Vanhembad lapsed (fil'm)
| Взрослые дети (veps.: Vanhembad lapsed) | |
| Fail:Взрослые дети Постер.jpg | |
| Žanrad |
komedii, drama |
|---|---|
| Kino-ohajandai |
Villen Azarov |
| Scenarijan tegii |
Valentina Spirina |
| Pä roliš om |
Aleksei Gribov |
| Kameramehed |
Sergei Zaicev |
| Muziktegii |
Aleksandr Fl'arkovskii |
| Kinokompanii |
«Mosfil'm» |
| Aig |
75 min. |
| Mad | |
| Kel' | |
| Voz' |
1961 |
| IMDb | |
«Vzroskie deti» (veps.: Vanhembad lapsed, ven.: Взрослые дети) — sovetskii komedii, miččen kino-ohjandai om Villen Azarov, om snimtud «Mosfil'm»-kinostudijas vodel 1961 (kinos). Fil'm starinoičeb erazvuiččiden polviden jügedoiš sidoiš — vanhembiden da lapsiden keskes, kudambad eläba ühtes fateras, opendasoiš arvostada toine toižiden melentartusid da löuta pätusid ridoiš[1][2][3].
Süžet
Om 1950-voziden lop'. Korol'ovoiden kanz ei amu sai varastadud fateran udes pertiš, läksiba pensijale da zavodiba meletada lebus tünüdes. Anatolii Kuzmič (akt'or Aleksei Gribov) pördase kodihe jäl'ghe jäl'gmäšt radpäiväd edel lähtendad pensijale da pagižeb akan Tatjana Ivanovnanke (aktrisa Zoja F'odorova) kahten pensioneran tuleban elon planoiš. Sid' kündusele tuleb heiden vanhemb Lüdmila-tütär (aktrisa Liliana Al'ošnikova), mitte radab arhitektoran, da sanub heile siš, miše läksi mehele jäl'ghe pol'tošt kud tundmust. Vanhembad sömäižiba varastomatomas uzištospäi. Pert'he tuleb uz' Igor'-vävu (akt'or Aleksandr Demjanenko), mugažo arhitektor. Nored pätaba, miše ezmäižen aigan eläškandeba ühtes vanhembidenke. Siš aigaspäi rouhile ristituile tünäs lebus voib unohtada.
Vinogradovad oma pämehed radol, no, kacmata sihe, kaiken se oma vanhembad lapsed ičeze vanhembiden täht. Pensionerad holduba noriš, lugeba, miše hö ei mahtkoi eläda eriži vanhembišpäi, lapsed ei ozutaba el'getomust da arvotomuz vanhembale polvele.
Noril oma ičeze melentartused da nügüdläižed kaceged miruhu, miččid rouhile vanhembile om jüged otta homaitushe. Hö paksus ei el'gekoi heid da tegeba meletomid azjtegoid. Ühtel pühäpäiväl varastadud «Hel'ga»-kaludišton sijas, mittušt Korol'ovad varastiba äi vozid, vävu ostab ičeleze motociklan teleskopižen hangoiženke. Homendesidme Igor' L'us'anke sportaba jogad, seižuba päl, kundleba komedad muzikad, toba kodihe kompanijad, miččed kidastaba, paksus ridlesoiš, miče kaita ičeze melentartusid. Vanhembiden giperhol' da ülimäraine painuz tob pahad mel't Vinogradovoiden kanzale. Sispäi paksus sünduba ridad da el'getomuz' kahten kanzan keskes. A konz noril sündub laps', elo tegese iznesimatomaks. Baboi dedanke lujas äjan holduškandeba vagahaižes Tolik-vunukaižes, opendaba kut tariž kazvatada lapsid. Pigai hö otaha kaik holed vagahaižen lapsen polhe ičeze ougileа, heitäba neciš azjaspäi kazvatajid.
L'us'a pördase radole, miše lopta heiden ühthižen arhitekturižen projektan. Nored süveneba melentartuižehe azjaha da ei löudagoi aigad poigan täht. Kerdan Korol'ovad lähteba teatraha, a Vinogradovad jätaba vagahaižen lapsen Vit'a-susedlapsenke, miše mädna radole. Vit'a kucub fateraha kümnid toižid lapsid, kudambad kändaba kaiken kuki-rikku. Konz Tatjana Ivanovna Anatolii Kuzmičanke pördasoiš kodihe, hö čududelesoiš…
Loptes hüvin arhitekturan projektan, Vinogradovad tahtoiba ajada put'ovkan mödhe lebupertihe kahteks nedalikš, no Anatolii Kuz'mič tuleb pahaze mel'he i iče ajab akanke sinna lapsiden sijas. Norile tuleb jüged aig, sünduba ridad, hö el'gendaba, miš om kanzan jüvä. Hö ridlesoiš, ladisoiš da opedasoiš otmaha vastusenpidändad toine toižes da lapses.
Fil'man lopus kanzad pätaba eläda eriži, vo vanhembad abutaba lepsile.
Roliš
- Aleksei Gribov[4][5] — Anatolii Kuzmič Korol'ov
- Zoja F'odorova[5]Zoja Aleksejevna F'odorova — Tatjana Ivanovna Korol'ova
- Liliana Al'ošnikovaАлёшникова— Lüdmila Vinogradova (Korol'ova)
- Aleksandr Demjanenko[5][7][8] — Igor' Nikolajevič Vinogradov
- Vsevolod Sanajev — Vasilii Vasiljevič, kanzan sebranik
- Nikolai Grabbe — milicioner
- Gennadii Bortnikov — mel'düi
- Marina Hatubceva — mel'düi
- Konstantin Hud'akov — nor' arhitektor
- Aleksandr Lebedev — arhitektor
- Andrei Tutiškin — Boris Vladimirovič, arhitektor[1]
Sjomkoiden grupp
- Scenarijan tegii — Valentina Spirina
- Ohjandai — Villen Azarov
- Kino-ohajandajad — V. Glazkov, Aida Manasarova
- Kameramehed — Sergei Zaicev, Vladimir Meibom
- Muzikan tegii — Aleksandr Fl'arkovskii
- Kinon pämez' — Vladimir Kantorovič
- Taidehpirdai sädoiden mödhe — Valentin Perel'otov[9]
Kacu mugažo
- Fil'man restavracii Youtube-kanalal
- Vzroslie deti Кино-театр.ru — saital
Homaičendad
- ↑ 1,0 1,1 Vzroskie deti (voz' 1961). Кино-театр.ру. Дата обращения: 13 kül'mkud 2023.
- ↑ Vzroskie deti. СССР, Россия, 1961. Афиша (журнал). Дата обращения: 13 kül'mkud 2023.
- ↑ Vzroskie deti (1961). Кинопоиск. Дата обращения: 13 kül'mkud 2023.
- ↑ Vzroslie deti (fil'm), voz' 1961. (к/т «Иллюзион», Большой зал). Лента представлена в рамках программы «ПЕРСОНА. Алексей Грибов». Gosfilmofond-org.timepad.ru. Дата обращения: 13 kül'mkud 2023.
- ↑ 5,0 5,1 5,2 5,3 "Звёзды советского экрана": "Взрослые дети". M24.ru (9 keväz'kud 2023). Дата обращения: 13 kül'mkud 2023.
- ↑ Сломанная судьба Лилианы Алёшниковой: Как любопытство журналистов ускорило уход забытой кинозвезды. Kulturologia.ru. Дата обращения: 13 kül'mkud 2023.
- ↑ Как роль Шурика стала для Александра Демьяненко проклятием всей жизни. Kino.rambler.ru (30 semendkud 2019). Дата обращения: 13 kül'mkud 2023.
- Аргументы и факты (30 semendkud 2022). Дата обращения: 13 kül'mkud 2023.
- ↑ Vzroslie deti (1962). Kino.mail.ru. Дата обращения: 13 kül'mkud 2023.
Literatur
- +Левшина И.
−{{{2}}} В жизни и в искусстве // Искусство кино. — 1962. — № 3. — С. 122—125. - +Рудницкий К.
−{{{2}}} Сюжет, улыбка, мораль... // Советский экран. — 1962. — № 1. - +Колесникова Н.
−{{{2}}} Четверо под одной крышей // Советская культура (газета). — 1961. — № 152 (1332) (21 декабря). — С. 3. - Кваснецкая М. — «Взрослые дети» // Комсомольская правда, 16 декабря 1961.
Tarkendused
- Vzroslie deti (1961) Кинопоиск-saital
- Fil'man restavracii Youtube-kanalal
 |
|---|
Villen Azarovan fil'mad | |
|---|---|
| |