Deol Bobbi
| Bobbi Deol | |
|---|---|
| angl.: Bobby Deol | |
 | |
| Nimi | Vižai Singh Deol |
| Sündund päiv | 27. vilukud 1969 (57 лет) |
| Sündund sija | |
| Rahvahuz' |
 Indii |
| Professii | akt'or |
| Radon aig | 1977 — наст. время |
| Pauklahjad | |
| IMDb | ID 0219967 |
 Mediafailad RUWIKI-tedoiš | |
Bobbi Deol (ven.: Бобби Деол, todesine nimi — Vidžai Singh Deol, angl.: Vijay Singh Deol; om sündunu 27. vilukud 1969, Mumbai), om indialaine hindikel'ne akt'or. Hän om akt'oran Sanni Deolаn vel'l'. Sai Filmfare Award-pauklahjan parembas eziozutesen ukon roliš.
Elostarin
Bobbi om sündunu Mumbai-lidnas, Džarmendra-akt'oran da hänen ezmäižen Prakaš Kaur-akan kanzas. Bobbil om kaks' sizart: Vidžeta i Adžeta. Hema Malini om hänen emindam. Eša- da Ahana-sizared oma hänen heimolaižed tatan polespäi.
Om nainu, Tan'a Ahudža om hänen ak voden 1996 semendkun 30. päiväspäi. Heil om kaks' poigad: Ar'jaman (om sündunu vodell 2001) da Dharam (om sündunu vodel 2004).
Karjera
Ezmäižen kerdan Bobbi Deol ezine kinokanghal «Večnaja skazka l'ubvi»-fil'mas lapsen roliš (1977), vändi ičeze tatan laps'aigas. Hänen aivozne eziozutez oli vodel 1995 ühtes Tvinkl Khannanke ohjandajan Radžkumar Santošin «Vihmoiden aig»-fil'mas. Sjemkoiden aigan Šotlandijas Deol katkaiži jaugan raccastajan ajandan aigan da puččihe erasišpäi reklamsjomkoišpäi[1].
Vodel 2009 vändi «Odinočka»-fil'mas da «Pod pricelom»-fil'man remeikas.
Nel'l' vot päliči, vodel 2017 pörzihe kinokanghale Poster Boys-fil'mas ühtes Sanni-vel'lenke da ohjandajanke Šream Talpade, no se tegihe ozatomataks[2].
Nügüd' hän radab «Meletoi kanz 3»-sikvelas, da hökkähti rata Gonka 2-fil'man jatkandas.
Valitud fil'mografii
- «Armastusen igähine sarn» (1977) — nor' Dharm Singh
- «Vihmsezon» (1995) — Badal
- «Mel'dünu ičekucundal» (1997) — Bobbi Oberoi
- «Tundmatoi vällišpä» (2001) — Radž Malhotra
- «Tango Čarli» (2004) — Sepoi Tarun Čauhan
- «Sebranik kaikeks igäks» (2005) — Karan Thapar
- «Da vihmuškandeb…» (2005) — Arav Kapur
- «Ičelaššed» (2007) — Karan Singh Čoudhari
- «Lahjoičenu armastust vasttuz» (2007) — Stiv «Satvinder» Singh
- «Läheližed sebranikad» (2008) — Abhimanju Singh
- «Vägelaižed» (2008) — Dhanandžai «DiŽei» Šergill
- «Spasib» (2011) — Radž Malhotra
- «Meletoi kanz» (2011) — Gadžodhar Singh / Karamvir Singh Dhillon
- «Vändajad» (2012) — Ronni Greval
- «Plakatižed prihad» (2017) — Vinai Šarma
Homaičendad
- ↑ Sujata Assomull. Great expectations (англ.). The Indian Express (23 semendkud 1997). Дата обращения: 30 redukud 2025. Архивировано 25 redukud 2014 года.
- ↑ Poster Boys: Bobby Deol’s comeback also stars Sunny Deol, Shreyas Talpade. Will it be as good as its original Poshter Boyz? See pic | Entertainment News, The Indian Express. Дата обращения: 30 redukud 2025. Архивировано 18 kezakud 2017 года.
Lähtked
- Deol Bobbi „Internet Movie Database“-saital (angl.)
- Deol Bobbi „KinoPoisk“-saital (ven.)