Kinologan päiv
Prezidentan kirjišton B.N. Jel'cinan nimel materialad
| Kinologan päiv | |
|---|---|
 | |
| Tip | Oficialimatoi |
| Päiv | 21. kezakud |
| Praznuičend | praznuitas vodelpäi 2004, konz oli tehtud ezmäine Venäman policijan koiriden kazvatuztarv 21. kezakud vodel 1909 |
Kinologan päiv (Venäman sijaližiden azjoiden ministerstvan kinologižiden erištoiden päiv) — kaikiden kinologoiden professionaline praznik, mitte praznuitas kaikuččen voden 21. kezakud. Siloi 21. kezakud vodel 1909 oli tehtud ezmäine Venäman policijan koiriden kazvatuztarv. Praznuitas vodelpäi 2004.
Istorii
Ezmäine Venäman policijan koiriden kazvatuztarv, kus oli tehtud živatoiden opendajiden škol. Se oli avaitud Piterin policijan pämehen Vladimir Lebedevan idejan mödhe 21. kezakud vodel 1909.
Lebedev toi necen idejan Bel'gijaspäi, hän käveli policijan koiriden kazvatuztarhale. Jevropas jo siloi äi voz'kümnid ottihe koirid radole počtale, policijaha da sanitarslužbale.
Kazvatuztarhan da policijan kinologoiden školan koumes ezmäižes vodes Piteriš oli opetud 300 živatoiden opendajad da enamba 400 koirad-ecijad[1]. Kaikid tetabamb necen školan pästnik oli Moskvan doberman-pinčer Tref, mitte abuti avaita enamba 1500 pahad tegod[2].
Vodel 1912 Izmailovskan gvargeiskan polkas oli tehtud ezmäine voin-pöudoiden koiriden kazvatuztarh, kus vaumitihe službale koirid.
Tal'vkus vodel 1912 koirad radoiba policijan službal enamb mi 50 Venäman gubernijas, vodeks 1915 ned Venäman policijan tegihe päecijoikš. Koirad abutiba tabata pahantegijoid, kaita tür'molijoid, ectä poukahtuzazegid, pidäda «karauloid» dvorcoiš[1].
Jäl'ghe revol'ucijad vodel 1920 Sijaližiden azjoiden rahvahaline komissariat zavodi tehta školoid-kazvatuztarhoid, kus opetihe kinologoid, koirid-ecijoid da oigetihe niid službale.
Surel Kodiman voinal ezmäižiš päivišpäi kinologad ühtes koiridenke oliba službal frontal. Opetud živatad löuziba da kandišiba satatajid, tegiba fašist-tankoiden vzrivoid, eciba minoid, abutiba sv'azistoile, razvedčikoile, kaičiba tilad, homaičiba špionoid da diversantoid, kandišiba tavaroid[3].
18. kezakud vodel 2004 Venäman sijaližiden azjoiden ministerstvan käskön mödhe oli tehtud Kinologoiden erištoiden päiv[4].
Äkkiližiden tegoiden ministerstvas Kinologan päiv om 20. kezakud.[5].
Tradicijad
Toižiden raderištoiden kinologad praznuičeba necidä praznikad — nece om policii, Venäman äkkiližiden tegoiden ministerstv, voinmehed, Rosgvardii, Federaline tamožn'an služb da FSIN[4][6][7].
Kinologan päiväl tehtas voibištelendad. Hüvid radnikoid pauklahjoitas kitändkirjeižil da medalil. Živatoile anttas makukast sömäd[8].
Kacu mugažo
- Rahvahankeskeine koiriden päiv
- Koiran ozan päiv
- Koir
Homaičendad
- ↑ 1 2 21. kezakud praznuitas Venäman sijaližiden azjoiden ministerstvan kinologižiden erištoiden päiv. Voinkaceg (21. kezakud 2017). Дата обращения: 16 semendkud 2024.
- ↑ Kinologan päiv vodel 2024: praznikan istorii da tradicijad. Komsomol'skan oiktuz'. Дата обращения: 16 semendkud 2024.
- ↑ Venäman sijaližiden azjoiden ministerstvan kinologižiden erištoiden päiv. RIA Uzištod (1 keväz'kud 2020).
- ↑ 1 2 Venäman sijaližiden azjoiden ministerstvan kinologoiden erištoiden päiv. Venäman sijaližiden azjoiden ministerstvan oficialine sait. Дата обращения: 16 semendkud 2024.
- ↑ 20. kezakud – Äkkiližiden tegoiden ministerstvan kinologan päiv. МЧС России (20 kezakud 2018).
- ↑ Kinologan päiv. Venäman rahvahaližen gvardijan voiskiden federaline služb. Дата обращения: 16 semendkud 2024.
- ↑ 21. kezakud - Mail'man kinologan päiv. МЧС России. Дата обращения: 16 semendkud 2024.
- ↑ 21. kezakud — Kinologan päiv: istorii, tradicijad da praznuičemine. Uzištod (20 kezakud 2023). Дата обращения: 16 semendkud 2024.
Literatur
Кинологическая тематика в специализированной прессе: автореферат дис. на соиск. уч. степ. кандидата филологических наук: специальность / Кубышко Ольга Владимировна; [Место защиты: Юж. федер. ун-т]. — Ростов-на-Дону, 2018. −23 с.; 21.- Библиогр.: с.22-23 (5 назв.).
Административный вестник: ежемесячный журнал: орган Народного комиссариата внутренних дел. — Москва : «Заготохоз» милиции Республики, 1922—1930, стр. 41-43
Звягинцева К.М. Использование служебных собак во время Великой Отечественной войны // Вестник науки. — 2022. — № 12 (57).