Tarbajev Sangadži
| Tarbajev Sangadži | |
| Fail:Сангаджи Андреевич Тарбаев.JPG | |
| Sündundpäiv |
15 sulakud 1982 (42 vot) |
|---|---|
| Sündundsija: |
|
| Valdkund | |
| Professijad: | |
| diskussii • redaktiruida | |
Sangadži Andrejevič Tarbajev (kalm.: Тарбан Санһҗ, 15. sulaku Venäman NFST, NSTÜ) om Venämän eläi,valdkundaline da politikmez', Venäman Parlamentan turiznam da tirizman kehitoitusen komitetan pämez' vodelpäi 2021. "Novie lüdi"-frakcijan ühtnik.
Kalmikan Valdkundan valdmehišton varapämez' - kaikenaigaine ezitai Kalmikan Valdkundaspäi Venäman prezidental (2019-2020), Visšaja liga KVN - toimitai. TV-programmoiden vedäi, Sbornaja RUDN - komandan kapitan, čempion vodel 2006, «Yellow, Black and White» -organizacijan päprodüser (2008—2012), «Fight Nights Global» - promouteran kompanijan prodüser, «My Way Productions» - kompanijan pämez', Venäman kundaližen palatan ühtnik (2014—2017), Moskan lidanan kundaližen palatan ühtnik (2019—2020), «Korktoiden školiden pästnikoiden mail'man associacijan» pämez'.
Uhokun 25. päiväl vodel 2022 om pandud Jevroühtištusen sankcijoiden lugetišehe. Keväz'kun 11. päiväl vodel 2022 om pandud Velikobritanian sankcijoiden lugetišehe. Sügüz'kun 30. päiväl om pandud Amerikan sankcijoiden lugetišehe. Redukun 7. päiväl om pandud Ukrainan sankcijoiden lugetišehe. Uhokun 24. päiväl om pandud Kanadan sankcijoiden lugetišehe. Om mugažo pandud Šveicarian, Avstralian, Japonian, Novaja Zelandian sankcijoiden lugetišehe.
Biografii
Sangadži om sündnu Elist-lidnas 15. päiväl sulakud. Hänen tatoi Andrei Sangadžijevič Tarbajev oli kalmikan rahvahan ezitai, mam Makpal Gabdulovna Tarbajeva - kazahan rahvahan ezitai. Vodel 1999 lopi kesk'školan nomer 10 Elist-lidnas kuldaižen medalinke. Vozil 1999-2005 openzihe Venäman rahvahiden sebruden universitetas, lopi gumanitarižiden da sociologižiden tedoiden fakul'tetan, keskrahvahiden kosketusiden teorijan da istorijan tedokundan. Vodel 2003 oli stažirovkal Jegiptas, vodel 2004 - Sirijas. Vodel 2008 lopi aspiranturan. Om anglijan da araboiden keliden kändai.
Hänel om must vö taekvando-sportvoibištelendoiš, Kalmikan Valdkundan čempion. Hän lopi muzikškolan rusttan diplomanke, mahtab väta skripkal. Korktemban ligan KVN-čempion.
Sangadži zavodi akt'oran kar'jerad «KVN»-šous RSVU-kamandan kapitanal. Oli TV-vedäjan, «Vokrug sveta»-programman ohjandajan. Vodel 2008 tegi ičeze "VBD Grupp"-kompanijan da pästi televidenijal mugoižed projektad kut: "Dajoš molodöž'", "Ural'skie pel'meni", "Video Bitva", "Igruški", "Svetofor", "Kuhn'a" da toižed.
Vodel 2011 sai "TEFI-2011" - premijan "Odna za vseh"-TV-ohjelmas.
Vodelpäi 2012 om nainu, hänel om Tat'jana - ak. Üks' poig - Timudžin (om sündnu vodel 2013).
Homaičendad
Irdkosketused
|
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |