Orešnik (raketkompleks)
| "Orešnik"-raketkompleks | |
 "Orešnik"-raketkompleksan pästand "Mmašinoidensauvondan suvizavodaha» (2024) | |
| Kodvusiden augotiž |
voinoloiš — 21. kül'mkud vodel 2024 |
|---|---|
| Tehnižed pätedod | |
|
piguz' — 10 mahad | |
| - | |
"Orešnik" (ven.: «Орешник») — keskmäižen edahuden raketsistem, ezmäižen kerdan om pästtud 21. kül'mkud vodel 2024 kombiniruitud pästandan aigan "Mašinoidensauvondan suvizavodaha" Dnepropetrovskas[1]. Ballistine raket ilman südäimeta giperänetusenke oli pästtud Ukrainan da NATOn valdkundoiden tegoiden vastha jäl'ghe Amerikan laskendad pästta ATACMS-raketoid Venämale 19. kül'mkud vodel 2024 Br'anskan agjaha da mugažo Storm Shadow da HIMARS raketoid Br'anskan da Kurskan agjoihe 21. kül'mkud vodel 2024[2].
Kävutamine
21. kül'mkud vodel 2024 Venäman prezident Vladimir Putin sanui Orešnik-raketsisteman satusekahiš kodvusiš voinoloiš[3]. Raketa oli pästtud Ukrainan ühtehe surembaha polestuz-tegeližuden kompleksan objektaha - "Mašinoidensauvondan suvizavodaha"[4]. Kut sel'genzoiti Venäman prezident, "nügüdläižel päiväl vastustada necile raketale ei voi nimidä", sikš ku "Orešnik" putui Ukrainan voinvägiden raketzavodaha pigudel 10 mahad (2,5-3 kilometrad sekundas)[4]. "Mašinoidensauvondan suvizavod" oli muretud vastha sihe, miše 19. kül'mkud vodel 2024 NATOn laskendan mödhe oli pästtud ATACMS-raketad Br'anskan agjaha, a 21. kül'mkud vodel 2024 oli pästtud Storm Shadow da HIMARS raketad Br'anskan da Kurskan agjoihe.
Vladimir Putin sanui, miše britanialaižed Storm Shadow da amerikalaižed ATACMS raketad oli tabatud Br'anskan agjas, žertvoid da murendusid ei ole, "Sever"-voiskgruppoiden komandpunktal Kurskan agjas om kolijoid da ranitud mehid[4]. Sikš ku mugoižiden sistemoiden kävutoitamine ei voi olda ilman NATOn aktivižeta abuta, vastustamine neche tegoho, Venäman prezidentan sanoiden mödhe, lendihe udele pordhaižele:
Neciš aigaspäi, kut mö pagižim äi kerdoid aigemba, Päilaskmanpolen valdkundoil tehtud regionaline tora Ukrainal tegihe mail'man problemaks[4].
Vladimir Putin mugažo johtuti Venäman oiktudes pästta raketoid neniden valdkundoiden voinobjektoihe, miččed abutiba tehta atakoid Venämale:
Meil om oiktuz' pästta meiden raketoid neniden valdkunoiden voinobjektoiden päle, miččed laskeba pästta ičeze ambundsistemoid meiden objektoiden vasthapäi. A ku nene tegod tegesoiš agressivižembikš, mö andam rohktan vastusen mugoižel-žo vägel[5].
Tehnižed tedod
Venälaižed voinazjantedajad, tarkišteldes videokadroid Mašinoidensauvondan suvizavodan raketambundas sanuiba, miše «Orešnik»-raketkompleksal oma mugomad pirdad:
- keskmäine edahuz' om 1000 — 5500 kilometrad;
- piguz' om 10 mahad;
- personaližen ozutandan jagatud päpala;
- standartine voinradmär — kuz' blokad[6].
.jpg)
Tedotuz ambundas
Prezidentan lehtišt-sekretar' Dmitrii Peskov sel'genzoiti, miše 30 minutad edel «Orešnik»-raketan pästandad Venäman Valdkund oigenzi Amerikaha tedotusen avtomatižen aigmäričusen ambundas, miše väheta atomsüdäinvarud[7].
Brifingal Vauktan pertin press-sekretar' Karin Žan-Pjer todišti, miše Amerik varuti Ukrainad da üks'meližid valdkundoid Venäman keskmäižen edahuden raketan pästandas[8].
Reakcii
Pentagonas sanutihe, miše Amerika ei tahtoi ridad Venämanke[9]. Sil aigal valdmehišton press-sekretar' Sabrina Singh ližazi, miše «Orešnik»-kompleksan kävutamine ei vajehta Vašingtonan politikad Ukrainan polhe[10].
Vengrijan premjer-ministr Viktor Orban kucui NATOn valdkundoid tozišti pidäda Venäman atomsüdäindoktrinan vajehtusid da "Orešnik"-kompleksan satusekahid voinkodvusid:
... venälaine prezident pidi sanad televizoran kal't rahvahan edes da sel'ktas sanui, miše Venämal om oiktuz panda voinmetoikš valdkundad, miččed andaba mugoižed azeged Ukrainale. Nece ei ole kommunikativine tabaduz. Konz mugoine valdkund, kut Venäma sanub midä-se necen teman mödhe, ka pidab todeks sidä el'geta[11].
Ližatedod
Jo toižel päiväl jäl'ghe satusekahid kompleksan voinkodvusid Internet-laukoiš zavottihe möda Vladimir Putinan da «Orešnik»-raketan ozutadud futbolkoil kuvid[12].
.png)
Homaičendad
- ↑ Путин рассказал об ударе баллистической ракетой «Орешник» по заводу в Днепре, Коммерсантъ (21 kül'mkud 2024). Дата обращения: 21 kül'mkud 2024.
- ↑ Силы ПВО отразили украинский удар ATACMS по Брянской области, РИА Новости (19.11.2024). Дата обращения: 19 kül'mkud 2024.
- ↑ Путин сообщил об ударе баллистической ракетой по объекту на Украине, РБК (21.11.2024). Дата обращения: 22 kül'mkud 2024.
- ↑ 1 2 3 4 Заявление Президента Российской Федерации, Президент России. Дата обращения: 21 kül'mkud 2024.
- ↑ Путин заявил о праве ответных ударов по военным объектам других стран, РИА Новости (21.11.2024). Дата обращения: 21 kül'mkud 2024.
- ↑ "Сбить невозможно". Что известно о ракете, которую представил Путин, РИА Новости (21.11.2024). Дата обращения: 21 kül'mkud 2024.
- ↑ Белый дом: США заранее уведомили Украину о предстоящем запуске "Орешника", РИА Новости (21.11.2024). Дата обращения: 21 kül'mkud 2024.
- ↑ В Белом доме ответили на пуск российской ракеты "Орешник", РИА Новости (21.11.2024). Дата обращения: 21 kül'mkud 2024.
- ↑ США не стремятся к конфликту с Россией, заявили в Пентагоне, РИА Новости (21.11.2024). Дата обращения: 21 kül'mkud 2024.
- ↑ Иванов, Глеб. Бежать и прятаться. В Киеве паника из-за удара «Орешником», AiF (22.11.2024). Дата обращения: 22 kül'mkud 2024.
- ↑ Орбан призвал Запад воспринимать запуск "Орешника" всерьез, РИА Новости (22.11.2024). Дата обращения: 22 kül'mkud 2024.
- ↑ Футболка с Путиным и ракетой «Орешник» появилась на маркетплейсах, AiF (22.11.2024). Дата обращения: 22 kül'mkud 2024.
|
Правообладателем данного материала является АНО «Интернет-энциклопедия «РУВИКИ». Использование данного материала на других сайтах возможно только с согласия АНО «Интернет-энциклопедия «РУВИКИ» |