Grac

Grac
saks.: Graz
Герб
47°04′15″ с. ш. 15°26′19″ в. д.
Valdkund	Avstrii
Глава	Elke Kahr[d]
Istorii da geografii
Pind	127,57 (1 vilukud 2018)
Высота	353 ± 1
Aigvö	UTC+1[d], летом UTC+2:00[d]
Eläjad
Eläjad	▼286 292 чел. (1 vilukud 2018)
Lugud
Telefonan kod	316
Počtan indeksad	8010, 8020, 8036, 8041, 8042, 8043, 8044, 8045, 8046, 8047, 8051, 8052, 8053, 8054 da 8055
Avtomašinoiden nomeroiden kod	G
Официальный сайт(saks.)
Mediafailad RUWIKI-tedoiš

Gracan 17 nimitadud lidnrajonad (saks.: Stadtbezirke)

Grac (saks.: Graz [ˈɡʁaːt͡s], sloven.: Gradec) om Avstrijan lidn valdkundan suvipäivnouzmas. Se om Avstrijan kahtenz' lidn eläjiden lugun mödhe, Štirii-federacijanman pälidn. Lidn om opendusen järed keskuz, nell' universitetad ratas 55 tuhanke üläopenikoid.

Istorii

Eländpunkt mainitase ezmäižen kerdan vl 1128 kuti Gradec-lidn. Gracan istorine keskuz mülüb UNESCO:n Mail'man jäl'gusen nimikirjuteshe vspäi 1999.

Gracan ižandusen päsarakod oma mašinansauvomine, himine, tekstiline i sömtegimišt (oluden tehmine). Mašinansauvomižen transnacionaline Andritz AG-koncern baziruiše lidnas (mašiništ segoitusiden erigoitmižen täht cellülozbumagaižes sarakos i GES:oiden elektromehanine mašiništ).

Geografijan andmused

Lidn sijadase Mur-jogen randoil (saks.: Mur 434 km pitte, Dunain oigedpol'ne bassein), 353 m ü.m.t. keskmäižel korktusel. Matkad Ven-pälidnhasai om 145 km pohjoižpäivnouzmha orhal, 195 km kiruhavtoteil vi 2,5 časud jonusel.

Klimat om ven valdmeren valatoitandanke, kontinentaližen röunal. Voden keskmäine lämuz om +9,4 C°, ekstremumad oma −20 C° i +38 C°. Paneb sadegid 818 mm vodes, vähemba tal'vkus-uhokus (24..35 mm kus).

Eläjad

Vl 2014 eläjiden lugu oli 269 997 ristitud. Kaikiš suremb lidnan ristitišt om nügüd'. Läz 650 tuhad eläjid om ezilidnoidenke (2018).

Edeline lidnan pämez' om Zigfrid Nagl' (2003 — kül'mku 2021, Siegfried Nagl).

Irdkosketused

• Lidnan oficialine sait (graz.at). (saks.)  (angl.) (+ äikel'ne känduz)