Taurage

Taurage
litv.: Tauragė
Fail:Tauragė2012.JPG
Флаг Герб
55°15′00″ с. ш. 22°17′00″ в. д.
Valdkund	Litvanma
Istorii da geografii
Pind	15,7
Высота	38 ± 1 и 36
Ekonomik
Eläjad
Eläjad	▲21 416 чел. (1 vilukud 2023)
Lugud
Počtan indeksad	72001
-
Официальный сайт
Fail:LietuvaTaurage.png
lugeda • diskussii • redaktiruida

Taurage (litv.: Tauragė, jidiš: טאווריק/Tovrig, ven.: Таураге, Тауроги vai Таурогген) om lidn Litvanman päivlaskmas.

Istorii

Eländpunkt mainitase ezmäižen kerdan vl 1507 kut usadib, žilo senno i vaiše vaumitud puine katoline kostöl školanke. Nimituz sel'genzoitase litvan kelen kahtes sanaspäi: tauras «tur (mechärg)» i ragas «sar'v» tegesiden torhuden mödhe.

Žilo oli Litvanman lüteranine keskuz, lüteranine pühäpert' oli saudud vl 1567. Sil-žo vodel muit radaškanzi, žilo seižui röunmal. Vll 1691−1793 mülüi Prussijha, sid' oli Venäman imperijan palaks. Kändihe ripmatoman Litvanman žiloks vl 1920, sai lidnan statusad vl 1924.

Taurage šingotase tegimišton parkal (3 km², sidä kesken keramine tegim sijaližel savel), avtoiden torgusel, turizmal (Tauragen lidnuz, bobuštuzpark).

Geografijan andmused

Lidn sijadase Jurajogen hural randal (litv. Jūra, Nämunasan oiged ližajogi), 36 m korktusel valdmeren pindal päl. Matkad Vil'nüshasai om 201 km suvipäivnouzmha. Ühtenzoitase Šäuläinke raudtedme, matkad sihesai om 102 km pohjoižpäivnouzmha.

Vn 2011 Litvanman rahvahanlugemižen mödhe lidnan eläjiden lugu oli 24 389 ristitud, heišpäi 98% oma litvalaižed. Kaikiš suremb ristitišt oli 30 119 eläjad vl 1989.

Sport

• FK Tauras (Taurage)

Irdkosketused

• Lidnan da sen agjan oficialine sait (taurage.lt). (litv.) (angl.)

	Litvanman statistikan agjad da niiden enččed administrativižed keskused
	Alitusan agj (Kaunasan agj (Klaipedan agj (Marijampolen agj (Panevežisan agj (Šäuläin agj (Tauragen agj (Taurage) | Tel'šäin agj (Utenan agj (Vil'nüsan agj (Vil'nüs)