Samai Soluna
| Samai Soluna | |
|---|---|
 Soluna Samai vn 2012 heinkus | |
| Sündundpäiv | 27. elokud 1990[1] (35 лет) |
| Sündundsija: | |
| Valdkund | |
| Professijad: | pajanik, laulja-laulukirjutaja |
 Mediafailad RUWIKI-tedoiš | |
Soluna Samai Kettel'-Zigler (dan.: Soluna Samay Kettel-Ziegler; sünd. 27. eloku 1990, Gvatemal-lidn, Gvatemal) om danine pajatai. Edestab pajoid anglijan kelel neniš žanroiš: akustine pop i rok, poprok, softrok, folkrok.
Biografii
Naine om sündnu saksalaižen Gerd G. Kettel-tatan (scenine nimi Gee Gee Kettel) i šveicarižen artistan Annelis Ziegler-maman kanzha. Nimi libui ispanijan sol- i luna-sanoišpäi, znamoitas Päiväine i Kudmaine. Sirdi Danijha kazvatajidenke vl 2000, hö ostiba fermad Bornholm-sarel. Soluna zavodi muzikkarjerad vižvoččen, ezini tatanke Evropan irdoil. Kaks'toštkümnevoččes igäs Soluna Samai vändaškanzi gitaral i sädaškanzi ičeze pajoid. Vll 2001−2011 ühtni severziden-se al'bomoiden änetamižhe tatanke ühtes, sid' naižen soline kar'jer zavodihe.
Pajatai mahtab pagišta vai el'gendab nelläl kelel: anglijan, danijan, ispanijan, saksan keled. Hänel om Šveicarijan rahvahanikust oficialižešti.
Vl 2012 naine ezini Danijaspäi «Evrovizii»-konkursal, siš pajati «Should've Known Better»-pajon. Soluna sai 23-nden sijan finalas (21 čokkoint).
Diskografii
Al'bomad
- Sing Out Loud (2011, Pajata necidä komedas)
- Soluna Samay (2013, Soluna Samai)
- Golden (2016, Kuldaine)
Singlad
- I Wish I Was a Seagull (2003, Toivon, minä oli kajagaks)
- Two Seconds Ago (2011, Kaks' sekundad tagaz)
- Should've Known Better (2012, Minei pidaiži teta necidä paremba)
- Come Again (The Quetzal) (2012, Tulen völ vai Ketcal')
- Humble (2012)
- L.O.V.E (If Women Ruled the World) (2013, Armastuz vai Ku naine ohjastiži mail'mad)