Krasnosel'skii rajon (Piter)

Krasnosel'skii rajon Piterin kartal

Krasnosel'skii rajon (ven.: Красносельский район) om rajon Piteriš. Se sijadase lidnan suvipäivlaskmas.

Istorii

Krasnoje Selon rajon oli Leningradan agjan palaks vozil 1936−1955, sid' rajonan territorii mülüi agjan Lomonosovan rajonha. Rajonan aluz om pandud Leningrad-lidnan röunoiš vn 1973 13. päiväl sulakud Venäman NFST:n Ülembaižen Nevondkundan prezidiuman käskön mödhe.

Geografijan andmused

Rajonan pind om 115 nellikkilometrad.

Röunatab nenidenke rajonidenke:

• Piterin Kirovan rajonanke pohjoižpäivnouzmas,
• Piterin Moskvan rajonanke päivnouzmas,
• Leningradan agjan Gatčinan rajonanke suvipäivnouzmas i suvičogas,
• Leningradan agjan Lomonosovan rajonanke suvipäivlaskmas,
• Piterin Petrodvorecan rajonanke lodehes.

Metron üks'jäine stancii om sauvomas rajonas i linneb vaumitud vl 2024.

Seičeme municipališt ühtnikad mülüdas rajonha (ende nomerad 37..43): kuz' nimitadud ümbrikod: Suvipäivlaskm (ven.: Юго-Запад), Suvimererandaline (Южно-Приморский), Pedaipallišt (Сосновая Поляна), Urick (rajonan administracijan sijaduz), Konstantinovskoje, Gorelovo, mugažo Krasnoje Selo-lidn, kudambaspäi rajonal om nece nimi.

Eläjad

Vn 2010 rahvahanlugemižen mödhe rajonan eläjiden lugu oli 330 546 ristitud. Vl 2021 ristitišt oli 426 372 eläjad, kaikiš suremb kaikes aigas.

Rajonan administracijan pämez' om Oleg Fadeenko vn 2019 uhokuspäi.

Galerei

• 

  Rajonan tobmuden sauvuz Urick-ümbrikos vl 2016

• Улица Добровольцев 01.jpg

  Sündun Toižetamižen jumalanpert' Ligovos, vn 2022 nägu

• 

  «Ul'janka»-torguindkeskuz Veteranoiden prospektal vl 2015

• Research and Development Institute of Halurgy SPb.jpg

  Galurgijan tedoinstitut (2011)

• The First Children's Hospital in Saint-Petersburg.JPG

  Lidnan lapsiden läžundkodi nomer 1 (2012)

Irdkosketused

• Krasnosel'skii-rajonan administracijan lehtpoled Piterin tobmuden saital (gov.spb.ru). (ven.)  (angl.)
• Krasnosel'skii-rajonan administracijan informacine portal (ksnews.ru). (ven.)