Nin'

Рувики-späi

Nin' (ven.: Лы́ко) — noren lepan da erasiden lehtezpuiden (v'azan, raidan) kor'. Ottas virzuiden kuvadamižen täht[1]. Vanhembiden puiden korespäi tehtas töpid[2], sišpäi tehtas mugažo rogožkad, kanatad[3], seglad[4].

Burak tohespäi da ninespäi, XX voz'sadan augotiž

Istorii

Ezmäižed johtutesed ninen polhe venälaižiš lähtkiš vastasoiš XII—XIII voz'sadal. Siš lugus, voden 1205 aigkirjas om sanutud, miše nin' anttihe den'goiden da toimaižiden sijas:

"Venälaižed kn'azid toradaba Litvanke da Jatv'agidenke, hö vagestiba niid da pätiba, miše hö andaba heile den'goiden da tomaižiden sijas nin't, košnicad da vastoid kül'betihe".

— А. Kurbatov. Rus' virzutoi ("Rodina"-aiglehtez, № 6, 2001).

Plett'ud virzud ninespäi amuižes aigaspäi oli tetab pöivnouzmanpolen da päivlaskmanpolen slavilaižiden keskes, Pribaltikan rahvahiden keskes, suomalaiž-ugrilaižiden rahvahiden (ven.) (vep. da Švecijan läheližiš rajonoiš[5][6]. XV voz'sadahasai venälaižiden voiskiden snar'aženjes oliba kol'čugad dubninespäi da nin'ščitad[5]. Neciš-žo materialaspäi Venämal "plettihe puzud, korobad, kulid, burakoižed da eskai lebuištimed da stolad". No paksumba kaiked nin' ottihe virzuiden kudomižen täht[5]. Völ XVIII voz'sadal vurzud oliba pupul'arižed ei vaiše maorjiden keskes, no lidnan eläjiden keskes. Uden voz'sadan toižehe palahasai nin'virzud oliba päkengäd gubernijoiden küliš[5].

Kogonaižed küläd da eskai regionad kudoiba virzud ninespäi. Niiden keskes — Smirnovo-külä Nižegorodskijas gubernijas, kus tehtihe tetabad "smirnovoiden virzud"; Sem'onovskoje-külä (läz Kinešmad); Mit'-külä Šujan ujezdas (Vladimirskan gubernii). Tambovan mastrid tegiba nin'virzuid "kaikele Venämale, siš lugus Russtale armijale…"[5].

Tedomehed tradicionaližesti lugeba, miše virzud paniba jaugoihe vaiše manorjad, sikš ku den'goid ei olend da rahvaz eli "gol'l'udes amuižes aigas". No al'ternativižen mel'pidon mödhe, virzud ninespäi läz XVI voz'sadahasai vasttihe lujas harvoin, ku rindatada nahkkengidenke, da kävutadihe päazjas manradoiden aigan (pöudol, mecas da m.e.). Sid' nahk tegihe kal'heks, sapkad joiba virzuid maorjiden jogapäiväižes elospäi[5].

Samine da kävutamine

Ninen saskelmine da ezitegemine

Nin' om vaimiž kävutamižen täht

Tambovan maorjad keraziba nined kevädel: necil aigal "mecas čaptihe nored pud, miččid nimitihe lutoškoikš. Heittihe oksad čaptud puspäi, zavottihe rästta pit'kid lentaižid nin't…"[5]. Venäman pohjoižes nin' keratihe "Blahoveščenjaspäi (ven.) (vep. Troican päivähasai, sikš ku necil aigal kor' om völ pehmed"[7]. Koren südäimed, mitte oli rasttud lepaspäi, koritihe[8]. Ozutesikš, mordvalaižed paniba nined vedhe pit'käks aigaks, miše material tegižihe pehmdaks da novelaks[6].

Venäman pohjoiž- da keskregionoiš mastril-virzuiden tegijoil oli ičeze opendusen aig, konz zavodida da konz lopta, kuverz' äi aigad pidab pidäda vedes sidä. Üks' vladimiran manorjišpäi muga sanui mahtoiden sirdämižes polvespäi polvehe: "Minun tat openzi velled kudes vodespäi… Ezmäks koritada puid mecas, sid' pidäda vedes, a sid' kudoda-ki"[7].

Kengiden da toižiden koditehmusiden tegemine

Päkirjutez: Virzud

Üks' tedomehišpäi muga kirjutab ninen polhe da virzuiden kudomižes mordvalaižil[6]:

Pidetud vedes nin' ei katte, voib koverzuda hot' kut. Sikš virzud kudotihe värčogaižen kudomižen abul, siloi ned oliba vahvad da niil oli oiged form. Kočedikan abul virzuiden pohjaze pandihe nined ližaks, miše nse oliži vahvemb da vurzuid voiži pidäda pidemban aigan.

— Т. А. Kozlova. Käziradod mordvalaižiden runoihudes… — С. 334

"Kaks'kandaižiden" virzuiden tegemižen täht, libo "semiličkoiden täht"[9], kävutadihe lujas hüvin puhtastadud nin'. mugoižed virzud märitadud aigan pidetihe päiväižel, jäl'ghe necidä "ličkoiden ezipol' tegihe must-ruzavaks"[6].

Om tärged, miše virzud saiba ičeze nimen ripputades pun suguspäi, miččespäi koritihe nin't. Muga raidan korespäi tehtihe "verzn'ad", talaspäi — "šel'užnikad". Noren duban ninespäi kudotihe "duračad", koivun da väzan ninespäi — "ber'ozovkad" da "väzovikad". No kaikid vahvembad virzud tehtihe noren lipan ninespäi. pun sanktuz' ei voind olda enamba pol'tošt verškad[5].

Ninespäi tehtihe ei vaiše vurzuid, no toižid-ki kodikaluid. Muga mordvalaižiden elos kävutoitihe paksus "kudotud ninespäi kašal'". Se oli nel'l'čogaine mülütim kahtes palaspäi. Mugoine kašal' kudotihe "värčogaižen" abul, čogaižiden abul da röunoiden abul. Mülütimen kahtes vastpolespäi kingitihe "nel'l' nin'sal'med", kuna ličihe noraine[6].

Kuvahaine fol'kloras

Mariicoiden fol'kloras gerojad keradaba nined puzuiden da virzuiden tegemižen täht. Lepkor' oli tradicionaline material virzuiden kudomižen täht mordvlaižil. Vahvištuz löudase erziden sarnas, miččen nimi om "Kudomatoi virz": "Tuli aig zavot't'a Van'oile tehta radod, a panda jaugoihe ei olend nimidä. Läksi Van'oi mecha, rästi nin't, tuli kodihe da zavodi kudoda virzuid"[6].

Venän kelel om äi muštatišid ninen kudomižes ("Ei ole kudotud ninel", "Ei kudo nin't" da toižed). "Ei kaikutte nin' kožub"-muštatiž om tehtud virzuiden tegijoil: todesine mastar' tezi, "mitte nin' miččehe kožub, ika miččehe rivehe kudoda"[5][10].

Homaičendad

  1. ↑ Лыко // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  2. ↑ Мочало // Новый энциклопедический словарь: В 48 томах (вышло 29 томов). — СПб., Пг., 1911—1916.
  3. ↑ Мочальный промысел // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  4. ↑ Донец Е.П., Рачков П.А. Плетение из лозы и лыка. — М.: Ранко-пресс, 1993. — С. 56. — 64 с.
  5. ↑ 1 2 3 4 5 6 7 8 9 Пирожков, Г. П. Лапти С. 26—29. Юный краевед (2008, № 1). Дата обращения: 1 tal'vkud 2012. Архивировано 4 tal'vkud 2012 года.
  6. ↑ 1 2 3 4 5 6 Козлова, Т. А. Освещение промысловых и ремесленных занятий в устно-поэтическом творчестве мордовского народа С. 334—335. Фундаментальные исследования (2012, № 9). Дата обращения: 12 tal'vkud 2025. Архивировано 4 tal'vkud 2012 года.
  7. ↑ 1 2 Добровольская, Варвара. «Лапоть с лаптем, а сапог с сапогом»: запреты и предписания, связанные с изготовлением обуви в Северной и Центральной России С. 84. Антропологический форум (2010, № 13). Дата обращения: 12 tal'vkud 2025. Архивировано 4 tal'vkud 2012 года.
  8. ↑ Шевцова, А. В. К вопросу о семантических преобразованиях свободных сочетаний слов во фразеологизмы (недоступная ссылка — история) С. 189. Вестник СумГУ (2007, № 2). Дата обращения: 1 tal'vkud 2012.
  9. ↑ Jogapäiväižes elos mugoižed virzud arvosteldihe enamba, mi "üks'kandaižed". Kandan pohjas niil oli kaks' čogad, miččiden nimi oli "semiličkad".
  10. ↑ Лыко. — Толковый словарь живого великорусского языка : в 4 т. / авт.-сост. В. И. Даль. — 2-е изд.. — СПб., 1880—1882 гг..
Om sadud "https://vep.ruwiki.ru/w/index.php?title=Nin%27&oldid=518424"