Erdenet
| Erdenet | |||
|---|---|---|---|
| mong.: Эрдэнэт mong.: ᠡᠷᠳᠡᠨᠢᠲᠦ | |||
 | |||
|
|||
| 49°01′40″ с. ш. 104°02′40″ в. д.GЯO | |||
| Valdkund | |||
| Istorii da geografii | |||
| Tegemižen päiv | 1975 | ||
| Pind |
|
||
| Высота | 1280 ± 1 | ||
| Aigvö | UTC+8:00[d] | ||
| Eläjad | |||
| Eläjad |
|
||
| Lugud | |||
| Počtan indeksad | 61020 | ||
| Avtomašinoiden nomeroiden kod | OP | ||
|
|
|||
| Официальный сайт | |||
 Mediafailad RUWIKI-tedoiš | |||
Erdenet (mong.: Эрдэнэт «kalližarvoine») om lidn Mongolijan keskuzpalan pohjoižes. Se om valdkundan kahtenz' lidn eläjiden lugun mödhe, Orhonan agjan administrativine keskuz (vspäi 1992).
Istorii
Eländpunktan aluz om pandud vl 1972 otmaha kävutamižhe vas'kižmolibdenižen Erdenetijn-ovoo-löudmižsijan. Radnikžilo sai lidnan statusad vn 1975 11. päiväl tal'vkud. Järed küllästamižtegim radab vspäi 1978, saudihe nelläs vodes. Sen pästand ližadub, vl 2007 ümbriradoihe kivendon 25 mln tonnoid, vl 2021 — 32 mln tonnoid, voziden 2020−2022 rekonstrukcii i ližajono laskeb ümbrirata 38 mln tonnoid vodes. Edheotand pästab vas'ken sadad tuhad tonnoid i molibdenan tuhad tonnoid koncentratas. Pälöudmižsijan varoid täudub, miše rata vhesai 2060.
Erdenet šingotase mugažo kebnal tegimištol (kourad, villtegesed) i sauvondmaterialiden tehmižel (sidä kesken mecan ümbriradmine).
Geografijan andmused
Lidn sijadase Selengan i Orhonan jogidenkeskeižes, 1280 m ü.m.t. keskmäižel korktusel. Matkad Ulanbatarhasai om 340 km suvipäivnouzmha. Erdenet-stancii radab sarakon Salhit-stancijaspäi lopus, se Salhit sijadase Transmongoližel raudtel.
Klimat om terav kontinentaline mägiden, tal'v om pit'k kuiv. Voden keskmäine lämuz om +1,3 C°, kezakus-elokus +16..+18 C°, kül'mkus-keväz'kus −8..−13 C°. Paneb sadegid 341 mm vodes, niišpäi 228 mm kezakus-elokus.
Eläjad
Vn 2000 Mongolijan rahvahanlugemižen mödhe eläjiden lugu oli 68 310 ristitud, vn 2011 — 92 tuhad ristituid. Kaikiš suremb ristitišt om nügüd'. Om äi radnikoid enččen NSTÜ:n maišpäi tähäsai.
Mongolijan tedon da tehnologijan universitetan (Ulanbatar) filial radab lidnas.
Sebruzlidn
Ulan Ude, Burätijan Tazovaldkund, Venälaine Federacii (vspäi 2002)