Bekman Johan
| Johan Bekman | |
|---|---|
| roč.: Johan Bäckman | |
 | |
| Nimi | Erkki Johan Bäckman |
| Sündundpäiv | 18. semendkud 1971 (55 лет) |
| Sündundsija | |
| Valdkund | |
| Rad | oiktusiden kajičii, tedomez', sociolog, kriminolog, politolog, universitetan opendai, publicist, paindai |
| Pauklahjad da premijad |
|
 Mediafailad RUWIKI-tedoiš | |
Erkki Johan Bekman (ven.: Эркки Йо́хан Бе́кман, roč.: Erkki Johan Bäckman; om sündunu 18. semendkud 1971, Porvoo, N'ulandskan gubernii[d]) om suomalaine kundantedomez', publicist, kudamb sai tetabud kirjutesil, miččed oma omištadud suomen-venälaižile kožmusile Suomen, Venäman da Baltian maiden keskes. Vodel 2024 tegihe Venäman rahvahanikaks[1].
Om Suomen antifašistižen komitetan pämehen, Mir fašizmata-organizacijan prezidiuman ühtnik, Jevraziiskijan rahvahaližen frontan toine ohjandai.
Kundaližen politikan tedodoktor. Om docent-arvnimi koumes Suomen universitetas.
Kirjuti Venäman kriminaltegos, kožmusiš Suomen, SSSRan, Venäman, Estonian keskes. Vodelpäi 2009 ühtneb azjoihe, miččed kosktas Suomen holrnpidändan azjmehišton radod, — azjtegoidenke, konz venälaižiš kanzoišpäi väges ottas lapsid.
Elostarin
Om sündunu 18. semendkud vodel 1971 suomen Porvoo-lidnas.
Vozil 1991—1992 oli Suomen armijas službal. Bekmanan oficialižel saital om sanutud, miše hän sai genštabas "voinpropagandistan eriopendusen"[2].
Vodel 1998 lopi Hel'singin universitetan valdkundvedändan tedokundan. Pagižeb venän, anglian da toižil kelil.
Vodel 2000 Piteriš tegi tedo-oppimdkeskusen da "Johana Bekmanan institut"-painišton, mitte oppib sovetsko-suomalaižid voinridoid da venä-suomalaižid kožmusid da istorijad. Vodel 2004 Piterin Zakonkogomusen keradusen pätandan mödhe om pauklahjoitud maršalan Govorovan nimel literaturižel ptemijal.
Vodel 2006 polesti dissertacijan Hel'sinkiš da tegihe tedodoktoraks.
Vodel 2007 kirjuti da pästi eloho kirjan "Suomi, mitte pezihe Anna Politkovskan verel".
Vodel 2008 läksi hänen kirj ven.: «Бронзовый солдат» Estonian bronzön polhe da tegi Suomen antifašistižen komitetan da ohjanzi sidä.
Vodehesai 2012 radoi Hel'sinkin da Joensun universitetoiš. Hel'sinkin universitetas oli oiktuden sociologijan docentan, a Joensun — kriminologian docentan.Vodel 2012 om heitud radolpäi.
Vilukus vodel 2014 oli pandud Venäman strategižiden oppindoiden institutan oficialižeks ezitajaks Pohjoižen Jevropan maiš (Suomi, Švecii, Norvegii, Danii)[2].
Senendkus vodel 2014 Moldavijan valdmehišt tabaziba Bekmanan jäl'ghe hänen tulendad Pridnestrovjaha da Gagauzijaha, väritiba händast valdkundan varutomuden murendas da oigenziba valdkundaspäi[3].
Uhokus vodel 2022 tugezi venälaižen erilaižen operacijan Ukrainal[3].
Vodel 2024 tegihe Venäman rahvahanikaks[1].
Pauklahjad da arvnimed
- Arvznam "Karjalan kehitoitusen panendas" (2013).
- Sebruden orden (2017, DNR).
- "Mirotvorcan" kuldaižen tähthaižen orden (2015, Krim).
- Ülembaižen Venäman juridižen Femida-prenijan laureat (2013)[4].
- Venäman lapsiden oiktusiden ezitajan P. A. Astahovan kitändkirjeine.
- Marčalan Govorovan nimel literaturpremijan laureat.
Kanz
Bekmanan ak om filolog, venän kelen da literaturan opendai. Bekmanal om koume last.
Voziden 2000 augotišes Bekman kuverz'-se vot sudihe enččen Sovetskijan Sojuzan venäkeližen sebranikanke lapsen holetuzpidändas. Hän tahtoi otta lapsen, no suomen sud jäti neičukaižen mamanke.
Homaičendad
- ↑ 1 2 Финский правозащитник Бекман получил российский паспорт, РИА Новости (8 kül'mkud 2024). Дата обращения: 25 sügüz'kud 2025.
- ↑ 1 2 Йохан Бэкман / Johan Bäckman — Финский политолог и историк, международный правозащитник, тел. +7 (966) 016 58 32 / Finnish political activist, historian and legal sociologist, tel. +358 40 503 5474 (англ.). johanbackman.ru. Дата обращения: 25 sügüz'kud 2025.
- ↑ 1 2 Йохан БЭКМАН / Johan BÄCKMAN — Финский политолог и историк, международный правозащитник, тел. +7 (966) 016 58 32 / Finnish political activist, historian and legal sociologist, tel. +358 40 503 5474 (англ.). johanbackman.ru. Дата обращения: 25 sügüz'kud 2025.
- ↑ Финский правозащитник Йохан Бекман награждён высшей юридической премией «Фемида». Дата обращения: 14 keväz'kud 2013. Архивировано 16 keväz'kud 2013 года.