Lumineičukaine

Рувики-späi
Lumineičukaine
V. М. Vasnecov. «Lumineičukaine». 1899
V. М. Vasnecov. «Lumineičukaine». 1899
Tegii Slav'anoiden rahvahaline sädandrad da lidnalaine fol'klor
Kirjutused «Lumineičukaine» (sarn); «Lumineičukaine» (pjesa); «Lumineičukaine» (opera); «Sneguruška» (sarn).
Pol' akpol'ne
Igä pen' neičukaine, neičukaine-vajehtuzigäine, neižne
Kanz maorjaine
Närituznimi Snegurka, Sneževinočka
Логотип РУВИКИ.Медиа Mediafailad RUWIKI-tedoiš

Lumineičukaine (Lumineižne) (ven.: Снегу́рочка (Снегурка, Снежевиночка)) [1] — venälaine sarnaline da uz'vozne heng, Pakaiž-ukon vunuk, hänen ühtesmatknik da abunik. Praznikoil om kuti Pakaiž-ukon da lapsiden kesknik [2]. Erašti kuvitase peneks neičukaižeks, erašti — neiččeks. Jäl'gmäine paksumba: Lumineičukaine-literaturhengen painastusen täht da tarbhudel tehta praznikholitesid (Pakaiž-ukon satand). Ezmäižen kerdan Lumineičukaine, kut Pakaiž-ukon abunik, tuli vastusel moskvan Sojuzoiden pertiš vodel 1937 [2].

Hengen istorii

Venälaižes fol'kloras

Lumineičukaižen henged ei ole slav'anižes rahvahaližes veros, no om rahvahaližes fol'kloras[2]. Venälaižes fol'kloras Lumineičukaine om ühtennimižen rahvahaližen sarnan Snegurka-neičukaine (Sneževinočka) päheng', kudamban tehttihe lumespäi da jäl'ges se eläbzui. Nece süžet oli tehtud da paindud vodel 1869 A. N. Afanasjevan toižen tedotön «Slav'anoiden runoline kacund londusehe»-kirjas: «Snegurka (Sneževinočka, gernanijalaižil Schneekind) om nimitadud muga sikš, ku sündui lumespäi». Sarnas uk da ak tehtas tätüižen lumespäi i se eläbzub, a kezal neižne mäneb mecha sebranikoidenke da sulab.

Pakaiž-uk lapsenke raštvaližel počtkartaižel

Taidehes

Vodel 1873 А. N. Ostrovskii, Afanasjevan sarnoiden painastusel kirjuti Lumineičukaine-pjesan. Pjesas Lumineičukaine om Pakaiž-ukon da Keväz'-Rusttan tütär, kudamb koleb kezaližen Jarilo-päiväižen jumalan arvostteluztegon aigan. Hän om čoma vaugedmodoine vauktoiden hibusidenke neižne. Ezmäi pjesal ei olend surt sabutust kacuijoukun keskes. No vodel 1882 N. А. Rimskii-Korsakov kirjuti pjesan mödhe ühtennimižen operan, miččel oli sur'kulu sabutuz[2].

Edeline Lumineičukaižen hengen kehitoituz oli voz'sadoil XIX — XX opendajiden radoiš, kudambad vaumičiba scenarijoid lapsiden raštvaližiden praznikoiden täht. Völ valdkumaidusehesai Lumineičukaine-bobaižid riputadihe kuzile, a neičukaižed paniba päle Lumineičukaižen sädoid, vändiba sarnan, Ostrovskovan pjesan vai operan otegoid. Necel aigal Lumineičukaine ei olend pähengen[2].

Sovetskijas Sojuzas

Jäl'ges Redukun valdkumaidust religii oli ottud surehe valdkundan kontrolihe, sen lugus Raštvad da kaik verod, miččed oma sidotud praznikanke. Vodelpäi 1929 sovetskijal Venämal oli kel'tüd praznuita Raštvad-praznikad[3]. SSSRan Rahvahaližiden Komissaroiden Nevondišton käskon mödhe 24.09.1929 «Radsijoiden radaigan da lebaiduzaigan polhe, mitte sirdihe lopmatomale tegendnedalile» «Uden voden päivän da religian praznikoiden aigan (enččed erilaižed lebaiduzpäiväd) rad mäneb ühthižen pohjan mödhe».

No vodel 1935 jäl'ges valdkundaližen politikan vajehtust raštvaližed tradicijad oliba ottud kut Uden Voden svetskijan praznuičendan pala (1. vilukud). Kirjoiš sovetskijan aigan uden voden kuziden mänetandan polhe, Lumineičukaine om kut i Pakaiž-uk, hän om Pakaiž-ukon vunuk< abunik da lapsiden da Pakaiž-ukon kosketusiden kesknik. Voden 1937 augotišes Pakaiž-uk da Lumineičukaine ezmäižen kerdan tuliba ühtes moskvan Sojuzoiden Pertihe kuzen praznikale. Om melentartušt, miše aigaližil sovetskijan kuvil Lumineičukaine paksumba om pirttud penen neičukaižen, a neiččen nägos händast zavottihe pirtta möhemba [2]. Počtkartaižil voz'sadan XX augotišes Pakaiž-ukod satab «Uz' Voz'»-prihaine, i ku ukod pirttihe rusttas vai vauktas pövus, ka prihašt sinivauvhas kost'umas. Nece tradicii märiči praznikhengiden sädoiden mujuid, miččed tuliba ezmäižele Sojuzoiden Pertin oficialižele kuzele: Pakaiž-ukod satoi Lumineičukaine sinivauhas sädos[4].

Jäl'ges voinad Lumineičukaine — om tarbhaine Pakaiž-ukon ühtesmatknik kaikil praznikan tegoiš da ozatelusiš. Uden Voden kanman Lumineičukaižin radoiba teatraližiden korktoiden školiden üläopenikad da aktrisad. Iče tehtud teatrozutelusiden täht Lumineičukaižen rolihe ottihe vanhembid neičukaižid, neiččid da akoid, tobjimalaz vaugedpäižid[2].

Lumineičukaižen pert'

«Lumineičukaine»-fil'man täht (1968) у реки Mera-jogenno oli sauvotud kogonaine «berendejoiden külä». tahon valičend ei olend statjaline: nenil tahoil, Ščelikovas, Ostrovskii kirjuti ičeze pjesan. Sjomkoiden jäl'ghe puižed dekoracijad sijattihe Kostroma-lidnaha, kus tegihe «Berendejevka»-külä. Paiči sidä, Kostromas vodel 2008 tehttihe Lumineičukaižen Pert', kus hän vasttab adivoid vodes ümbri. Vodel 2009, 4. sulakud ezmäižen kerdan oli oficialine Lumineičukaižen sündundpäivän praznuičend. Necel aigalpäi Lumineičukaižen sündundpäiv Kostroma-lidnas om jogavozne praznik[5]. Vodel 2020 Kostroma-lidnas om avaitud Lumineičukaižen modan muzei.

Rekordad

Sur'kulu Lumineičukaižiden horovod oli 23. tal'vkud vodel 2023 Kemerovan Olimpikpuištos «Kuzbass-Arena»-sportkompleksanno, mitte putui Venäman rekordoiden Kirjaha. Se oli Ezmäižen ühthižkuzbasskian Lumineičukaižiden konkursan lop[6]. Rekordoiden Kirjan registrator Jlia Pronkina sanui: «Rigehtin sanuda, miše rekord — kaikid ailuguine horovod Lumineičukaižen sädoiš lugumäranke 1071 ähtnikad — om oficiališti registriruidud»[7].

Kaikid vanhembale azjtegon ühtnikale, Zoja Plotnikovale, täudui 101 vot. Hän ühtni horovodaha pravunukanke Jelizavetanke[8].

Taidehes

Kinos

Rahvahaližen sarnan mödhe

  • ven.: «Сказка о Снегурочке» (1957) — ohjandajan Vladimir Degt'ar'ovan mul'tfil'm.
  • ven.: «Снегурка» (1969) — om ohjandajan Vladimir Degt'ar'ovan mul'tfil'm.

А. N. Ostrovskovan pjesan kebnendamižed

  • ven.: «Снегурочка» (1952) — ohjandajan I. P. Ivanova-Vano mul'tfil'm.
  • ven.: «Снегурочка» (1968) — ohjandajan P. P. Kadočnikovan fil'm, Lumineičukaižen roliš — Jevgenia Filonova.
  • ven.: «Весенняя сказка» (1971) — kinoohjandajan Ju. N. Cvetkovan telefil'm, Lumineičukaižen roliš — Natalia Bogunova.
  • ven.: «Ледяная внучка» (1980) — kinoohjandajan B. Ricarevan fil'm, Lumineičukaižen/L'uba roliš — Svetlana Orlova, kn'az'an roliš —Al'bert Filozov.
  • ven.: «Снегурочка» (2006) — ohjandajan М. А. Muatan mul'tfil'm.

Mul'tfil'mad

  • ven.: «Зимняя сказка» (1945) — mul'tfil'm-fantazii, kinotarin — Ivan Ivanov-Vano, Jevgenii Švarc, süžetan möghe oravad tehtas lumespäi lumesižen neičukaižen i sündub Lumineičukaine.
  • ven.: «Когда зажигаются ёлки» (1950) — mul'tfil'm, kinontarinoičii Vladimir Sutejev, ezmäižen kerdan Lumineičukaine om ozutadud, kut Pakaiž-ukon abunik.
  • ven.: «Ну, погоди!» (pästand 8, 1974) — mul'tfil'm, Lumineičukaižen sädos — Händikaz (kut hengen grotesk) pajatab Jänišanke «Pakaiž-ukon da Lumineičukaižen pajon».
  • ven.: «Дед Мороз и серый волк» (1978) — mul'tfil'm, kinotarin Vladimir Sutejev, Lumineičukaine il'mestub kut Pakaiž-ukon ühtesmatknik.
  • ven.: «Партизанская Снегурочка» (1981) — mul'tfil'm.
  • ven.: Сказочный патруль (2016 —) — mul'tserial. Lumineičukaižen (Snežkan) änesti Polina Kutepova. Johtutasoiš Lumineičukaižen vanhembad — Uho (Pakaižen tütär) da üks' hänel radajišpäi el'foišpäi.

Kinod (fil'mad)

  • ven.: «Новогодние приключения Маши и Вити» (1975) — Lumineičukaižen roliš — Irina Borisova.
  • ven.: «Снегурочку вызывали?» (1985) — Lumineičukaižen roliš — Irina Alf'orova.
  • ven.: «Ирония судьбы. Продолжение» (2007) — Lumineičukaižen roliš — Jevgenia Dobrovol'skaja.
  • ven.: «Моя мама — Снегурочка» (2007) — Lumineičukaižen roliš — Maria Porošina.
  • ven.: «Срочно требуется Дед Мороз» (2007) — Lumineičukaižen roliš — Svetlana Pis'mičenko.
  • ven.: «Снегурочка. Пасхальная сказка» (2010) — Lumineičukaižen roliš — Tatjana Petrova.
  • ven.: «Страна ОЗ» (2015) — Alisa Hazanova da Darja Jekamasova.
  • ven.: «Снегурочка против всех» (2021) — Lumineičukaižen roliš — Nadežda Sisojeva.

Muzikas

  • Vodel 1882 N. А. Rimskii-Korsakov kirjuti operan «Lumineičukaine».
  • ven.: «Расскажи, Снегурочка, где была»-pajo, miččen pajataba Händikaz (Anatolii Papanov) da Jäniš (Klara Rum'anova) kahten kahesanden mul'tserialan ven.: «Ну, погоди!»-pästandaspäi (1974). Om necen pajon «Sektor Gaza»-gruppan parodii «Ö Ratvoiden kanman»-al'bomaspäi (1991).
  • «Lumineičukaine» — pajo, mitte ei putund «Žestokii romans»-fil'maha (1984), no mitte om gramplastinkal fil'man pajoidenke, sidä pajatab L'udmila Gurčenko.

Kuvataidehes

Cenzuran azjad

  • Uden 2012 voden praznuičendan kanman islaman pühäpaginikad Dagestanaspäi nägištihe Lumineičukaižen irdnägos vastuz rahvahaližehe kul'turaha («huigtatoman lühüdan sarafonaižen» täht), sikš erased valdkundaližed školad hül'gäidaba praznikad[9].
  • Uden 2014 voden kanman valdkundaline Tadžikistanаn televidenii sanui, miše tahtoib kel'tä ozutada efiras erasid sovetskijoiden Uden Voden simvoloid, kuna ühtes uz'voččen kuzenke da Pakaiž-ukonke putui i Lumineičukaine[10].

Galerei

  • Boris Zvorikin. Lumineičukaine (läz 1925 vot)

    Boris Zvorikin. Lumineičukaine (läz 1925 vot)

  • Interjerine tätüine Lumineičukaižen sädos

    Interjerine tätüine Lumineičukaižen sädos

  • Lumineičukaižen pert' Kostroma-lidnas

    Lumineičukaižen pert' Kostroma-lidnas

  • Pakaiž-uk da Lumineičukaine «Kremlin kuz'»-praznikal vodel 2016/2017

    Pakaiž-uk da Lumineičukaine «Kremlin kuz'»-praznikal vodel 2016/2017

  • Pakaiž-uk da Lumineičukaine Belovežskijas puščas, vodel 2004 

    Pakaiž-uk da Lumineičukaine Belovežskijas puščas, vodel 2004 

Homaičendad

  1. ↑ Афанасьев, 1994, с. 639.
  2. ↑ 1 2 3 4 5 6 7 Душечкина 2003
  3. ↑ Рожков А. Ю. В кругу сверстников: жизненный мир молодого человека в Советской России 20-х годов : в двух томах (Том 1) — Краснодар: Перспективы образования, 2002 — Стр. 171—205 с.— ISBN 5-93749-017-7
  4. ↑ Идеологически верная Снегурочка: откуда взялась внучка Деда Мороза. Дата обращения: 24 vilukud 2019. Архивировано 4 vilukud 2019 года.
  5. ↑ 5-6 апреля 2013 года в Костроме состоится V Межрегиональный праздник, посвященный Дню рождения Костромской Снегурочки. Дата обращения: 5 sulakud 2013. (недоступная ссылка)
  6. ↑ Сердакова, Е. В Кемерове 1 071 Снегурочка прошлась в гигантском хороводе. Комсомольская правда (23 tal'vkud 2023). Дата обращения: 12 kül'mkud 2024.
  7. ↑ В Кемерово прошел самый массовый хоровод Снегурочек в России, РИА Новости (20231223T1155). Дата обращения: 12 kül'mkud 2024.
  8. ↑ Снегурочки Кузбасса установили рекорд России – РИА «Кузбасс» (неопр.). kuzbass.media. Дата обращения: 12 kül'mkud 2024.
  9. ↑ В Дагестане Снегурочку считают распутной девицей. Дата обращения: 30 tal'vkud 2011. Архивировано 4 vilukud 2012 года.
  10. ↑ Мороз и Снегурочка вне закона в Таджикистане. Дата обращения: 24 kül'mkud 2015. Архивировано 10 tal'vkud 2018 года.

Literatur

  • Афанасьев А. Н. Поэтические воззрения славян на природу. — М.: Индрик, 1994. — Т. 2. — 784 с. — ISBN 5-85759-011-6. Архивировано 16 sulakud 2014 года.
  • Душечкина Е. В. Дед Мороз и Снегурочка // Отечественные записки : журнал. — М., 2003. — № 1.
  • Душечкина Е. В. Три века русской ёлки // Наука и жизнь : журнал. — 2008. — № 1.
  • Елкина, М. В. Сказочный сюжет «Снегурочка» и его интерпретация русскими писателями: автореферат дис. … кандидата филологических наук: 10.01.09 / Елкина Мария Владимировна. — Челябинск: Челябинский государственный университет, 2009.

Tarkendused

Om sadud "https://vep.ruwiki.ru/w/index.php?title=Lumineičukaine&oldid=514784"