Innopolis
| Innopolis | |
|---|---|
| tot.: Иннополис | |
 | |
| 55°45′02″ с. ш. 48°44′49″ в. д.GЯO | |
| Valdkund | |
| Istorii da geografii | |
| Tegemižen päiv | 9. kezakud 2012 |
| Pind |
|
| Aigvö | UTC+3[d] |
| Eläjad | |
| Eläjad |
|
| Lugud | |
| Počtan indeksad | 420500 |
|
|
|
| Официальный сайт | |
 Mediafailad RUWIKI-tedoiš | |
Innopolis (tot.: Иннополис / Innopolis, ven.: Иннопо́лис) om Venäman lidn Tatarstanan Tazovaldkundan päivlaskmas. Se om Üläuslonan rajonan pala da lidnankund, Kazanin kaimdailidn, mülüb sen aglomeracijha.
Istorii
Eländpunktan aluz om pandud vn 2012 9. päiväl kezakud kuti žilo, sai oficiališt statusad da nimitust vn 2013 sulakus. Innopolis om lidnan statusanke vn 2015 auguspäi. Lidn om projektiruidud singapurižel «RSP Architects Planners & Engineers»-kompanijal, sen ristitišton lugumär voib sadas 155 tuhazesai tulebal aigal. Eländpertid i socialine infrastruktur saudas ühten aigan.
Innopolis šingotase erižen ekonomižen «Innopolis»-zonan edheotandoil (sidä kesken tehnoparkas A. Popovan nimed, kahtenz' N. Lobačevskijan nimed om sauvomas vodele 2022), tedon aluzkundoil (privatine Innopolis-universitet[2]), torguindan objektoil, lebun kompanijoil lidnanno (mägisuksed, gol'f, bouling, «Svijažskan kukhad»-kurort, ambundtahond).
Geografijan andmused
Lidn sijadase Kuibiševan vezivaradimen (Volgan vagonke) oiktal randal i randpolel, 53..220 m ü.m.t. korktusil, keskusen korktuz om 200..220 metrad. Matkad Kazanin röunhasai om 20 km päivnouzmha avtotedme, keskushesai om 40 km päivnouzmha avtotedme, Üläusloni-žilhosai om 10 km päivnouzmha orhal vai 15 km avtotedme. Amuine Svijažsk-lidnuz om kaičenus sarel kahtes kilometras päivlaskmha lidnaspäi. Toine lähembaine lidn om Zelenodol'sk 15 km lodeheze orhal vai 35 km avtotedme. Volg-avtomagistral' (M7-trass, «Moskv — Uf») ümbärdab lidnad suvipäivnouzmaspäi, sild Volgas päliči om saudud sil 10 km pohjoižpäivnouzmha lidnan keskusespäi.
Innopolis om lidnankundan üks'jäine eländpunkt. Lidnankundan pind om 22 km², sidä kesken pertišton pind om 12 km².
Eläjad
Vl 2020 lidnan registriruidud eläjiden lugu oli 405 ristitud, no kaikenaigaižiden eläjiden lugumär oli 3,7 tuhad ristituid sil-žo vodel, ristitišt päiväl — 5,2 tuhad. Kaikiš suremb lidnan ristitišt om nügüd'. Ezmäižiden pertiden faterad oliba anttud kortomha.
Religijan lähembaižed pühäpertid sijadasoiš Svijažsk-žilos (tot.: Зөя) i rajonan äjiš eländpunktoiš.
Nene socialižen infrastrukturan objektad oma olmas lidnas: päivkodi i rahvahidenkeskeine škol opendusenke koumel kelel (totaran, venän, anglijan), IT-licei internatanke lahjoitud lapsiden täht, medicinine keskuz, počtan palakund, kovorking, koume supermarketad, hobbikeskuz, sportkompleks 0,9 ga pindal basseinanke i zaloidenke sportansuguidme, lidnanstadion.
Galerei
- View on Innopolis University and campus.jpg
Innopolis-universitetan i sen kollegijan nägu (2016)
Medicinine keskuz
Tehnopark A. Popovan nimed (2015)
- Lyceum in Innopolis.jpg
IT-licei (2016)
Sportkompleks
.jpg)
Homaičendad
Irdkosketused
Šablon:Tatarstanan Tazovaldkundan lidnad