Hag

Hag
Флаг[d] Герб[d]
52°05′ с. ш. 4°19′ в. д.
Valdkund	Alamad
Адм. центр	The Hague[d]
Глава	Jan van Zanen[d]
Istorii da geografii
Tegemižen päiv	XIII век
Pind	98,12 98,13
Высота	1
Aigvö	Kesk-Euroopa aeg[d]
Eläjad
Eläjad	▲548 320 чел. (1 vilukud 2021)
Lugud
Telefonan kod	070
Počtan indeksad	2491–2599
Официальный сайт(alam.) Официальный сайт (angl.) Официальный сайт(fr.) Официальный сайт(alam.)
Mediafailad RUWIKI-tedoiš

Fail:Stadsdeel van Denhaag.png

Lidnan ümbrikoiden sijaduz

Hag (alam.: Den Haag [dɛnˈɦaˑχ] vai 's-Gravenhage [ˈsxraːvə(n)ˌɦaːɣə] «grafan mec») om Alamaiden lidn da kund valdkundan suvipäivlaskmas. Se om valdkundan koumanz' lidn eläjiden lugun mödhe, Suvigollandii-agjan administrativine keskuz.

Nece om valdkundan faktine pälidn (oficialine — Amsterdam), vspäi 1581 «Generaližed Štatad» (parlament) išttas täs. Monarhan, ohjastusen da parlamentan nügüd'aigaižed rezidencijad sijadasoiš Hagas, mugažo rahvahidenkeskeižed käskuzkundad: ÜRO:n, kriminaline i arbitraž.

Istorii

Eländpunktan aluz om pandud vl 1230 kuti alamalaižen Floris IV-grafan pen' lidnuz. Sauvusiden Binnenhof-kompleks om saudud sen sijas sil-žo 13. voz'sadal tobjimalaz grafan jäl'gnikoil, se om Alamaiden parlamentan, röunantagaižiden azjoiden ministrusen i päministran rezidencijaks. Hot' Hag nägui lidnaks jo vodele 1400, se sai lidnan oiktusid oficialižešti vl 1806, konz valdkund alištui Francijan tobmudele.

Geografijan andmused

Lidn sijadase Pohjoižmeren randal, 1 m ü.m.t. keskmäižel korktusel.

Vspäi 1988 lidn jagase 8 nimitadud territorialižhe ümbrikho (alam. üks'lugu stadsdeel), sijaline ohjastuzkontor om kaikuččes. Ümbrikod alajagasoiš alaümbrikoihe (alam.: wijken).

Eläjad

Vl 2010 eläjiden lugu oli 489 271 ristitud. Kaikiš suremb ristitišt oli 606 110 eläjad vl 1960. Lidn mülüb Randstad-aglomeracijha.

Eläjad valdkundan augotižlibundan mödhe (2017): Alamad — 47,3%, Surinam — 8,8%, Turkanma — 7,5%, Marok — 5,9%, Indonezii — 3,4%, Kariban meren sariden alamalaižed — 2,4%, toižed valdkundad — 24,7%.

Transport

Avtobusad da tramvaid oma kundaližeks transportaks lidnan südäimes. Raudtetransport ühtenzoitab valdkundan päivnouzmanke i Bel'gijanke, kaks' päraudtestancijad om saudud.

Rahvahidenkeskeine lendimport (RTM, 1,7 mln passažiroid vl 2017) om ühthine Rotterdam-lidnanke i sijadase 15 km suvipäivnouzmha Hagan keskusespäi. Tehtas reisid Suren Britanijan, Saksanman, Ispanijan i Turkanman lidnoihe, mugažo Evropan erasihe toižihe maihe.

Irdkosketused

• Lidnan tobmuden sait (denhaag.nl). (alam.)  (angl.) (fr.)