
Pind	174
Высота	80
Aigvö	UTC+5:00[d]
Ekonomik
Eläjad
Eläjad	▼68 609 чел. (2021)
Lugud
Telefonan kod	35253
Počtan indeksad	641870
-
Официальный сайт
lugeda • diskussii • redaktiruida

Šadrinsk (Šadrinskan rajonan administrativižeks keskuseks, ei mülü sihe.

Istorii

Jurii Malečkin (Juška Solovei «sadakelič») pani slabadan da lidnusen alust Šadrinskan parččoman sijas kuti Šadrinskai-slabad (ven.: Шадринская слобода) vl 1662. Se sai lidnan statusad vl 1712 Arhangel'skii Šadrinskii-lidneihut-nimenke, mugažo Maloarhangel'sk. Vl 1733 lämoipalo mureni lidnad. Vspäi 1737 om nügüdläiženke nimenke. Vll 1737−1744 oli Isetin agjan keskuseks, vspäi 1781 om makundan lidnan statusanke. Vn 1941 semendkuspäi alištub agjan tobmudele oikti (vn 1943 uhokuhusai Kurganan agjan territorii mülüi Čeläbinskan agjaha).

Šadrinsk šingotase avtoradiatoriden tegimel, pressformiden tegimel i valamižtegimel, sauvondmaterialiden tehmižel (metalližkonstrukcijad, raudbetontegesed, elektrodad), sömtegimištol (maidkonservkombinat, oludtegim, leibproduktoiden kombinat, konditerine edheotand), pakuitesen edheotandoil, mebel'fabrikal, vedimiden kohenduzedheotandal i proppantan tehmižel samha kivivoid.

Geografijan andmused

Lidn sijadase Iset'-jogen muugotil randoil (Tobolan hura ližajogi), 80 m ü.m.t. keskmäižel korktusel. Matkad Kurganhasai om 127 km suvipäivnouzmha orhal, 147 km avtol vai raudtedme. Lähembaine lidn om Dalmatovo 50 km lodeheze kaikil teil.

Šadrinsk om lidnümbrikon üks'jäine eländpunkt.

Eläjad

Vn 2010 Venäman rahvahanlugemižen mödhe eläjiden lugu oli 77 756 ristitud. Kaikiš suremb ristitišt oli 86..88 tuh. eläjid vll 1986−2001 (88 500 rist. vl 1997).

Ortodoksižen hristanuskondan kaks' päjumalanpertid i jumalanpert', baptizman pühäpert' i islaman pämečet' oma olmas lidnas.

Professionaližen opendusen aluzkundad: Uralantagaine fizkul'turan da tervhuden kolledž, Šadrinskan politehnine, medicinine i finansiž-ekonomine kolledžad, proftehnologijoiden i kooperativine tehnikumad, Šadrinskan valdkundaline pedagogine universitet.

Edeližed lidnan pämehed oma Lüdmila Novikova (semendku 2014 — sügüz'ku 2019) i Viktor Jermiškin (reduku 2019 — sulaku 2021).

Galerei

• 

  Spasan Toižetamižen päjumalanpert', vn 2013 nägu

• Trade-rows-3 Shadrinsk.JPG

  Istorižiden torguindrividen pala vl 2014

• Theater Shadrinsk.JPG

  Šadrinskan valdkundaline dramteatr (2014)

• 

  Lidnan kul'turkeskuz (2014)

• Monument-train-station.JPG

  Monument Šadrinsk-päraudtestancijan sauvusenno vl 2014

Irdkosketused

• Lidnan tobmuden aluzkundoiden oficialine sait (shadrinsk-city.ru). (ven.)