Izmir

Izmir
turk.: İzmir
38°24′46″ с. ш. 27°08′18″ в. д.
Valdkund	Turkanma
Глава	Tunç Soyer[d]
Istorii da geografii
Tegemižen päiv	3-е тысячелетие до н. э.
Pind	944
Высота	2 ± 1
Aigvö	UTC+3[d]
Eläjad
Eläjad	▲4 367 251 чел. (31 tal'vkud 2019)
Lugud
Telefonan kod	232
Počtan indeksad	35000–35999
Avtomašinoiden nomeroiden kod	35
Официальный сайт(turk.)
Mediafailad RUWIKI-tedoiš

Fail:Map of Izmir.PNG

Izmiran transportteiden kart (2009)

Izmir (turk.: İzmir [ˈizmiɾ]) om lidn Turkanman päivlaskmas. Se om Izmiran agjan administrativine keskuz, valdkundan koumanz' lidn eläjiden lugun mödhe i kahtenz' surtte meriport (Stambulan jäl'ghe).

Istorii

Eländpunktan aluz om pandud läz 6500. vot EME. Se oli tetab kuti Amuižen Grekanman Smirn-lidn (grek.: Σμύρνη Smirnē) 11. voz'sadaspäi EME. Ezmäine raudtejono nügüdläižen Turkanman territorijal radaškanzi arni neciš lidnas vl 1858. Vhesai 1922 se oli grekalaižiden lidn päpaloin. Vspäi 1930 lidnan oficialine nimi om nügüdläine.

Mail'man 23. Universiad mäni neciš lidnas vl 2005.

Izmir šingotase meriportal, avtobusoiden i jüguzavtoiden tehmižel, turizmal.

Geografijan andmused

Lidn sijadase Egeižen meren Izmiran lahten randal, 2 m ü.m.t. keskmäižel korktusel. Om ümbärtud madalil mägil. Meles-jogi zavodiše 18 kilometras lidnaspäi i lankteb merhe lidnrajoniš.

Klimat om Keskmeren, kezal om räk. Voden keskmäine lämuz om +18,4 C°, heinkun-elokun +28,5 C°, tal'vkun-uhokun +9..+10 C°. Ekstremumad oma −8 C° i +43 C°. Paneb sadegid 730 mm vodes, enamba tal'vel, vähemba heinkus-elokus (10 mm pordos).

Izmir-lidn otab agjan 12 rajonad koumekümnespäi.

Eläjad

Vl 2014 eläjiden lugu oli 2 847 691 ristitud. Kaikiš suremb ristitišt om nügüd'. Kaik 4,3 mln eläjid om lidnaglomeracijas 12 012 km² pindal (2019), se om kahtenz' surtte Egeižen meren randoil (Afiniden jäl'ghe).

Kümne universitetad ratas lidnas.

Transport

Kundaline transport om avtobusad, tramvaid (kaks' erigoittud jonod), ehtatimed, ezilidnelektrojonusiden sistem (İZBAN, nell' jonod, 40 stancijad, 136 km raudted, üks' jono ühtenzoitab lendimportanke), metropoliten (vspäi 2000, üks'jäine jono 17 stancijanke, 20 km raudted).

Rahvahidenkeskeine civiline lendimport Adnan Menderes-päministran nimed (ADB / LTBJ, turk.: İzmir Adnan Menderes Havalimanı, 12,8 mln passažiroid vl 2017) sijadase 18 km suvipäivlaskmha lidnan keskuzpalaspäi. Tehtas reisid Turkanman äjihe lidnoihe, Evropan i Lähižen Päivnouzmman järedoihe lidnoihe, om äi sezonreisid.

Izmiran meriport (turk.: İzmir Limanı), vai Alsandžak (Alsancak), radab lidnan keskuzpalas. Turkanman eksportan videndez tegese siš päliči.

Homaičendad

Irdkosketused

• Lidnan oficialine sait (izmir.bel.tr). (turk.)  (angl.)