Han Šahruh
| Han Šahruh | |
|---|---|
| hindi: शाहरुख़ ख़ान angl.: Shah Rukh Khan | |
| Šahruh Han vl 2008 Šahruh Han vl 2008 | |
| Sündundpäiv | 2. kül'mkud 1965 (60 лет) |
| Sündundsija: | |
| Valdkund | |
| Professijad: | TV-vedai, akt'or, scentarist, kinoprod'user, tantsija |
| Tat | Taj Mohammad Khan[d][1] |
| Mam | Lateef Fatima[d][1] |
| Супруга | Gauri Khan[d] |
| Lapsed | Q21122397? |
| Pauklahjad da premijad |
   Crystal Award[d] (2018) Filmfare Award for Best Actor[d] (1994) Filmfare Award for Best Actor[d] (1996) Filmfare Award for Best Actor[d] (1998) Filmfare Award for Best Actor[d] (1999) Filmfare Award for Best Actor[d] (2003) Filmfare Award for Best Actor[d] (2005) Filmfare Award for Best Actor[d] (2008) Filmfare Award for Best Male Debut[d] (1993) Filmfare Award for Best Performance in a Negative Role[d] (1995) Filmfare Critics Award for Best Actor[d] (1995) Filmfare Critics Award for Best Actor[d] (2001) |
 Mediafailad RUWIKI-tedoiš | |
Šahruh Han (hindi: शाहरुख खान, angl.: Shahrukh Khan; sünd. 2. kül'mku 1965, Deli, Indii) om indijalaine Bollivudan akt'or, pajatai, TV-vedai i prodüser.
Biografii
Šahruh om sündnu Udhe Delihe. Pästihe školaspäi, sid' lopi Delin universitetad ekonomiženke specialižusenke. Mamazen surman jäl'ghe hän sirdi Mumbaihe. Edel kinod hän zavodi karjerad televizijas vl 1988, edesti rolid severziš TV-serialoiš. Šahruh edesti ezmäižen rolin kinoho vl 1992, konz "Meletoi armastuz"-fil'm läksi ekranoile. Vl 1995 hän edesti pozitivišt pärolid Vargastamatoi neičeine-fil'mas Kadžol-aktrisan ühtes, muugotid tegihe Indijan kinematografan kuldasižeks paraks sen tagut. Vl 2010 edesti Rizvan Han-autistan rolid, hänen heng matkazi AÜV:oidme Mindai kuctas Han-fil'mas. Kinoakt'oran ližaks, hän om olmas TV-vedajan-ki, sidä kesken «Ken tahtoib lindä millioneraks?»-vändos. Hänel om ičeze «Red Chillies Entertainment»-kompanii.
Vspäi 1991 om nainu, Gauri Han om hänen ak. Heil om üks' tütär da kaks' poigad: Arjan-poig (om sündnu vl 1997), Suhana-tütar (om sündnu vl 2000), Abram-poig (om sündnu vl 2013).[2]
Fil'mografii (serialoid da massižid scenoid lugemata)
- «Meletoi armastuz» (1992) — Radža Sahai
- «Džentl'menan unikuvad» (1992) — Radž Mathur
- «Mel'dünu kunigaz» (1993) — Anil Bansal
- «Elo varus» (1993) — Rahul Mehra
- «Kapriz» (1994) — Vidžai Agnihotri
- «Koume vellest» (1995) — Romi Singh
- «Vargastamatoi neičeine» (1995) — Radž Malhotra
- «Karan da Ardžun» (1995) — Ardžun / Vidžai
- «Sanumatoi armastuz» (1997) — Šankar
- «Meletoi südäikera» (1997) — Rahul
- «Mez'-kaks'nik» (1998) — Bablu Čaudhri / Manu Dada
- «Kaik oleleb elos» (1998) — Rahul Hanna
- «Armastuz ezmäižes kacegespäi» (1998) — Amarkant Varma
- «Mel'dünuded» (2000) — Radž Arjan Malhotra
- «No südäikera om indijalaine völ» (2000) — Adžai Bakhši
- «Opalas, ihastuses-ki» (2001) — Rahul Raičand
- «Ašoka-princ» (2001) — Ašoka Maurija / Pavan
- «Konz jäid üks'päižen» (2001) — Arun Verma
- «Olen sinun kaik» (2002) — Gopal
- «Šakti: pörta poigad» (2002) — Džai Singh
- «Devdas» (2002) — Devdas 'Dev' Mukherdži
- «Armastusen teil» (2003) — Radž Mathur
- «Linneb homnine päiv vai ei» (2003) — Aman Mathur
- «Algat erigandekoi sulidenke» (2004) — Dušant
- «Pördumine kodimaha» (2004) — Mohan Bhargava
- «Vir da Zara» (2004) — Vir Pratap Singh
- «Šahruh Hanan südäimine/irdaline mail'm» (2004) — edestab ičtaze
- «Don. Mafijan pämez'» (2006) — Don / Vidžai
- «Ala pagiže «Jä hüväšti igäks» nikonz» (2006) — Dev Saran
- «Konz' om vähä üht elod» (2007) — Om Prakaš Mahidža / Om Kapur
- «Jumal sädi necen paran» (2008) — Surinder «Suri» Sahni / Radž
- «Billu-keričii» (2009) — Sahir Han
- «Mindai kuctas Han» (2010) — Rizvan Han
- «RA. Ezmäine» (2011) — Šek Har / Dži Van
- «Don. Mafijan pämez' 2» (2011) — Don
- «Sihesai olen elegiš» (2012) — Samar Anand
- «Čennain ekspress» (2013) — Rahul Mitaivala
- «Udenke Vodenke!» (2014) — Čarli / Čandra Mohan Šarma
- «Mel'dünuded» (2015) — Radž / Kaali
- «Kumardelii» (2016) — Arjan Han / Gaurav Čandra
- «Kalliž elo» (2016) — Džehangir «Džug» Han-lekar'
- «Elokaz mez' » (2017) — Rais
Mel'hetartujad faktad
- Hänel om verazmaižid arvlahjoid kinon arvlahjoiden ližaks, ozutesikš Čomamahtoiden da literaturan orden, mugažo Edinburgan universitetan professoran arvnimi.[3][4][5]
- Om olmas «Kolkata Knight Riders»-kriketkluban prezidentaks.[6]
- Tegihe koumandeks indijalaižeks kinopersonaks, kudamban vahasine figur om pandud Tüsso-madaman muzejha Londonas.[7]
- Vl 2003 operiruihe händast sel'gal heitmaha sel'grodlunkeskešt purendust, tegihe Londonan ühtes läžundkodišpäi.
Homaičendad
- ↑ 1 2 Geni (мн.) — 2006.
- ↑ Shah Rukh Khan, Gauri blessed with a baby boy (Šahruh Han i Gauri oma prostitadud vagahaižel) / Archive.indianexpress.com. (angl.)
- ↑ Shah Rukh Khan given honorary doctorate by University of Edinburgh (Šahruh Hanale anttihe Edinburgan universitetan professoran arvnimi). — Bbc.com. (angl.)
- ↑ Dr Shah Rukh Khan - Life Lessons (Elon urokad) Youtube.com-saital.
- ↑ SRK gets France's top culture award (Šahruh Han sai Francijan kul'turan päarvlahjad). — Uzištused 2007-06-13. The Times of India (timesofindia.indiatimes.com). (angl.)
- ↑ Shah Rukh Khan's Kolkata IPL team to be called Night Riders or Knight Riders (Šahruh Hanan IPL-joukud Kolkatas pidab nimitada «Night Riders» vai «Knight Riders»). — Uzištused 2008-02-09 (articles.economictimes.indiatimes.com). (angl.)
- ↑ Big B, SRK, Aishwarya's wax figures at Washington Tussauds (Sur' B:n, Šahruh Hanan i Aišvarjan vahasižed figurad Vašingtonan Tüsso-muzejas) / Archive.indianexpress.com. (angl.)
Irdkosketused
- Šahruh Han - Facebook.com.
- Šahruh Han - Instagram.
- Han Šahruh „Internet Movie Database“-saital (angl.)
- Han Šahruh „KinoPoisk“-saital (ven.)