Dudink

Dudink
Тут'ын
Флаг[d] Герб
69°24′00″ с. ш. 86°11′00″ в. д.
Valdkund	Venäma
Istorii da geografii
Tegemižen päiv	1667
Pind	105
Высота	20
Aigvö	UTC+7:00[d]
Eläjad
Eläjad	▼19 556 чел. (2021)
Lugud
Telefonan kod	39191
Počtan indeksad	647000
Официальный сайт
Mediafailad RUWIKI-tedoiš

Dudink (ven.: Дуди́нка, nenc.: Тут'ын) om Venäman lidn da lidnankund Krasnojarskan randan lodehes. Se om Taimiran Dolganan Nenciden rajonan administrativine keskuz.

Istorii

Eländpunktan aluz om pandud vl 1667 kuti Jasašno Dudino-tal'vsija (ven.: зимовье Дудино ясашно), nimitihe Dudink-jogen mödhe. Žilo šinotaškanzihe Taimiran (Dolganan Nenciden) avtonomižen ümbrikon pälidnaks (1931−2006) i sai lidnan statusad vl 1951. Vs 2001 kül'mkun 25. päiväspäi voib putta lidnha verazmalaižile vaiše Venäman tobmuden aluzkundoiden laskendan mödhe.

Dudink šingotase meriportal Jenisein randal, kul'turkeskuseks, valdkundaližil holitišil.

Geografijan andmused

Lidn sijadase Jenisei-jogen oiktal randal, 20 m ü.m.t. keskmäižel korktusel. Om jogi- da meriportaks Noril'skan täht, ühtenzoittas raudtel. Lähembaižen Noril'sk-lidnan keskuzpala sijadase 96 kilometras päivnouzmha.

Klimat om subarktine sorav, voib olda pakaižid kaikil kuil päiči heinkus-elokus. Voden keskmäine lämuz om −9,4 C°, heinkun-elokun +11..+13 C°, kül'mkus-keväz'kus −21..−28 C°. Ekstremumad oma −56,7 C° i +32 C°. Paneb sadegid 522 mm vodes, enamba elokus (59 mm) i redukus (60 mm), vähemba keväz'kus-semendkus (30..34 mm kus).

Kaik viž žilod mülüdas lidnankundha Dudinkan ližaks. Lidnankundan pind — 223 455,69 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 22 175 ristitud, lidnankundan — 24 022 ristitud, rajonan seičeme kümnendest. Kaikiš suremb lidnan ristitišt oli 33 700 eläjad vl 1996. Vl 2017 kaik 21 513 ristitud elihe lidnas i 23 086 ristitud kaikes lidnankundas.

Ortodoksižen hristanuskondan Pühän Jumalanmaman Tulendan Pühäpertihe kivine jumalanpert' om saudud lidnas vll 2000−2002.

Taimiran kolledž om professionaližen opendusen aluzkundaks.

Tetabad mehed

• Jan P'otr Jevgenjevič — venälaine segoitadud sporttoran voibištelii, oli ASB-čempionan kebnas jugus, enzne čempion UFC da keskaigaine UFC čempion kebnas jugus.

Galerei

• Dudinka06.jpg

  Keskuztorg vl 2016 (huralpäi oiktale): Taimiran kodirandantedištandmuzei, časud-majak, počt, kul'turkeskuz, lidnan da rajonan administracii

• Dudinka 03.jpg

  Jumalanmaman Tulendan Pühäpertihe jumalanpert', vn 2016 nägu

• Dudinka 02.jpg

  Ekstraordinarižiden situacijoiden ministrusen palakundan baz (2016) — Dudinkan arktine ecmižpäzutamižjouk

• 2020-08-22 08-00-47 ShiftN Порт Дудинка.jpg

  Merijogiportan konteinerterminal vl 2020

• 4Y1A9700 Dudinka (28039425424).jpg

  Lidnan nägu jogespäi vl 2016

Homaičendad

Irdkosketused

• Lidnan tobmuden aluzkundoiden oficialine sait (gorod-dudinka.ru). (ven.)