Palan
| Palan | |||||
|---|---|---|---|---|---|
 | |||||
|
|||||
| 59°05′03″ с. ш. 159°57′01″ в. д.GЯO | |||||
| Valdkund | |||||
| Istorii da geografii | |||||
| Pind |
|
||||
| Aigvö | UTC+12:00[d] | ||||
| Eläjad | |||||
| Eläjad |
|
||||
| Lugud | |||||
| Telefonan kod | 41543 | ||||
| Počtan indeksad | 688000 | ||||
|
|
|||||
| Официальный сайт | |||||
 Mediafailad RUWIKI-tedoiš | |||||
![Флаг[d]](/wiki/Fail:Flag_of_Palana_(Kamchatka_krai).png)
.png)
Palan (ven.: Пала́на, koräk.: Камэран, itel'm.: Кылхит) om Venäman lidnanvuitte žilo da lidnümbrik Kamčatkan randan keskuzpalan päivlaskmas. Om Koräkan ümbrikon keskuz.
Istorii
Eländpunkt mainitase ezmäižen kerdan vl 1697 kut koräkalaižiden Angavit-lidnuz. Kozakad nimitiba sidä Keskmäine Palanan žilo (ven.: Средне-Паланское). Vspäi 1876 sirtihe nügüdläižhe sijha paksuiden sur'veziden tagut, i vhesai 1920 žilon oficialine nimi oli Pallan (ven.: Паллана). Se sai radnikžilon (lidnanvuiččen žilon) statusad vn 1962 20. päiväl heinkud. Vspäi 1990 Koräkan pedagogine škol radoi (nüg. Palanan kolledžan pala). Lidnümbrik vn 2005 uhokuspäi. Edel vn 2007 heinkud žilo oli valdkundan subjektan administrativižeks keskuseks.
Palan šingotase ümbrišton openduzkeskuseks, meriportal (semendku..reduku) Palan-jogen suhištos i regionaližel Palan-lendimportal[3] ( ПАН / UHPL) nelläs kilometras päivlaskmha.
Geografijan andmused
Žilo sijadase Kamčatk-pol'saren päivlaskmažel randištol, Palan-jogen (koräk.: Пылылъын «jogi vezilanktendanke» 141 km pitte) oiktal randpolel, jogi lankteb Ohotskan merhe seičemes kilometras päivlaskmha žilon keskusespäi. Matkad Petropavlovskhasai Kamčatkal om 936 km suvhe avtotedme.
Klimat om subarktine. Voden keskmäine lämuz om −3 C°, heinkun-elokun +11 C°, tal'vkun-uhokun −14..−17 C°. Ekstremumad oma −42 C° i +30 C°. Paneb sadegid 472 mm vodes, enamba heinkus-kül'mkus (58..66 mm kus), vähemba uhokus-keväz'kus (11..12 mm kus).
Eläjad
Vn 2010 Venäman rahvahanlugemižen mödhe žilon eläjiden lugu oli 3 155 ristitud. Kaikiš suremb ristitišt oli 4 343 eläjad vl 1989. Vl 2017 žilon ristitišt oli 2 922 eläjad.
Ortodoksižen hristanuskondan ph. Mikulai-čudonsädajan jumalanpert'[4] om saudud vll 2010−2014.
Keskškol nomer 1 radab žilos. Palanan kolledž[5] om žilon professionaližen opendusen aluzkundaks.
Edeline lidnümbrikon pämez' om Ol'ga Mohireva, hän radoi vn 2018 uhokuspäi.