Tegokuz'

Рувики-späi
Tegokuz' optokuidaspäi

Tegokuz' (ven.: Иску́сственная ёлка) — nece om mugoine konstrukcii, mitte kožub uz’vozližehe kuzele, i sidä paksumba kävutoitas Uz' Voz'-praznikan aigan. Ezmäižed tegokuzed oma tehtud puspäi, ned oma kuti piramidad, miččid čomitaba kut uz’vozližen kuzen vai linduiden höunhil. Molembiden roduiden tegijad oma germanialaižed. Nügüd'aigaižed tegokuzed tehtas polivinilhloridaspäi; mugažo oma i toižed erazvuiččišpäi materialoišpäi tehtud kuzed — ozutesikš, al'uminijaspäi vai optokuidaspäi.

Istorii

Ezmäižed tegokuzed voz'sadal XIX tegiba Germanijas[1][2], no oma i aigaližed kalud[3]. Niid tegiba hanhiden höunhišpäi, miččid mujutiba vihandal mujul[1]. Germanian «höunhiden pud» nece om rahvahan vastuz Germanijan mecoiden čapandan sirdändas[2][4]. Tehtud 1880 vozil hanhiden höunhišpäi tegokuzed tegihe popul’arižikš voz’sadan XX augotišes[4]. Muga ned levenzoitihe Amerikaha-ki, kus mugažo tegihe popul’arižikš[5][6].

Amerikas tegokuzed rižiba edelpäi «raštvaližiden puiden» kävutandad[3]. Nene ezmäižed «pud» oma puižed piramidad, miččed oma tehtud pu-formas da lämoittud tohusil. Ned oma tehtud Viflejemas (Pensil’vanija-štatas) vodel 1747[7].

Vodel 1930 году amerikanine ADDIS-kompanii tegi kuzen vahvan runganke, miččel oliba kovad sugased kavagen sijas. Kavag’ oli tehtud živatoiden sugasišpäi da karvaspäi, miččen kävutoitas ubornijan puhtastandan joršikoiden tegendas, vaiše sidä mujutadihe vihadal mujul. Mugoižed tegokuzed tuliba eloho[8].

Vodel 1958 Čikago-lidnas zavodiba tehta kuzed al’uminijaspäi, miččed oliba hobedašt mujud. Mugoižed kuzed vedihe erazvuiččihe maihe, sen lugus i Sovetskijaha Sojuzaha[8].

Al’uminižiden kuziden sijale tuliba kuzen plastikaspäi.

Sovetskijas Sojuzas oliba popul’arižed sintetižed kuzed, miččed oliba tehtud da ezitadud vodel 1959 Zagorskijan bobaižiden institutan radnikad (nügüd’ om Sergijevo-Posadskii bobaižiden institut).

Tegendan kehitoitusenke kuzed kaik enamba kožudas todesižihe puihe[9].

Tegokuziden rodud

Höunhišpäi

Tegokuz' höunhišpäi

Tegokuzid höunhišpäi tehtihe hanhiden höunhišpäi, miččid mujutadihe vihandal mujul da pandihe punotadud ümbri tüved vanuimbarboile[5]. Ned oliba erazvuiččel surudel: penišpäi, vaiše 2 d’uimad, surihesai enamba 98 d’uimad, niid möiba laukoiš vozil 1920[6]. Paksus baboiden agjoiš oliba rusttad tegomarjad, miččed oliba tohusenpidimiden sijas[5]. Barbad oliba lujas levitadud, nece kaiči kuzen viratandaspäi tohusiden lämoišpäi da andoi enamba tahod kuzen čomitesiden täht[5]. Toižed «höunhižiden kuziden» hüväd poled oliba siš, miše ei tarbiž olend joga kerdan kävelta udehe kuzehe da ei olend langenuzid neglaižid[10].

Al'uminijaspäi

Tegokuz' al'uminijaspäi

Oma tegokuzed, miččid tehtas al’uminijaspäi[2]. Ned il’mestuiba Amerikas: ezmäi — vodel 1958 Čikago-lidnas [11], jäl’ges — Manitovok-lidnas, kus zadodihe enambišt mugomiden «puiden» tegend[12]. Al’uminižid tegokuzid tehtihe vozidehesai 1970[11], a vodel 1965 ned oliba popul’arižen teral[13][14]. No sel-žo vodel kinokanghale läksi lühüd «Čarli Braunan Raštvad»-mul’tfil’m, mitte hubin painasti al’uminižiden tegokuziden edeližehe möndaha[11].

Plastikaspäi

Tegokuz' plastikaspäi

Enamba tegokuzid tehtas PVH-plastikaspäi. Niiden tüvehe om ottud punotud vanuim[15]. Sen ühtes neglaižed tehtas henokašti leikatud erimujuižen plönkan šoiduižišpäi[16].

Ongiragan rihmaspäi

Tegokuz' ongirihmaspäi

Nenil kuzil oma pit’käd da ninevad (kinktad) neglaižed, miččed oma pegajan neglaižiden pojavad. Paksus ongiragan rihmad kävutoitas ühtes PVH-plastikanke, pud voidas olda kuti «uhoitud» tegolumel da čomitadud käbuil plastikaspäi[16].

Valatud kuz' (silikon, räzin)

Valatud kuz'

Valatud kuzed enamba kaikid nägusoiš londuseližikš. Joga kuzen barb om tehtud käzil, barban tüvi om mujutadud muzaval mujul. Neglaižed nägusoiš surembikš.

Erased kuzed oma tehtud ühtes valatusen da PVH-plönkan abul [15].

Svetodiodižed kuzed

Svetodiodine kuz’

Svetodiodižed kuzed — nece oma kuzed stal’runganke, niiden kavag’ om tehtud PVH-plönkaspäi, miččen keskhe oma pal’mikoitud svetodiodižed nitid. Necen kuzen voib viritada rozetraspäi i se zavodib hoštta [17].

Homaičendad

  1. ↑ 1 2 Forbes, Bruce David. Christmas: A Candid History, (Google Books Архивная копия от 29 heinkud 2016 на Wayback Machine), University of California Press, 2007, pp. 121—22, (ISBN 0-520-25104-0)
  2. ↑ 1 2 3 Hewitt, James. The Christmas Tree, (Google Books Архивная копия от 23 kezakud 2016 на Wayback Machine), Lulu.com, 2007, pp. 33—36, (ISBN 1-4303-0820-6).
  3. ↑ 1 2 Perkins, Broderick. «Faux Christmas Tree Crop Yields Special Concerns Архивировано 8 sügüz'kud 2008 года.», Realty Times, December 12, 2003, accessed December 15, 2008.
  4. ↑ 1 2 John, J. A Christmas Compendium, (Google Books Архивная копия от 20 heinkud 2014 на Wayback Machine), Continuum International Publishing Group, 2005, p. 129, (ISBN 0-8264-8749-1).
  5. ↑ 1 2 3 4 Marling, Karal Ann. Merry Christmas!: Celebrating America's Greatest Holiday. — Harvard University Press, 2000. — P. 58—62. — ISBN 0674003187.
  6. ↑ 1 2 Silverthorne, Elizabeth. Christmas in Texas, (Google Books Архивная копия от 5 keväz'kud 2022 на Wayback Machine), Texas A&M University Press, 1994, p. 62, (ISBN 0-89096-578-1).
  7. ↑ «Christmas Tree Traditions Архивная копия от 4 heinkud 2010 на Wayback Machine», University of Illinois Extension, accessed December 15, 2008.
  8. ↑ 1 2 Искусственные ёлки: когда появились, история, где находится старейшая в мире. dp.ru (12 tal'vkud 2022). Дата обращения: 21 kül'mkud 2024.
  9. ↑ Елка новогодняя искусственная. Подробное описание экспоната, аудиогид, интересные факты. Официальный сайт Artefact. ar.culture.ru. Дата обращения: 21 kül'mkud 2024.
  10. ↑ Marling, Karal Ann. Merry Christmas!: Celebrating America’s Greatest Holiday, (Google Books Архивная копия от 5 keväz'kud 2022 на Wayback Machine), Harvard University Press, 2000, pp. 58—62, (ISBN 0-674-00318-7).
  11. ↑ The Baltimore Sun, October 26, 2008, accessed December 14, 2008.
  12. ↑ Andrews, Candice Gaukel. Great Wisconsin Winter Weekends, (Google Books Архивная копия от 5 keväz'kud 2022 на Wayback Machine), Big Earth Publishing, 2006, p. 178, (ISBN 1-931599-71-8)
  13. Oakland Tribune, December 24, 2006, via findarticles.com, accessed December 14, 2008.
  14. ABC News, December 18, 2005, accessed December 14, 2008.
  15. ↑ 1 2 Выбрать елку и не сойти с ума. Разбираемся в сортах искусственных елок, iXBT Live (11 kül'mkud 2021). Дата обращения: 21 kül'mkud 2024.
  16. ↑ 1 2 Искусственная елка: какая лучше, как выбрать, Российская газета (6 tal'vkud 2023). Дата обращения: 21 kül'mkud 2024.
  17. ↑ Анна Джей. Литая или светодиодная? Какая искусственная елка лучше и безопаснее, AiF (26 tal'vkud 2019). Дата обращения: 21 kül'mkud 2024.

Literatur

  • Авдонина М. Ю., Жабо Н. И. Гиперконцепт «ёлка»: лингвистический аспект в современном коде новогоднего ритуала // Вестник Московского государственного лингвистического университета. Гуманитарные науки. 2015. № 27).
  • Баранникова Г. И. Учебная модель организации номинативного поля концепта «зима» // Гуманитарный вестник. 2013. № 2.
  • Ханипова И. «Да здравствует Новый советский год» (политизация новогодней ёлки в советской России) // Гасырлар авазы — Эхо веков. 2012. № 3—4. U
  • Шульга Е. В. Праздник новогодней ёлки в школах России: век вчерашний — век нынешний // Историко-педагогический журнал. 2012. № 2.

Tarkendused

Om sadud "https://vep.ruwiki.ru/w/index.php?title=Tegokuz%27&oldid=252372"