Tereškova Valentina

Tereškova Valentina
1969
Nimi:	ven.: Валентина Владимировна Терешкова mad'j.: Valentyina Vlagyimirovna Tyereskova
Sündundpäiv	1937(1937-03-06)[…] (88 лет)
Sündundsija:	Bolshoye MaslennikovoSSSR
Valdkund	SSSR  Venäma
Professijad:	kosmonavt, politik, военнослужащая, инженер, лётчица, преподавательница университета, riigiduuma liige
Супруг	Andrian Nikolajev[d] и Yuliy Shaposhnikov[d]
Pauklahjad da premijad	NSV Liidu kosmoselendur[d] honoris causa[d] honorary citizen of Vitebsk[d]
Allekirjutuz
diskussii • redaktiruida

Valentina Vladimirovna Tereškova (1937, Sur' Maslennikovo-külä, Tutajevan rajon, Jaroslavlin agj, Venäma, Sovetskii Sojuz) om sovetskii kudenz' lugul kosmonavt, nomer 10 mail'mas, ezmäine naine-kosmonavt mail'mas (1963) da om lendanu kosmosaha naine üks'näin. Sovetskijan Ühtištusen geroi (1963), general-major (1995), sai "Za zaslugi pered Otečestvom" - ordenan.

Sovetskijan Sojuzan Korktemban Nevondišton VII-XI kucundoiden deputat (1966—1989), Sovetskijan Sojuzan Korktemban Nevondišton prezidiuman ühtnik (1974—1989). Sovetskijoiden akoiden komitetan pämez' (1968—1987) da Sovetskijoiden seboiden da kul'turkosketusiden verhiden maidenke nevondišton pämez' (1987—1992).

Hän om venälaine politikmez', Venäman parlamentan deputat, "Jedinaja Rossia" - partijan korktembaižen nevondišton ühtnik.

Om pandud Jevrosojuzan, Amerikan, Kanadan, Šveicarijan, Ukrainan da Novaja Zelandijan sankcijoiden lugetišehe.

Biografii

Tereškova om sündunu Bol'šoje Maslennikovo - küläs läz Tutajev-lidnad Jaroslavlin agjas maorjan kanzas, hänen vanhembad oliba Vaugedvenämaspäi. Vladimir-tat (1912−1940) radoi traktoristan, oli Tal'vvoinas, koli. Mam oli Jelena Tereškova (neiččen Kruglova, 1913−1987), radoi tekstil'fabrikal. Valentinal oliba vanhemb Lüdmila-sizar i noremb Vladimir-vell'.

Vodel 1945−1953 Valentina openzihe Jaroslavlin keskškolas nomer 32 (om nimitadud hänen nimel nügüd'). Seičemenden klassan jäl'ges hän mäni radole Jaroslavlin šinoiden zavodale. Necil-žo aigal openzihe školas, lopi 8. da 9. klassad (1954−1955). Konz oli joudai aig, openzihe vändmaha domral. Vodelpäi 1955 Jaroslavlin tehnižiden kanghiden "Krasnii Perekop" - kombinatal, hänen mam i sizar radoiba sid'-žo. Vozil 1955−1960 openzihe Jaroslavlin kebnän tegeližuden tehnikumas, sai puvillkezerdusen tehnik-tehnolog-professijan. Vodelpäi 1957 Valentina oli Komsomolan ühtnikan, vozil 1960-1962 radoi sen komitetan joudjan sekretarin «Krasnii Perekop»-kombinatal.

Vodel 1959 oli parašutsportas Jaroslavlin aeroklubas, tegi 90 hüppändad. Sikš sai kucundan kosmonavtoiden ezmäižehe oträdaha. Vodel 1962 zavodihe valita naižen keskes kosmonavtoid mugoižiden kriterijoiden mödhe: igä 30 vodhesai, kazvol 170 santimetrahasai da painuz 70 kilogrammahasai. 16. kezakud vodel 1963 Tereškova tegihe ezmäižen oträdan instruktoraks-kosmonavtaks (vodhesai 1966) da ezmäižen kerdan lendi kosmosaha Baikonuraspäi "Vistok-6"-avaruzlaival, lendamine jätksi koume päiväd. Kosmonavt tegi 48 pörut ümbri mas. Laskihe male Altajan rajonas.

Tereškova oli vaumiž lendmaha Mars-planetale. Hänele anttihe majorgenaralan arvnimi vodel 1995. Vodhesai 1997 radoi kosmonavtoiden gruppoiš instruktoran. Vodespäi 1997 om Kosmonavtoiden vaumičendkeskusen vanhembaižen tedoradnikan.

Politine rad

Vodelpäi 1962 oli KPSSan ühtnik. Vozil 1966−1989 oli Sovetskijan Sojuzan Ülembaižen Nevondišton VII-XI kucundan deputat. Vozil 1968-1987 oli Sovetskijoiden akoiden komitetan pämez'. Vozil 2008−2011 radoi Jaroslavlin agjan parlamentan deputatan. Vodelpäi 2011 radab Venäman Valdkundaližen Duman deputatan "Jedinaja Rossia" Ühthine Venäma-partijaspäi.

Kanz

Valentina läksi mehele kahtišti, mužikad oliba Andrijan Nikolajev (1963-1982) i Julii Šapošnikov (1985−1998). Jelena Tereškova-tütär (sünd. 1964, kaks' poigad) om ezmäižen lapsen mail'mas, kudambal molembad kazvatajad lendiba kosmosaha.

Homaičendad