Trinkomali
| Trinkomali | |
 | |
| Valdkund |
|
|---|---|
| Istorii da geografii | |
| Pind |
|
| Высота |
8 ± 1 |
| Aigvö | |
| Ekonomik | |
| Eläjad | |
| Eläjad |
|
| Lugud | |
| - | |
|
| |
| lugeda • diskussii • redaktiruida | |
Trinkomali (singal.: ත්රිකුණාමළය, vepsän kirjamil Tirikūṇamaḷaja, tamil.: திருகோணமலை , vepsän kirjamil Tirukōṇamalai) om lidn Šrilankan pohjoižpäivnouzmaižel randal. Se om Päivnouzmaižen agjan administrativine keskuz.
Istorii
Lidnan dokumentiruidud istorii lugeb kaks' polenke voz'tuhad. Tamilan dinastijad ohjandiba lidnad voz'sadoiš.
Danijalaižiden tulendanke ujuden 1620-nzil vozil Trinkomali kändihe lidnuseks (alamaine variant om kaičenus) i rahvahidenkeskeižen torguindan znamasižeks meriportaks. Portugalii valdoiči lidnad 17. voz'sadal, Alamad 18. voz'sadal. Vspäi 1815 kaik sar' kändihe Britanižen imperijan palaks. Saren ripmatomuden aigaspäi (1948) lidn eli läbi rahvahanikoiden sodas.
Trinkomali šingotase sodaakademijoil i turizmal: lidnuz, pühäpertid, kitoiden kaclend, sörfing, kalatez, hulad purtked ezilidnoiš. Kivivoin importan port om sauvomižes Indijan kompanijal vspäi 2015.
Geografijan andmused
Lidn sijadase Trinkomalin pol'sarel, kahesa metrad ü.m.t. keskmäižel korktusel. Matkad ekonomižhe Kolombo-pälidnhasai om 237 km suvipäivlaskmha.
Klimat om tropine kaks'sezonine. Kun keskmäine lämuz vajehtase +26..+30 C° röunoiš vodes läbi. Ekstremumad oma +16,5 C° i +39,8 C°. Paneb sadegid 1569 mm vodes, enamba kül'mkus-tal'vkus (334..341 mm kus), vähemba kezakus (26 mm) i keväz'kus-semendkus (50..54 mm kus).
Eläjad
Vl 2007 eläjiden lugu oli 51 624 ristitud.
Valdkundan sodameriakademii (vspäi 1967) i il'mvägiden akademii (vspäi 1976) sijadasoiš lidnas, mugažo niiden sodavägiden garnizonad oma läz lidnad.
Irdkosketused
- Lidnan i Päivnouzmaižen agjan tobmuden sait (ep.gov.lk). (angl.) (singal.) (tamil.)
 |
Trinkomali Vikiaitas |