Palikir
| Palikir | |
|---|---|
| angl.: Palikir | |
 | |
| 6°55′04″ с. ш. 158°11′06″ в. д.GЯO | |
| Valdkund | |
| Istorii da geografii | |
| Высота | 80 |
| Eläjad | |
| Eläjad |
|
 |
|
Palikir (mugažo anglijan kelel, virktas [ˈpælɪˌkɪər]) om FMV:oiden pälidn. Se on valdkundan kahtenz' lidn eläjiden lugun mödhe, mülüb Ponpei-štatan Sokehs-municipalitetha.
Istorii
Eländpunkt oli olmas peneks küläks. Vl 1986 valdkund sai ripmatomut, i saudihe ut pälidnad külän sijas AÜV:oiden US$15 mln abunke, sirtihe Kolonia-lidnaspäi (Ponpei-štatan pälidn kahesa kilometrad pohjoižpäivnouzmha) vl 1989.
Palikir šingotase valdkundan pälidnan funkcijoil i turizmal.
Geografijan andmused
Lidn sijadase valdkundan päivnouzmas, mägikahan Ponpei-saren lodehes, 80 m ü.m.t. keskmäižel korktusel. Tropižed mecad ümbärtas Palikirad.
Klimat om tropine vihmmecoiden tulleikaz, läz kaikenaigaine vodes läbi. Kun keskmäine lämuz vajehtase +26,6..+27,1 C° röunoiš. Paneb sadegid 5 202 mm vodes, kuidme 279 mm (uhoku) ..515 mm (eloku), Palikir om kaikiš nepsamb pälidn mail'mas. Kun keskmäine nepsuz om 81..84 %.
Eläjad
Vl 2009 lidnan eläjiden lugu oli 4 645 ristitud. Kaiken Sokehs-municipalitetan ristitišt oli 6 647 eläjad vl 2010.
Eläjiden tobj pala om hristanuskojad (96 %, heiden pol' oma riman katolikad) i mikronezijalaižed.
Alaškol (angl.: Palikir Elementary School) radab lidnas. Üläopendusen škol Beili Olteran nimed sijadase Kolonia-lidnas.
Rahvahidenkeskeine lendimport radab kahesas kilometras pälidnaspäi Kolonia-lidnas.
Homaičendad
| Valdmerimaiden pälidnad | ||
| Apia | Funafuti | Honiar | Kanber | Madžuro | Ngerulmud | Nukualof | Palikir | Port Morsbi | Port Vil | Suv | Suvitarav | Vellington | ||