Venälaižen kinon päiv
| Venälaižen kinon päiv | |
|---|---|
 | |
| Päiv | 27. elokud |
 Mediafailad RUWIKI-tedoiš | |
Venälaižen kinon päiv (ven.: День российского кино) om Venäman kinotegijoiden praznik. Praznik pidetas elokun 27. päiväl.
Praznikan istorii
Ezmäine kinoozutuz Venäman imperijas om tehtud piterilaižes «Akvarium»-puištos 16. semendkud vodel 1896[1]. 15. redukud vodel 1908 om ezitadud ezmäine venälaine kahesaminutnii «Ponizovaja vol'nica»-kino. Sen kinoohjandai om Vladimir Romaškov. Kino om tehtud rahvahaližen «Saren tagapäi na strežen'»-pajon mödhe Sten'ka Razinan polhe. Nece kino avaiži-ki venälaižen kinoaigan.[2].
Elokun 27. päiväl vodel 1919 RSFSRan rahvahaližiden komissaroiden Nevondišt vahvištoiti azjbumagan, miččes oli sanutud, miše kinoazj om nacionaliziruidud. Neciš päiväspäi kaik RSFSRan kinoteatrad, foton da kinon mönd, tegeližuz oma tehnusoiš Rahvahaližen openduzkomissariatan palaks[3].
Om vahvištoitud Sovetskijan Sojuzan Ülembaižen Nevondišton küskol № 3018-X 1. redukud vodel 1980 «Praznikan da muštpäividen polhe», Sovetskijan Sojuzan Ülembaižen Nevondišton käskon kohendusel № 9724-XI 1. kül'mkud vodel 1988 «Sovetskijan Sojuzan vajehtusiden praznikoiden da muštpäividen polhe zakonkogomushe» (31. semendkud vodel[2006 nene käskod kadotiba vägen[4]), oma pandud alandusen sovetskijan kinon praznikan pidändas.
Käskon mödhe (kacu ülähän) vodel 1980 praznikan nimi oli «Sovetskijan kinon päiv», а vodel 1988 — «Kinon päiv». Toižetuzaigal praznikale om anttud «Venäman kinon päiv»-nimi, a nügüd'läižen nimen «Venälaižen kinon päiv» se sai Sovetskijan Sojuzan jagadusen jäl'ghe.
Aigan mändes praznikan praznuičendpäiv ei üht kerdad om vajehtanus. Ezmäi se oli tal'vkun 28. päiväl, ühtes rahvahidenkeskeiženke kinon päivänke. Voib sanuda, miše kut rahvahaline venälaižen kinon päiv se kadoi. Muga oli vodehesai 2001, no jäl'ges Venäman kul'turministerstvan kinotegijoiden sebr päti, miše venälaine kinotegii mugažo voib pideta ičenašt praznikad.
N. S. Mihalkov, Venäman kinotegijoiden Ühtištusen pämez' semendkus vodel 2002 tariči pideta praznik sügüz'kun jäl'gmäižel pätničal, konz lahjoitas Rahvahaližen venälaižen kinotaidehen da tedon akademiijan «Kuldaine orl»-pauklahj[5]. Vaiše nece taričuz valdmehišton polespäi ei olend tugetud, sikš «Venälaižen kinon päiv»-praznikad i nügüd' pidetas 27. elokud.
Homaičendad
- ↑ Н. А. Лебедев. Глава 1. Кинематограф в дореволюционной России (1896-1917). Очерки истории кино СССР. «Библиотекарь». Дата обращения: 5 sulakud 2015. Архивировано 23 sügüz'kud 2015 года.
- ↑ Сегодня — день российского кино. newsvo.ru (27 elokud 2009). Дата обращения: 21 elokud 2017. Архивировано 21 elokud 2017 года.
- ↑ День российского кино: история и традиции празднования. Справка. РИА Новости (27 elokud 2008). Дата обращения: 13 elokud 2010. Архивировано 6 sulakud 2012 года.
- ↑ РОСПРОМ — Федеральное агентство по промышленности (недоступная ссылка)
- ↑ Никита Михалков учредил День российского кино. Lenta.ru (21 semendkud 2002). Дата обращения: 21 elokud 2017.