Pohjoižmeri

Pohjoižmeren fotokuva Man kaimdajaspäi

Pohjoižmeri (pohj.-friz.: Weestsiie, päivl.-friz.: Noardsee, šotl.: German Ocean) om madal meri šel'fal Pohjoiževropas, Suren Britanijan, Norvegijan i Danijan keskes. Mülütadas Pohjoižmert Atlantižen valdmeren basseinha.

Ühthižed andmused

Pind — 750 tuh. km².

Randanpird — läz 6000 km.

Veden mülü — 94 tuh. km³.

Süvüz voib olda 725 metrhasai, keskmäine süvüz om 95 m.

Geografijan andmused

Pohjoižmeri om ümbärtud Evropan kuivusel päiči pohjoižpalas. Ühtenzoitase La Manš- da Pa-de-Kale-sal'mil Atlantižen valdmeren päpalanke, Skagerrak-, Kattegat-, Danijan sal'mil da Kilän kanalal Baltijan merenke. Norvegijan meri om olmas pohjoižhe, läm' Pohjoižatlantine joksmuz putub Pohjoižmerhe sišpäi.

Pohjoižmeri lainištab Ročinman, Saksanman, Suren Britanijan randad.

Sarištod: Pohjoižfrizan sared, Päivnouzmaižfrizan sared, Päivlaskmaižfrizan sared, Orkneisared da Šetlandsared.

Järedad joged, kudambad langetas Pohjoižmerhe: Glomm, Vezer, Maas, Temz.

Ižanduz

Kaik meri om jagadud ekonomižihe zonoihe lähevenujiden valdkundoiden keskes.

Londuseližed varad oma lete, gravii. Mail'man tetab kivivoin "Brent"-segoituz sase Norvegijan ižanduzzonas.

Sured lidnad da portad (častomaraižen mödhe): Gull', Njukasl-apon-Tain, Aberdin.

Homaičendad

Irdkosketused

• Pohjoižmeren basseinan strategii Evropižen Laudkundan saital (ec.europa.eu).  (angl.)