Runopajo

Runopajod (ven.: Рунические песни — руна) — karjalaižiden, suomalaižiden, estonialaižiden da toižiden suomalaiž-ugrilaižiden rahvahiden epižed pajod^[1].

Runopajanikad Ivan Šemeikka, Ivan Onoila da konstantin Kuokka

Runopajod sünduba amuižiš mifoišpäi mirun tegemižen polhe. Paksumba kaiked runopajoid voib vastata karjalaižiden da estonialaižiden tradicijoiš. Runopajoiden pohjal fol'kloran keradai Elias Lönnrot kirjuti ičeze karjalaiž-suomalaižen "Kalevala"-eposan, mugažo neniš pajorunoišpäi om tehtud estonialaine rahvahaline "Kalevipoig"-epos^[2].

Istorii

Amuižel germanialaižel (gotalaižel) runo-sanal suomalaižed nimitaba nügüd' kaik runod; no endevanhas aigas, konz rahvaz uskoi londuzvägihe, ezmäižel sijal oliba magižed runod libo runod-puheged, kuti šamanoiden uskondoiden sanad, miččed oliba znamasižed suomalaižiden keskes, mugažo saamelaižiden, mansiden, komi-zir'anoiden da toižiden suomalaiž-ugrilaižiden rahvahiden (ven.) (vep. keskes. Konz kehitoitud rahvahad — germanialaižed da slav'anad — painastiba suomalaižihe, päazjas skandinavižiden vikingoiden aigan (VIII—XI voz'sadoil), läksiba edemba, mi toižed rahvahad-šamanad, bohatoitiba ičeze uskoližid kacegid veden, tullein daman Jumaloil, tegiba idealižiden gerojoiden tipad da ühtes necenke tegiba sur'znamasišt taidehed ičeze runopajoiš, miččed oma rahvahaližed^[2].

Erigoičused da temad

Runopajod oma üks'änižed; zavodib pajatada päpajanik da hor libo üks' libo kaks' runopajanikad. Runopajoiden melodik om kebn' tercijan, kvartan libo kvintan diapazonal. Runopajon päerigoičuz — lühüd kahesapordhaine horejan runo, ilman rifmoita, no bohat alliteracijal. Runopajos om tipine kvantitativine ritmik, alliteracii, assonans, parallelizmad. Runopajoiden päerigoičuz — läz kaikenaigaine sinonimoiden rindatamine kahtes rindati seižutajas runos, muga miše kaikutte uz' runo om edeližen runon parafraza. Nece sel'genzoitase rahvahaližel pajomaneral Suomen mal: pajanik valičeb toižen mehenke pajon süžetad, hö ištuba toine tošt vasthapäi, otab händast käzihe, da zavodib pajatada, sirdäse sinna tänna. Kaikuččen riven jäl'gmäižel taktal abuhu tuleb toine pajanik, i pajatab kaiken strofan üksnäze, päpajanik kuni lebaidab, meletab jo udes rives. Hüväd runopajanikad tedaba lujas äi runoid, erašti kaičeba muštos eskai kuverdad-se tuhad runod, no pajataba libo erasid runopajoid, libo ühtenzoitaba äjak-se runoid ühthe pajoho, kut hö tahtoiba iče, hö ei meletagoi da ei pidägoi päs nimittušt kogonalašt epopejan kuvad, mittušt tedomehed nägeba runoiš.

Runopajod starinoičeba mirun, Jumalan, gerojoiden sündumižes, ozutaba, mitte čoma, bohad, ičeladuine om kodiröunan londuz. Nene voiba olda voikud kolnuziš heimolaižiš, erigoituses armhidenke. Süžetoiš om maorjiden elo, verod, mugažo endevanhad kosmogonižed mifad (ven.) (vep..

Runopajanikad

Pajataba runoid päazjas karjalaižed, suomalaižed, estonialaižed, ižorad, ingermanlandcad-maorjad. Hö pajatiba runoid ühthe än'heze, erašti — toine toižen jäl'ghe kahtel änel, paksus vändiba sil aigal kantelel da pojavil vändimil. Pohjoižkarjalaižed runopajanikad oma naižed. Hö ei pajatagoi kahtel änel, vaiše toine toižen jäl'ghe ilman muzikaližita vändimita^[3].

Aigan sirttes konz eloho läksi "Kalevala" (vozil 1835—1849) melentartuz' suomalaiž-ugrilaižehe fol'kloraha kazvoi, erazvuiččed tedomehed avaižiba uzid runopajanikoid, kudambad pajatiba heile ičeze runoid.

Tetabad ižorad-runopajanikad:

Larin Paraske (ven.) (vep.;
Ontropo Mel'nikov.

Tetabad karjalaižed runopajanikad:

Vaassila Kijeleväinen;
Ontrei Malinen (1777—1855);
Maria Mihejeva (1884—1969);
Anastasia Nikiforova (1888—1971);
Arhip Perttunen;
Mihail Perttunen (1815—1899);
Tatjana Perttunen (1880—1963);
Petri Šemeikka;
Iivana Šemeikka (1843—1911);
Jevgenia Hämäläinen (1882—1959);
Martti Karjalainen (1768—1839).

Homaičendad

↑ Рунические песни (рус) // Большая российская энциклопедия. — Москва, 2015. — Т. 29. — С. 37.
↑ ¹ ² Рунические песни (рус.). Дата обращения: 14 elokud 2025.
↑ Роман Зелинский. Типология рунических песен калевальского края (рус) // Карельский научный центр РАН. — Петрозаводск. — Т. 29. — С. 493-501.

Literatur

Рунические песни // Большая российская энциклопедия. Том 29. — М., 2015. — С. 37.;
Веселовский А. Н., Шишмарёв В. Ф. Эпос // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.;
Härkönen, I. Runolaulajia: Vanhan runon viimeinen miespolvi itäsellä suomenäärellä / Рунопевцы: последние исполнители старых рун / Iivo Härkönen (рус) // Otava. — Helsinki, 1926. — С. 159.;
Евсеев В. Я. Руны и исторические песни (рус). — Петрозаводск, 1946.;
Евсеев В. Я. Карельские эпические песни (рус). — М.,Л., 1950.;
Карелия: энциклопедия: в 3 т. / гл. ред. А. Ф. Титов. Т. 3 (рус) // ИД «ПетроПресс». — Петрозаводск, 2011. — С. 38—384. — ISBN 978-5-8430-0127-8.;
Краснопольская Т. Песни Карельского края (рус) // "Карелия". — Петрозаводск, 1977.

Lähtked

Сборник старинных рунических песен коренных народов Ингерманландии. Связь с родительскими терминами (рус.). Научный центр по сохранению, возрождению и документации языков России. Институт языкознания РАН (2015). Дата обращения: 14 elokud 2025.

[1] Рунические песни (рус) // Большая российская энциклопедия. — Москва, 2015. — Т. 29. — С. 37.

[Рунические_песни-2] ¹ ² Рунические песни (рус.). Дата обращения: 14 elokud 2025.

[3] Роман Зелинский. Типология рунических песен калевальского края (рус) // Карельский научный центр РАН. — Петрозаводск. — Т. 29. — С. 493-501.

[1]

[2]

[3]