Stol'berg Kaarlo Juho

Stol'berg Kaarlo Juho
suom.: Kaarlo Juho Ståhlberg
Kaarlo Juho Stol'berg vl 1919
Nimi:	roč.: Carl Johan Ståhlberg
Sündundpäiv	28. vilukud 1865(1865-01-28)[…]
Sündundsija:	Suomussalmi vald[d], Kainuu[d], Oulu lään[d], Suomi
Kolendpäiv:	22. sügüz'kud 1952(1952-09-22)[…] (87 лет)
Kolendsija:	Hel'sinki, Suomi
Valdkund	Suomi
Professijad:	politik, õppejõud, advokaat
Супруга	Ester Ståhlberg[d] da Hedvig Ståhlberg[d]
Lapsed	Kaarlo Ståhlberg[d], Kyllikki Tuominen[d] da Elli Schauman[d]
Pauklahjad da premijad
Mediafailad RUWIKI-tedoiš

Kaarlo Juho Stol'berg (suom.: Kaarlo Juho Ståhlberg [ˈkɑːrlo ˈjuho ˈstoːlbæri], roč.: Carl Johan Ståhlberg [kɑːrl ˈjuːhɑn ˈstoːlbærj]; sünd. 28. viluku 1865, Suomussalmi, Suomenman Sur' ruhtinazkund, Venäman imperii — kol. 22. sügüz'ku 1952, Hel'sinki, Suomenma) oli Suomenman Tazovaldkundan ezmäižen prezidentan (1919, 26. heinku — 1925, 2. keväz'ku), ročin augotižlibundanke.

Biografii

Tuleban aigan politikanmez' oli sündnu pastoran kanzha. Zavodi opendust Laht-lidnan keskškolas, no pereh sirdi Ouluhu tatan surman jäl'ghe jügedan rahaolendan tagut. Vl 1889 Kaarlo Juho sai oiktusen bakalavran arvod opendusen jäl'ghe Aleksandr-imperatoran universitetas (Hel'sinki), siš-žo vaumiči doktoranturad vl 1893 i kändihe docentaks jäl'ghižel vodel. Molembiden oiktusiden tedodoktor. Vll 1908−1918 oli universitetan administrativižen oiktusen professoran Hel'sinkiš.

Vll 1898−1903 mez' radoi Suomenman senatan sekretarin, vll 1914−1915 — parlamentan ezimehen. Vl 1917 oli Konstitucižen Nevondkundan ezimehen, sen aluzkundan pämet oli valdkundaližen sisteman sädand sanuden ripmatomut Suomenman täht. Prezidentan strokun jäl'ghe Stol'berg oli otnus politikha elon lophusai, ühtni prezidentan valičendoihe kandidataks kaks' kerdad.

Kanz

Mez' oli naižiš vspäi 1893, oti Irena Väl'bergad akaks (Hedvig Irene Wåhlberg), sündutihe kuz' last naimiželos: Kaarlo (1894–1977), Aino (1895–1974), Elli (1899–1986), Aune (1901–1967), Juho (1907–1973), i Küllikki (Kyllikki, 1908–1994).

Vl 1917 Irena-ak koli, i Stol'berg oli naižiš kahten kerdan vspäi 1920, Ester-kirjutai da pedagog oli hänen ak (1870–1950, Ester Ståhlberg, neiččel Elfving, ezmäižen lähtendan mehele jäl'ghe Hällström). Ester oli Suomenman Ezmäižen Emändan.

Homaičendad