Mikel'andželo

Mikel'andželo
Mikel'andželo (Daniel' de Vol'terran rad)
Nimi:	ital.: Michelangelo di Lodovico Buonarroti Simoni
Sündundpäiv	6. keväz'kud 1475[…]
Sündundsija:	Caprese Michelangelo[d], Firenze Vabariik[d]
Kolendpäiv:	18. uhokud 1564[…] (88 лет)
Kolendsija:	Rim, Kirikuriik[d][…]
Valdkund	Firenze Vabariik[d]
Professijad:	skulptor, arhitekt joonestaja, maalikunstnik, arhitekt, runokirjutai, insener, general contractor, kirjutai
Tat	Q111456912?
Mam	Francesca di Neri del Miniato Siena[d]
Allekirjutuz
Mediafailad RUWIKI-tedoiš

Mikel'andželo Buonarotti (täuz' nimi: Mikel'andželo di Lodoviko Buonarotti Simoni, ital.: Michelangelo di Lodovico Buonarroti Simoni; sünd. 6. keväz'ku 1475, Kapreze Mikelandželo, Toskan — kol. 18. uhoku 1564, Rim, Papan agj) oli italine voimujupirdai, skul'ptor, arhitektor, runokirjutai da meletai. Hän om üks' surembiš da järedambiš mastarišpäi Renessansan aigan, sai avarod tetabut elon aigan völ, tegi sädusid ühesan rimalaižen papan täht.

Biografii

Om kaičenus äi dokumentoid Mikel'andželon elos da sädamižes. Mehen ezmäine biografii om sätud, konz hän oli elegiš völ, oficialine biograf oli Džordžo Vazari.

Mikel'andželo oli sündnu Florencijan gollištunuden bajarin kanzha kahtendeks poigaks. Mam koli paksuiden kohtukahusiden tagut prihaižen sündundan kudenden voz'päivän vodel. Tuleban aigan tetab skul'ptor avaiži mel'hetartust savele i leiktandinstrumentale aigaližes laps'aigas, edel kirjmahtoiden opendust, ka hänen opendusen aigan järgeližes školas kopirui jumalaižid da freskoid, kontaktirui enamba pirdajidenke.

Vl 1488 tat hökkahti poigan mel'hetartusidenke i andoi händast openumha Domeniko Girlandajo-pirdajan radhonushe. Siš nor' Mikel'andželo tundišti čomamahton päižid materialoid i sädusiden radonmahtoid.

Sädused

Mastarin mahtuz zavodiše da lopiše ristitun hibjan ozutandas.

Mikel'andželon kaikiš tetabambiš skul'pturtöišpäi oma «David», «Bahus», «Pjeta», Moisein, Lijan i Rahilin kuvapatshad Julii II-papan kaumusen täht. Sikstinan kapellan lagen freskad oma pirdajan kaikiš surembiš töišpäi. Arhitekturižiden sädusiden keskes — ph. Pedroin päjumalanpertin kumplon projekt (Vatikan), Laurencianan kirjišton pordhad (Florencii), Kampidol'jo-torg (Rim).

Homaičendad