Garsia Markes Gabriel'

Garsia Markes Gabriel'
isp.: Gabriel García Márquez
Gabriel' Garsia Markes vn 2002 uhokus
Nimi:	isp.: Gabriel José de la Concordia García Márquez
Sündundpäiv	6. keväz'kud 1927(1927-03-06)[…]
Sündundsija:	Aracataca[d], Magdalena Department[d], Kolumbii
Kolendpäiv:	17. sulakud 2014(2014-04-17)[…] (87 лет)
Kolendsija:	Mehiko, Meksik
Valdkund	Kolumbii
Professijad:	romaanikirjanik, lühijuttude kirjutaja, lehtezmez', dramaturg, kirjutai, kirjastaja, poet lawyer, autobiograaf, scentarist, proosakirjanik, publitsist
Супруга	Mercedes Barcha[d]
Lapsed	Rodrigo García[d]
Pauklahjad da premijad	Auleegioni orden[d] Neustadti rahvusvaheline kirjandusauhind[d] (1971, 1972) Rómulo Gallegose auhind[d] Premio Nacional de Periodismo Simón Bolívar[d] Common Wealth Award of Distinguished Service[d] (1980)
Allekirjutuz
Mediafailad RUWIKI-tedoiš

Gabriel' Hose de la Konkordia «Gabo» Garsia Markes (isp.: Gabriel José de la Concordia «Gabo» García Márquez [ɡaˈβɾjel ɡarˈsia ˈmarkes]; sünd. 6. keväz'ku 1927, Arakatak-lidn, Kolumbii — kol. 17. sulaku 2014, Mehiko, Meksik) oli kolumbijalaine prozan kirjutai, lehtezmez', kirjoiden pästai da politikan šingotai. Om vn 1982 Nobelän premijan literaturas laureatan. Kirjuti romanid «magine realizm»-čuraduses, sädi mugažo starinoid, sanutesiden kogodusid i dokumentaližen prozan.

Biografii

Oli sündnu farmaceftan kanzha. Vll 1946−1950 tuleban aigan kirjutai openui Kolumbijan Nacionaližen universitetan juridižel tedokundal, sigä-žo tegi tundmust tulijan aigan Mersedes Barča Pardo-akanke, zell'laukan pidajan tütrenke. Jäti kesketi opendust i päti rata pressha i literaturha näht. Vspäi 1950 radoi Barrankil'j- i Bogot-lidnoiden lehtesiš, vspäi 1956 oli «El Espectador»-lugendlehtesen verazmalaižeks korrespondentaks Parižas. Vl 1957 ajeli Nevondkundaližhe Ühtištushe ühtnemha Moskvan norišton da üläopenikoiden festivalihe fol'kloransamblin mülükundas Kolumbijaspäi, kirjuti esse neciš. Vn 1957 tal'vkus Garsia Markes sirdi Karakasha radmaha «El Momento»-lehteses.

Vn 1958 keväz'kus Garsia Markes nai Kolumbijas, oti Mersedes Barčad akaks, pördui hänenke Karakasha. Vl 1959 vanhemb Rodrigo Garsia-poig om sündnu (tuleban aigan kinorežissör da scenarijoiden sädai). Vl 1961 pereh sirdi Meksikha, i koumes vodes sen jäl'ghe kahtenz' Gonsalo-poig om sündnu (grafikan dizainer Mehikos). Ühtel aigal Garsia Markes sädab sanutesid i fil'miden scenarijoid. «Üks'jäižen elon sada vot»-roman (1967) toi hänele mail'man tetabut. Sai Nobelän premijad «Romaniš i sanutesiš, miččiš fantazii da realižuz ühthepandasoiš da muga kuvastadas kaiken kontinentan elod i konfliktoid».

Garsia Markes oli kesknikaks pagižmižiden aigan AÜV:oiden Bill Klinton-prezidentan (1993−2001) i Kuban Fidel' Kastro-pämehen keskes.

Romanad

• «Soivertud aig» (isp.: La mala hora, 1962)
• «Üks'jäižen elon sada vot» (Cien años de soledad, 1967)
• «Patriarhan sügüz'» (El otoño del patriarca, 1975)
• «Armastuz holeran aigan» (El amor en los tiempos del cólera, 1985)
• «Jenaral ičeze labirintas» (El general en su laberinto, 1989)
• «Armastuses da toižes poles» (Diatriba de amor contra un hombre sentado y Del amor y otros demonios, 1994)

Homaičendad

Irdkosketused

• Kirjutajan muzejan sait hänen kodimal (casamuseogabo.unimagdalena.edu.co). (isp.)  (angl.)