Macuo Basö

Macuo Basö
japon.: 松尾芭蕉
Basön portret, 17. voz'sadan lop, tegii om Hokusai Basön portret, 17. voz'sadan lop, tegii om Hokusai
nimi:	japon.: 金作
Sündundpäiv	1644[…]
Sündundsija:	Bashō's birth house[d], Iga-Ueno[d]
Kolendpäiv:	28 kül'mkud 1694(1694-11-28)
Kolendsija:	, Osak
Valdkund	Japonii
Professijad:	runokirjutai, kirjutai
diskussii • redaktiruida

Basö (Igan provincii, nüg. Mien prefektur, Edo-pordon kaikiš tetabamb japonijalaine runokirjutai.

Sädamine

Ühtni haiku-žanran sündnundha, mülüti filosofišt südäint komižhe renganžanrha. Hen koveritomuz i čomakulun garmonii oma Basön runoiden pirdoikš. Tulnu Kitaišpäi dzen-openduz valatoiti runokirjutajan mail'mannägendad, i hänen runod abutiba opendusele šingotadas Japonijas. Basön stil' märiči japonižen runoišton šingotest kahtes sadas vodes.

Runokirjutai sädi 7 ontologijad ičeze openikoidenke: «Tal'veližed päiväd» (1684), «Keväz'ližed päiväd» (1686), «Väl'dünu pöud» (1689), «Tikv kurkunke» (1690), «Oblezjanan ol'gesine vihmsoba» (1. kirj 1691, 2. kirj 1698), «Havad hilenke» (1694).

Biografii

Macuo oli sündnu samurain kanzha koumanden lapsen kuden keskes i noremban poigan. Tat i veik openziba elokahambid samurajid kalligrafijale, i Kinsaku sai hüväd opendust laps'aigan. Hän oli 13-vozne, konz tat koli. Oli kazakoiš toižel elokahal Todo Jositada-samurajal (japon.: 藤堂良忠, 1642−1666) i openui ühten aigan runoišton čomamahtod Kiotos vspäi 1664. Molembad ottiba psevdonimid (Basö ende oli Sōbō 宗房, Munafusa-nimen kitaine lugend) da sädiba runoid toižidenke ühtes, no Jositada koli edel aigad.

Vspäi 1672 Basö eli Tokaidodme, sai arvostust da tetabut. Putui Osakha elon lopus, kus koli-ki.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.