Madhuri Dikšit
| Madhuri Dikšit | |
|---|---|
| hindi: माधुरी दीक्षित | |
 | |
| Sündund päiv | 15. semendkud 1967 (59 лет) |
| Sündund sija | |
| Rahvahuz' | |
| Professii | kinoaktrisa |
| Radon aig | 1986 — наст. время |
| Pauklahjad |
 |
| IMDb | ID 0002043 |
 Mediafailad RUWIKI-tedoiš | |
Madhuri Dikšit (ven.: Мадхури Дикшит, hindi: माधुरी दीक्षित, angl.: Madhuri Dixit, om sündunu 15. semendkud 1967, Mumbai) - indijalaine Bollivudan aktrisa da kargnik.
Om kaikid tetamb aktrisa, mitte mülüb Ginnessan rekordoiden kirjaha vodel 2001, kut kaikid arvokahamb da kal'hemb aktrisa. Hän oli 13 kerdad nominiruitud Filmfare-premijale "Parahin akan rol'"-kategorijas, vägesti 4 kerdad. Vodel 2008 oli pauklahjoitud Indijan nelländel ülembaižel valdkundaližel Padma Šrin pauklahjal sures panendas kinotaideheze.
Elostarin
Madhuri om sündnu Mumbai-lidnas Indijas. ülembaižen kastan kanzas, kus pagištihe marathin kelel. Hänen mamad kuctihe Snehlataks, tatad — Šankaraks, hänel om kaks' sizart da vel'l'.
Madhuri ei meletand-ki aktrisan da kargnikan karjeran polhe. Neičukaine openzihe školas, putui opendamhas bombeiskijaha kolledžaha Parlaha, tegihe bakalavraks mikrobiologijan mödhe.
Karjer
Vodel 1986 Rajshri Productions-studijan taričendan mödhe ühtni Abodh-fil'man sjomkoihe.
ven.: «Жгучая страсть»-fil'm vajehti Madhurin elod. Bollivud homaiči händast. Voded 1990 oliba parahimad da ozakahad aktrisan täht. Aktrisa sai Filmfare Award-premijad parahimas akan roliš. Hän vändi äjiš fil'moiš.
Vodel 2007 snimihe kargdramas, miččen nimi oli ven.: «Давайте танцевать». Hän ozuti ičeze karglahjavut. Vodel 2010 händast kuctihe televidenijaha olda ž'urin mehen Jhalak Dikhhla Jaa-krgšoun nelländehe sezonaha. Šoul oliba kaikid korktembad reitingad indialaižes TV-s.
Vodel 2013 Madhuri ühtes mužikanke Šriram Nenenke avaiži ičeze RnM Moving Pictures-prod'usserpertin, ezmäižen projektan sigä oli «Dance with Madhuri» onlain-kargakademii.
Vodel 2024 Madhuri ühtni psihologižen ven.: «Миссис Дешпанде»-trilleran sjomkoihe, fil'man ohjandai om Nageš Kukunur. Madhuri vändi seriinijad rikojad[1].
Kanz
Vodel 1999 Madhuri tundištoitihe kardiohirurganke Šriram Nenenke, hän kaiken elon eli Amerikas. 17. redukud hei oli svadib. Hö zavodihe eläda amerikalaižes Denver-lidnas.
Vodel 2003 aktrisai sündui Arin-poig, vodel 2005 — Rjan-poig.
Vodel 2011 ühtes kanzanke Madhuri tuli elämaha Indijaha Mumbai-lidnaha[2].
Valitud fil'mografii
- Poltai himo (1988) — Mohini;
- Lind (1989) — Paro;
- Ram da Lakhan (1989) — Radha Shastri;
- Koume (1989) — Divija Mathur;
- Kriminal (1989) — Sonija;
- Südäikera (1990) — Madhu Mehra;
- 100 päiväd (1991) — Devi;
- Mel'heine (1991) — Puja;
- Pahatuk (1993) — Gangotri Devi;
- Kapriz (1994) — Šivani;
- Keneks minä olen sinun täht (1995) — Niša Čoudhuri;
- Meletoi südäikera (1997) — Puja;
- Sanumatoi armastuz (1997) — Gauri;
- Pagenu naine (2001) — Džanaki;
- Olen sinun kaik (2002) — Radha;
- Devdas (2002) — Čandramukhi;
- Ka kargaidam! (2007) — Dija;
- Bindu (2018);
- Porok (2019) — Bahar Begum;
- Labirint (2024) — Andžulika.
Homaičendad
- ↑ Мадхури Дикшит сыграет серийного убийцу в фильме Нагеша Кукунура «Миссис Дешпанде» (англ.) (6 elokud 2024). Дата обращения: 6 kül'mkud 2025.
- ↑ Наконец-то! Мадхури Дикшит вернулась в Индию (8 redukud 2011). Дата обращения: 6 kül'mkud 2025.
Lähtked
- Madhuri Diksitan oficialine sait (madhuridixit-nene.com). (angl.)
- Madhuri Dikšit „Internet Movie Database“-saital (angl.)
- Madhuri Dikšit „KinoPoisk“-saital (ven.)