Viktorii (järv)
Sil sanal voib olda toižid znamoičendoid; miše nähta niid, tulgat tänna.
Viktorii (lug.: 'Nnalubaale, ruand.: Njanza, mugažo Nam Lolve i Ukereve toižil sijaližil kelil) om järv da koumanz' surtte reskveden järv mail'mas pindan mödhe.
Britanine Džon Henning Spik-matkadai avaiži järved evropalaižile vl 1858 i nimiti Viktoria-kunigaznaižen mödhe.
Ümbrikirjutand
Järv sündui antropogenan keskes, läz üht millionad vozid tagaz. Sijadase ekvatoran pirdal, Päivnouzmafrikan platforman tektonižes alangos, koumen valdkundan territorijal: Vauktan Nilan joginiškal.
Randanpird om koverikaz. Randad oma madalad sodunuded, suvipäivlaskmas korktad kall'oikahad. Znamasižed lahted: Vinam (Kavirondo), Spik, Smit-Saund.
Viktorii mülüb Nilan basseinha. Kaikiš znamasižemb langenii jogi om Kager (angl.: Kagera), Vauged Nil jokseb järvespäi.
Kävutand
Kalanpüdand (enamba sadad kalan erikod, äjad oma endemikad) i laivoidenlikund oma šingotadud järvel.
Nened järedad portad ratas randoil: Mvanz, Bukob (Tanzanii), Entebbe (Džindž (Ugand), Kisumu (Kenii).
Ühthižed andmused
- Pind — 68 800 km²
- Suruded 320 x 275 km
- Vedenmülü — 2 750 km³
- Ližakaz mülü vezivaradimeks — 205 km³
- Kaikiš suremb süvüz — 83 m
- Keskmäine süvüz — 40 m
- Pindan korktuz meren tazopindan päl — 1 133 m
- Randanpird ülitab 7000 km
Kaik om 84 sart järves 6000 km² ühthiženke pindanke, kaikiš suremb om Ukereve-sar' järven suvipäivnouzmas.
Homaičendad
 |
Viktorii (järv) Vikiaitas |