Novoaltaisk
| Novoaltaisk | |||
|---|---|---|---|
 | |||
|
|||
| 53°24′00″ с. ш. 83°56′00″ в. д.GЯO | |||
| Valdkund | |||
| Istorii da geografii | |||
| Tegemižen päiv | 1736 | ||
| Pind |
|
||
| Высота | 140 | ||
| Aigvö | OMST[d][2], KRAT[d][2] da UTC+7:00[d] | ||
| Eläjad | |||
| Eläjad |
|
||
| Lugud | |||
| Telefonan kod | 38532 | ||
| Počtan indeksad | 658080–658095 | ||
|
|
|||
| Официальный сайт | |||
 Mediafailad RUWIKI-tedoiš | |||
Novoaltaisk (ven.: Новоалтайск) om Venäman lidn da lidnümbrik Altajan randan pohjoižes. Se om randan nellänz' lidn eläjiden lugun mödhe, Barnaulan päivnouzmaine kaimdailidn, Pervomaiskojen rajonan administrativižeks keskuseks mugažo, ei mülü rajonha.
Istorii
Eländpunktan aluz om pandud vl 1736 kuti Česnokovk-külä (ven.: Чесноковка) Česnok-närituznimen mödhe, muga nimitihe joged-ki. Kätihe radnikžiloks vl 1936. Žilo sai lidnan statusad vl 1942. Udesnimitihe nügüdläižikš vl 1962. Vl 2004 lidnanvuitte Belojarsk-žilo mülüi lidnha mikrorajonaks.
Novoaltaisk šingotase raudten edheotandoil (vagonansauvomižen tegim, sortiruindstancii), sauvondmaterialiden sarakol (raudbetontegesed, katuzmaterialad, špaloiden da pachiden tegim sauvomha raudteid), mugažo maidtegim radab.
Geografijan andmused
Lidn sijadase Ob'-jogen oiktal randpolel, 7 kilometras jogespäi, 140 m ü.m.t. keskmäižel korktusel. Matkad Barnaulan röunhasai (Obin hura rand) om 7 km päivlaskmha avtotedme vai raudtedme.
Novoaltaisk om lidnümbrikon üks'jäine eländpunkt. Jagase koumeks rajonaks, kaikuččes ičeze administracii radab.
Eläjad
Vn 2010 Venäman rahvahanlugemižen mödhe eläjiden lugu oli 70 437 ristitud. Kaikiš suremb ristitišt om nügüd', oli vll 1998−2009 i om vspäi 2016, enamba 73 tuh. eläjid.
Ortodoksižen hristanuskondan nell' jumalanpertid[4] om avaitud lidnas.
Edeline lidnan pämez' om Sergei Jeremejev (viluku 2017 — viluku 2022).
Galerei
Muštnik radajile Suren sodan aigan (2016)
- Новоалтайск, братская могила.jpg
Pölištunuziden nevondkundaližhe tobmudehe näht partizanoiden velleskaum, vn 2016 nägu
- Novoaltaysk, Altai Krai, Russia - panoramio.jpg
Laukad äižiruižiš pertiš vl 2008
VL80S-serijan vedim lidnas vl 2008
Homaičendad
- ↑ OKTMO 179/2016 — 2016.
- ↑ 1 2 Федеральный закон от 09.03.2016 № 57-ФЗ (рус.) — 2016.
- ↑ https://rosstat.gov.ru/storage/mediabank/tab-5_VPN-2020.xlsx
- ↑ Novoaltaiskan pühäpertid sobory.ru-saital. (ven.)
Irdkosketused
| Altajan randan lidnad | ||
| Aleisk | Barnaul | Belokurih | Bijsk | Gornäk | Jarovoje | Kivi Obil | Novoaltaisk | Rubcovsk | Slavgorod | Zarinsk | Zmeinogorsk | ||