Sanj (lidn)

	Sanj
	18°15′12″ с. ш. 109°30′13″ в. д.GЯO
Valdkund	Kitai;
Istorii da geografii
Pind	1919,6;
Aigvö	UTC+8:00[d]
Ekonomik
Eläjad
Eläjad	▲1 031 396 чел. (2020);
Lugud
Telefonan kod	898
Počtan indeksad	572002
-
	Официальный сайт(kit.)
	lugeda • diskussii • redaktiruida

Fail:Sanya city map - 01.png

Lidnan transporttekart (2013)

Sanj (kebnetud kit. 三亚, pin'jin': Sānyà) om lidn-kurort Hainan'-agjan da saren suves, Kitain Suvimeren randal. Nece om valdkundan kaikiš suvemb lidn i lidnümbrik.

Istorii

Eländpunkt sai lidnan oficiališt statusad vl 1984, sätihe lidnümbrikod vl 1987. Vspäi 2014 lidnümbrik jagase nelläks rajonaks.

Sanj šingotase rahvahidenkeskeižen turizman erazvuiččiden sarakoiden keskuseks i Man kaimdajiden sädandal civiližiden tarbhaižusiden täht. Meriveden lämuz vajehtase +22..+28 C° röunoiš vodes läbi. Lidnan tahond om tetab čajun sortuiden kazvatandal.

Geografijan andmused

Lidn sijadase ühtennimižen merilahten randal, mägiden i meren keskes.

Klimat om tropine kaks'sezonine. Voden keskmäine lämuz om +25,8 C°, +23..+28 C° kuidme. Ekstremumad oma +5 C° i +35 C°. Paneb sadegid 1453 mm vodes, enamba heinkus-redukus (212..268 mm kus), kuiv sezon oleskeleb tal'vkus-keväz'kus (6..21 mm kus).

Eläjad

Vn 2010 Kitain rahvahanlugemižen mödhe lidnümbrikon eläjiden lugu oli 685 408 ristitud. Kaikiš suremb ristitišt om nügüd'. Lidnan ristitišt om 550 tuhad eläjid (2018) 153 km² pindal.

Kaks' üläopendusen aluzkundad baziruišoiš lidnas: privatine Sanjan universitet^[2] (kit.: 三亚学院 Sānyà xuéyuàn, alusenpanend 2005, 20 tuh. üläopenikoid vl 2018) i valdkundaline Hainanin tropižen okeanografijan universitet^[3] (kit.: 海南热带海洋学院 Hǎinán rèdài hǎiyáng xuéyuàn, alusenpanend 1977, vll 1993−2015 Cünčžoun universitet i kolledž, 10 tuh. üläopenikoid vl 2011).

Edeline lidnümbrikon pämez' (partijan lidnankomitetan sekretar') om Tong Daoči (kül'mku 2018 — kül'mku 2020, 童道驰). Lidnan mer om Čen Si (陈希) vn 2022 semendkuspäi.

Homaičendad

Irdkosketused

Lidnan tobmuden sait (sanya.gov.cn). (kit.)

Sanj (lidn) Vikiaitas

[_51a1d505145bcf84-1] 1,0 ^1,1 Seventh National Population Census of the People's Republic of China

[2] Sanjan universitetan sait (sanyau.edu.cn). (kit.)

[3] Hainanin tropižen okeanografijan universitetan sait (hntou.edu.cn). (kit.)

[1]

[2]

[3]