Lapsiden kirjkartaine
| Lapsiden kirjkartaine | |
|---|---|
 | |
| Augotišen päiv | 2026 voz' |
| Sija |
 Venäma |
| Sü | školanedeližiden lapsiden valdkundaline tedotelendprogramm |
| Ühtnikad | 3—6-voččed lapsed |
Lapsiden kirjkartaine (ven.: Детская книжная карта) — školanedeližiden lapsiden valdkundaline tedotelendprogramm, Venäman prezident Vladimir Putin tomoti sidä venän kelen da Venäman rahvahiden keliden tugedusen oblastiš valdkundaližen politikan todenzoitusen Nevondišton ištundal 5. kezakud vodel 2025[1]. Zavodib rata vodelpäi 2026[2]. Kartaine nominalal 3 tuhad rubl'ad om 3—6-voččiden lapsiden täht[3]. Kartaižele voib ostta ei vähemba 10 kirjad, miččed hüväksi tundujoiden sebr[4].
Istorii
5. kezakud vodel 2025 venän kelen tugedusen oblastiš valdkundaližen politikan todenzoitusen Nevondišton ištundal Venäman prezident Vladimir Putin tariči «Puškinan kartaižen» ozutesen mödhe säta «Lapsiden kirjkartaižen»[1]. Valdkundan pämehen mel'pidon mödhe, kartaižen nominalale pidab olda koume tuhad rubl'ad, se om märitud 3—6-voččile lapsile kirjoiden ostandan täht, miččid hüväksiba literatorad, psihologad da školanedeližen opendusen tundijad[3]. Sidä aigan Vladimir Putin homaiči, miše painusiden arvod pidab panda melevašti, miše ühtele kartaižele voiži ostta ei vähemba kümned kirjad [1].
Pästand eloho
«Lapsiden kartaižen» pästand eloho planuičese vodelpäi 2026[2]. Prezidentan abunikan Jelena Jampol'skajan sanoiden mödhe nece programm linneb tozine vedovägi regionaližiden painištoiden kehitoitusen täht[1]. Hän tariči i kartaižen nimen variantan — «Kuldaine avadimaine»[1].
Rahvahan lugumär
Oletusen mödhe programmaha ühtneb läz 7-8 millionad 3—6-voččid lapsid[5].
Homaičendad
- ↑ 1 2 3 4 5 Заседание Совета по реализации госполитики в сфере поддержки русского языка и языков народов России, Президент России (05.06.2025). Дата обращения: 5 kezakud 2025.
- ↑ 1 2 Три тысячи на книжки. Путин предложил с 2026 года выдавать дошкольникам детскую книжную карту, Фонтанка.ру (05.06.2025). Дата обращения: 6 kezakud 2025.
- ↑ 1 2 Путин предложил запустить программу "Детская книжная карта" - Российская газета, Российская газета (5 kezakud 2025). Дата обращения: 6 kezakud 2025.
- ↑ Путин предложил выпустить «детскую карту» на ₽3 тыс. для покупки книг, РБК (05.06.2025). Дата обращения: 6 kezakud 2025.
- ↑ Дети в России. Федеральная служба государственной статистики (1 kezakud 2024). Дата обращения: 6 kezakud 2025.