Geografan päiv
| Geografan päiv | |
|---|---|
 | |
| Tip | Professionaline praznik |
| Om tehtud | 2020 |
| Praznuitas |
 Venäma |
| Päiv | 18. elokud |
Geografan päiv (ven.: День географа) — nece professionaline praznik neniden azjantedajiden täht, ked radaba geografijan tedoalovehes. Praznuitas vodelpäi 2020[1] Venämal kaikuččen voden 18. elokud.
Istorii
Rindatades geologoidenke geografoil ei olend professionališt praznikad pit'kän aigan. Tehta mugoižen praznikan tariči Venälaine geografine sebr, se kirjuti Venäman prezidentale. 15. semendkud vodel 2019 Venäman prezidentan käskön mödhe oli vahvištadud märiden lugetiž, mitte om oigetud geografijan sirdämižehe Venäman eläjiden keskes, siš lugus oli Geografan professionaližen praznikan tegemine[2].
Venäman Ekonomižen kehitoitusen ministerstvan käskön mödhe 3. sulakud vodel 2020 Geografan päivän praznuičemine om märitadud 18. päiväl elokud, miše arvostelda venälaižiden geografoiden panendad Kodiman da kaiken mirun geografijan tedoho[3]. Geografan päiv om tehtud muštpäiväl: 18. elokud vodel 1845 imperator Nikolai I vahvišti sijaližiden azjoiden ministran L.A. Perovskijan pakičusen Imperatoran Venälaižen Geografižen sebran tegemižes Piteriš. Muga ezmäine Geografan päiv oli Venälaižen Geografižen sebran 175-voččen jubilejan päiväl 18. elokud vodel 2020.
Praznikaližed azjtegod
Geografan päiväd praznuičeba erazvuiččiden sebroiden da tedo-organizacijoiden ezitajad, kudambad radaba Venälaižes geografižes sebras, Venäman tedoakademijan Geografijan institutas, Venäman tedoakademijan Edahaižen päivnouzman Tihookeanskijan geografijan institutas, Arktikan da Antarktikan tedoinstitutas da toižiš, mugažo korktoiden školoiden geografijan tedokundoiden radnikad da üläopenikad, keskškoloiden geografijan opendajad, geografad, kudambad radaba toižiš organizacijoiš.
Geografan päiv ühtenzoitab erazvuiččid azjantedajid geografoid: geomorfologoid, lanšaftovedoid, kriolitologoid, gl'aciologoid, paleogeografoid, gidrologoid, okeanologoid, ekologoid, mantedajid, meteorologoid, il'mantedajid, biogeografoid, kartografoid, geodezistoid, geotedosisteman azjantedajid, geoinformatikoid, ekonomiko-geografoid, demografoid, stranovedoid da äjid toižid.
Venälaižen geografižen sebra regionaližiden erištoiden vägil erazvuiččiš eländtahoiš mäneba azjtegod, miččed om omištadud Geografan päiväle: «Geografijan ö»-akcii[4], ozutelused, kino-ozutesed da paginvastused geografižen teman mödhe[5][6][7][8].
Homaičendad
- ↑ Правительство объявило 18 августа Днем географа - Общество - ТАСС. Дата обращения: 4 sulakud 2021. Архивировано 8 kezakud 2020 года.
- ↑ Российские географы отмечают профессиональный праздник | Новости Саратова и области — Информационное агентство "Взгляд-инфо". Дата обращения: 4 sulakud 2021. Архивировано 2 kezakud 2022 года.
- ↑ Приказ Министерства экономического развития Российской Федерации от 03.04.2020 № 198 ∙ Официальное опубликование правовых актов ∙ Официальный интернет-портал правовой информации. Дата обращения: 4 sulakud 2021. Архивировано 16 heinkud 2020 года.
- ↑ В России впервые пройдёт "Ночь географии" | Русское географическое общество. Дата обращения: 4 sulakud 2021. Архивировано 20 sügüz'kud 2020 года.
- ↑ 15 лучших лекций Московского лектория РГО. Видео | Русское географическое общество. Дата обращения: 4 sulakud 2021. Архивировано 20 sügüz'kud 2020 года.
- ↑ Выставки, кинопоказы и квесты: 18 августа в России отметят 175-летие РГО | Русское географическое общество. Дата обращения: 4 sulakud 2021. Архивировано 16 vilukud 2021 года.
- ↑ В день 175-летия РГО в Краснодаре запустили три "географических" трамвая | Русское географическое общество. Дата обращения: 4 sulakud 2021. Архивировано 1 kül'mkud 2020 года.
- ↑ В Краснодаре появилась скульптура РГО "45 параллель" | Русское географическое общество. Дата обращения: 4 sulakud 2021. Архивировано 16 kezakud 2021 года.