Rahvahidenkeskeine üläopenikoiden päiv

Rahvahidenkeskeine üläopenikoiden päiv (ven.: Междунаро́дный день студе́нтов) — 17. kül'mkud vodel 1939 — om rahvahidenkeskeine üläopenikoiden üks'meližuden päiv.

28. redukud vodel 1939 anastadud nacistoil Čehijas Pragan üläopenikad da heiden opendajad oma lähtnuded demonstracijale, miše omištada Čehoslovakijan Valdkundan tegendan voz'päiväd. Okkupandoiden voisk küksi demonstracijad, sen aigan tervhuz'tedokundan üläopenik Jan Opletal sai ambundčapatеst. Hän kerdalaz oli leikatud Arnol'd Irasek-lekaril läžundkodiš Karlovan avoirdal. Hän koli 11. kül'mkud peritonitaspäi. 15. kül'mkud oli mahapanend, mitte kändihe vastustuz akcijaks. Äi demonstracijan ühtnikoid oli türmtud. 17. kül'mkud aigoiš homendesel germanialaižed ümbärziba üläopenikoiden ühthižkodid. Enamba 1200 üläopenikad oli türmatud da oigetud konclagerihe^[1]. Ühesa üläopenikoiden likundan üläopenikad da aktivistad oli riktud tütmas^[1].

Kaks' vot päliči, vodel 1941, Londonas mäni Rahvahidenkeskeine üläopenikoiden vastuz, miččed oliba nacizman vastustajad ^[2]. Čehoslovackijan kommunistan Otto Šlingan taričusen mödhe oli pättud joga voden pidelta necidä päiväd riktud mehiden muštoks kut Üläopenikan päiv.

Homaičendad

↑ ¹ ² Štemberková, Marie Univerzita Karlova — Historický přehled — Praha, Karolinum, 2011. — 111 с. — ISBN 978-80-246-2014-5.
↑ Волкова С. В чем солидарны студенты? // 7 дней. — 2008. — 13 kül'mkud (№ 46). — С. 24.

Tarkendused

[Štemberková-1] ¹ ² Štemberková, Marie Univerzita Karlova — Historický přehled — Praha, Karolinum, 2011. — 111 с. — ISBN 978-80-246-2014-5.

[2] Волкова С. В чем солидарны студенты? // 7 дней. — 2008. — 13 kül'mkud (№ 46). — С. 24.

[1]

[2]