Pihllindud

Pihllindud
Tedoklassifikacii
Valdkund: Živatad Tip: Sel'gjäntkeižed (Chordata) Klass: Lindud (Aves) Heimkund: Pasklindunvuiččed (Passeriformes) Sugukund: Pihllindunvuiččed (Turdidae) Heim: Pihllindud
Latinankel'ne nimi
Turdus (Linnaeus, 1758)
Sistematik Vikierikoiš Kuvad Vikiaitas ITIS 179752 NCBI 9186

Pihllindud (Pihllindunvuiččed-sugukundha. Kaik om 62 erikod heimos.

Nimituz libub pihl'-puspäi.

Leviganduz

Heimon erikod oma levitadud Evropan, Azijan, Pohjoižamerikan i Suviamerikan maiš, mugažo Avstralijas. Kaks' erikod oma introduciruidud Udhe Zelandijha.

Meclindud päpaloin. Pohjoižerikod letas suvirajonihe tal'veks suril parvehil.

Ümbrikirjutand

Hibj om 20..25 sm pitte. Likkudas madme hüpkil küküiden. Pezoiteldas paroil üksin vai penil kolonijoil, sätas pezoid puil, penzhil vai man pindal; pezad oma jüžmakod, paksus manke vai savenke seinüziš. Mundäs 1..2 kerdad kezaaigan, kaikuččes munindas om 3..7 munad.

Södas gavedid, hämähoukuid, madoid, mollüskid i marjoid, sötlesoiš man pindal paksus.

Turdus merula- i Turdus philomelos-erikod pajatadas čomin.

Valitud erikod

• Turdus abyssinicus — Efiopine pihllind
• Turdus albicollis — Vaugedkaglaine pihllind
• Turdus falcklandii — Fol'klendine pihllind
• Turdus grayi — Grejan pihllind
• Turdus migratorius — Kalaidai pihllind
• Turdus nigrescens — Hämärakaz pihllind
• Turdus philomelos — Pajatai pihllind
• Turdus pilaris — Todesine pihllind
• Turdus rufopalliatus — Ruskedsel'gpihllind
• Turdus unicolor — Üks'mujuine pihllind