Deol Sanni
| Sanni Deol | |
|---|---|
| angl.: Sunny Deol | |
 | |
| Nimi | Andžai Singh Deol |
| Sündund päiv | 19. redukud 1956[1] (69 лет) |
| Sündund sija | |
| Rahvahuz' | |
| Professii | akt'or, kinoprod'user, kinoohjandai |
| Radon aig | 1983 — наст. время |
| Oigenduz | Bollivud[d] |
| Pauklahjad |
Filmfare Awards Rahvahaline kinopremii |
| IMDb | ID 0219971 |
 Mediafailad RUWIKI-tedoiš | |
Sanni Deol (todesine nimi — Adžai Singh Deol, hindi: सनी देओल, angl.: Sunny Deol, om sündunu 19. redukud 1956, Sahneval-külä[d], Päivnouzman Pendžab[d]) om indialaine Bollivudan akt'or, ohjandai da prod'user. Tobjimalaz kuvitelese fil'moiš hindi-kelel. Indian Filmfare-premijan da Rahvahaližen premijan laureat parahimas toižen planan mužikroliš[2].
Elostarin
Sanni om sündunu 19. redukud vodel 1956 penes Sahneval-küläs (mülüb Ludhijan-ümbrištoho), Dharmendra-akt'oran da hänen ezmäižen Prakaš Kaur-akan kanzas[3]. Hema Malini om heiden emindam nügüd'. Eša- da Ahana-sizared oma heimolaižed täuzin, tatan polespäi. Zavodi akt'oran kar'jerad vl 1983.
Hänen noremb vel'l' om Deol Bobbi-akt'or. Dharmendran da Prakaš Kauran kanzas völ oli kaks' tütärt: Vidžeta da Adžeta. Möhemba, konz hänen tat nai udes Hema Malinil, sünduiba Sannin sizared Eša da Ahana.
Sannin akan kuctas Pudža, heil om kaks' poigad Karan da Radžvir. Karan deb'utirui kinos ičeze tatan Pal Pal Dil Ke Paas-fil'mas vodel 2019[4].
Karjera
Sanni eziozutihe ühtes Amrita Singhanke "Sila l'ubvi"-fil'mas (vodel 1983), mitte tegihe blokbasteraks da hüväks radon augotišeks molembiden akt'oroiden täht. Lopuks oli nominiruitud Filmfare Award-premijale parahimas mužikroliš. Vodel 1984 Sanni kuvitelihe päroliš ühtes Punam Džillonanke popul'arižes Latifa Faizijevan da Umeš Mehrin sovetsko-indialaižes «Legenda o l'ubvi»-fil'mas. Vodel 1985 läksi Rahul Ravailan "Ardžun"-fil'm, miččes hän oli noren Ardžun-prihan päroliš. Fil'm sai tetabut, a Sannin taga vahvištoitihe bojevik-fil'moiden gerojan status. Vodel 1986 kuvitelihe "Sultanat"-fil'mas ühtes tatanke da Šridevinke. Sidä jäl'ghe völ oli kuverz'se hit-fil'mad: "Okean" (1986), "Bandit" (1987), "Sirota" (1988), "Prestupnii mir" (1988), "Troje razgnevanii mužčin" (1989) da "Plutovka" (1989, möst ühtes Šridevinke).
Vodel 1990 vändi "Sinivauvaz jogi"-fil'mas, mitte Filmfare Awards-pauklahjal oli ezitadud kahesas nominacijas. Ühten niišpäi sai Sanni. Paiči ičeze ezmäšt Filmfare-pauklahjad, hän sai Rahvahaližen kinopremijan laudkundan eripauklahjan[5].
Vodel 2001 hän kuvitelihe "Neistovii"-fil'mas Priti Zintanke da Anila Šarman Begleci-fil'mas.
Vodel 2003 Sanni radoi ühtes Anila Šarmanke ven.: «Из воспоминаний»-fil'mas. Sidä jäl'ghe Sanni kuvitelihe ičeze tatanke da vellenke ven.: «Родные люди» (2007), da sidä jäl'ghe ven.: «Сумасшедшая семейка» (2011) fil'moiš.
Vodel 2015 läksi fil'm "Minä navedin Ut Vot".
Vodel 2017 läksi Poster Boys-fil'm, miččes aktör kuvitelihe ühtes ičeze Bobbi-vel'lenke.
Vodel 2019 vändi Bhaiyyaji Superhitt-fil'mas da kut ohjandai Pal Pal Dil Ke Paas-fil'mas, miččes eziozutihe hänen Karan-poig.
11. elokud vodel 2023 oli mail'man eziozutuz "Begleci-2"-fil'mas, mitte jatkab istorižen draman "Begleci" (Gadar, 2001). Sanni Deol om Tara Singhan roliš. Fil'man päazjad oma vodel 1971. Tara Singh mäneb Pakistanaha, miše pärdutada ičeze Čarandžit-poiged[6].
Fil'mografii
- "Armastusen vägi" (1983) — Sanni;
- "Legend armastuses" (1984) — Mahival / Mirza Izzat Beg;
- "Koume" (1989) — Karan Saksena-inspektor;
- "Olen sinun vihanik" (1989) — Gopal;
- "Manikuš naine" (1989) — Suradž;
- "Elo varus" (1993) — Sunil Malhotra;
- "Sinine jogi" (1990) — Adžai Mehra;
- "Damini — Samalduz" (1993) — Govind;
- "Ičtazokaitud armastuz" (1995) — Džai Singh;
- "Surmaline" (1996) — Kaši Nath;
- "Valdkundan röun" (1997) — Kuldip Singh-major;
- "Torokokaz" (2001) — Karan Singh;
- "Vasthalibund: Armastusen istorii" (2001) — Tara Singh;
- "Ičelaššed" (2007) — Angad Čoudhari;
- "Meletoi kanz" (2011) — Paramvir Singh Dhillon;
- "Navedin Ut Vot" (2015) — Randhir Singh;
- "Sinine jogi: Kaik augotišespäi" (2016) — Adžai Mehra;
- "Modod plakataspäi" (2017) — Džagaavar Čoudhri;
- "Galar-2" (2023) — Tara Singh.
Homaičendad
- ↑ Internet Movie Database (англ.) — 1990.
- ↑ 39th National Film Festival 1992 (angl.). — New Delhi: Directorate of Film Festivals, 1992.
- ↑ In my 30-year career, I have spent five years in bed due to my backache: Sunny Deol (angl.), Times of India. Архивировано 25 tal'vkud 2018 года. Дата обращения: 18 elokud 2014.
- ↑ Санни Деол (Аджай Сингх Деол). biographe.ru. Дата обращения: 2 kül'mkud 2025.
- ↑ 38th National Film Festival 1991 (angl.). — New Delhi: Directorate of Film Festivals, 1991. — P. 56−57.
- ↑ Беглецы 2 (историческая драма о третьей индо-пакистанской войне). Дата обращения: 2 kül'mkud 2025.
Lähtked
- Deol Sanni „Internet Movie Database“-saital (angl.)
- Deol Sanni „KinoPoisk“-saital (ven.)