Železnogorsk (Krasnojarskan rand)

	Železnogorsk
Флаг[d]	Герб
	56°15′00″ с. ш. 93°32′00″ в. д.GЯO
Valdkund	Venäma;
Istorii da geografii
Tegemižen päiv	1950
Pind	456;
Высота	150
Ekonomik
Eläjad
Eläjad	▲82 723 чел. (2021);
Lugud
Telefonan kod	3919
Počtan indeksad	662970
-
	Официальный сайт
	Медиафайлы на Викискладе
	This box: lugeda • diskussii • redaktiruida

Sil sanal voib olda toižid znamoičendoid; miše nähta niid, tulgat tänna.

Železnogorsk (ven.: Железного́рск) om Venäman lidn Krasnojarskan randan suvipalan keskuses. Se om Železnogorskan lidnümbrikon (alištub randale) da SATÜ:n (alištub federacijan tobmudele) administrativine keskuz.

Istorii

Eländpunktan aluz om pandud vl 1950 kuti Počtkonor' nomer 9 (ven.: Почтовый ящик №9) tegemha plutonijad azegišton täht. Sodamehed da türmatud ristitud sauvoihe sidä. Eländpunkt sai lidnan statusad vl 1954, udesnimitihe kahtenvuiččikš: Krasnojarsk:aks-26 oigendamha kirjeižid i nügüdläižikš tobmuden organoiden täht. Železnogorsk om oficialine nimituz vspäi 1994.

Železnogorskan ižandusen päsarakod oma uden südäitukuižen poltusen tehmine da vanhan ümbriradmine, Man kaimdajiden pästand (Venäman civiližiden kaimdajiden 70 %), sauvond, mugažo himine specialine tegim om olmas.

Geografijan andmused

Lidn sijadase Jenisei-jogen oiktal randpolel, Sajaniden Ataman-sel'gan ezimägištol, 150 m ü.m.t. keskmäižel korktusel. Fartalad seištas peniden Gorodskoje- i More-järviden randoil. Matkad Krasnojarskhasai om 35 km suvipäivlaskmha. Lähembaine lidn om Sosnovoborsk 15 km suvipäivlaskmha raudtel vai avtotel.

Lidnanvuitte Podgornii-žilo (6541 rist. vl 2017), koume muite žilod da külä mülüdas lidnankundha Železnogorskan ližaks. Lidnümbrikon pind — 456,67 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 84 795 ristitud, lidnümbrikon — 93 841 ristitud. Kaik 84 114 eläjad oli lidnas vl 2017. Kaikiš suremb lidnan ristitišt oli vl 1992 — 97 500 eläjad, lidnümbrikon vl 2002 — 102 620 eläjad.

Ortodoksižen hristanuskondan ph. Mikoi-arhangelan päjumalanpert'^[3] om avaitud lidnas.

Innovacižiden tegimišttehnologijoiden da servisan tehnikum^[4] i MIFI:n filial oma lidnan professionaližen opendusen aluzkundoikš.

Edeline SATÜ:n pämez' om Igor' Kuksin (tal'vku 2017 — keväz'ku 2023).

Galerei

«Informacižed kaimdaisistemad M.F. Rešetnöv-akademikan nimed»-kompanijan päsauvuz vl 2006
Ph. Mikoi-arhangelan päjumalanpert', vn 2011 nägu
Kaivuzhimižen kombinatan päfater lidnas vl 2018
Kul'turkeskuz Leninan torgul
Автовокзал г.Железногорск.jpg

Avtobusstancii vl 2012

Homaičendad

↑ ¹ ² OKTMO 179/2016 — 2016.
↑ ¹ ² https://rosstat.gov.ru/storage/mediabank/tab-5_VPN-2020.xlsx
↑ Železnogorskan pühäpertid sobory.ru-saital. (ven.)
↑ Innovacižiden tegimišttehnologijoiden da servisan tehnikuman sait (tiptis.ru). (ven.)

Irdkosketused

Lidnümbrikon tobmuden aluzkundoiden oficialine sait (admk26.ru). (ven.)

Železnogorsk (Krasnojarskan rand) Vikiaitas

	Krasnojarskan randan lidnad
	Ačinsk \| Artömovsk \| Bogotol \| Borodino \| Divnogorsk \| Dudink \| Igark \| Ilanskii \| Jeniseisk \| Kansk \| Kodinsk \| Krasnojarsk \| Lesosibirsk \| Minusinsk \| Nazarovo \| Noril'sk \| Sosnovoborsk \| Šaripovo \| Zaozörnii \| Zelenogorsk \| Železnogorsk \| Ujar \| Užur

[_7fdfab61769c2197-1] ¹ ² OKTMO 179/2016 — 2016.

[_15bd2465f028e4c3-2] ¹ ² https://rosstat.gov.ru/storage/mediabank/tab-5_VPN-2020.xlsx

[3] Železnogorskan pühäpertid sobory.ru-saital. (ven.)

[4] Innovacižiden tegimišttehnologijoiden da servisan tehnikuman sait (tiptis.ru). (ven.)

[1]

[2]

[3]

[4]