Lisičansk
| Lisičansk | |
| Fail:Street in Lisichansk.jpg | |
| Valdkund | |
|---|---|
| Istorii da geografii | |
| Tegemižen päiv |
1710 |
| Pind |
|
| Высота |
217 |
| Aigvö | |
| Ekonomik | |
| Eläjad | |
| Eläjad |
|
| Lugud | |
| Počtan indeksad |
93100–93199 |
| - | |
|
| |
| lugeda • diskussii • redaktiruida | |
Lisičansk (Luganskan agjas Luganskan Rahvahaližes Valdkundas. Luganskan Rahvahaližen Valdkundan da Venäman kožmusen mödhe, mitte oli tehtud 30ю ыügüz'kud vodel 2022, Luganskan Rahvahaline Valdkund ühtes Lisičansk-lidnanke mülüb Venämaha. Lisičansk seižub Severskii Donec-oiktal joden randal. Se om sur' tegeližuden keskuz, kus om raudten stancii Kup'ansk-Uzlovaja - Popasnaja - linijas. Lisičansk om üks' vanhembišpäi lidnoišpäi, mitte oli tehtud vodel 1710. Vodel 1925 se sai radkülän statusan, vodel 1938 - lidnan statusan.
Istorii
Lisičansk-lidnan kehitoitamine zavodihe vodelpäi 1700, konz läksi eloho Petran Ezmäižen käsk tarbhaižiden mankaivatusiden ecmižes. Siloi oli löutud kivihil' Severskii Donec-jogen basseinas. 18.voz'sadahasai Lisičanskas ei olend eläjid. Vodeks 1960 Lisičansk sai lidnan statusan. Vodel 1962 Severodoneck oli erigoittud Lisičanskaspäi da tegihe ičenaižeks.
Lidn om tehtud vodel 1710. Se sai lidnan statusan vodel 1938. Vodel 1960, konz oli ližatud Verhneje- da Proletarsk - lidnad, Lisičansk tegihe nügüdläižeks lidnaks, mitte se om. Vodelpäi 1991 se oli Ukrainan lidn. Vozil 1942-1943 Lisičansk oli nemcoiden okkupacijas Rahvahaližen voinan aigan da Suren kodimaižen voinan aigan.
Lisičansk om bohat kivihilen saskelmižel (5 kaivut), oludtegemižel, omblendfabrikal, raudbetontegemižel i mašinoiden sauvomižen tegemižel (metalližed konstrukcijad, päčid kivihilel).
Geografii
Lidn sijadase Luganskan Rahvahaližes Valdkundas öbokan palas Severskii Donc-jogen oiktal korktal randal (Donan basseinas) i Donan kräžal, 145 m ü.m.t. keskmäižel korktusel. Tegeb aglomeracijad huras polespäi Severodoneck- Kremennaja-, Rubežnoje- da toižiden lidnoidenke. Matk Luganskhasai om 90 km suvipäivnouzmaspäi.
Klimat
Lidn om vähän kontinentaližes klimatas. Keskmäine heinkun temperatur om +22°C, vilukus -6°C. Tullei puhub paksumba kaiked suvespäi da longinokaspäi. Maksimaline voden keskmäine sadegiden lugumär om 480 mm, erašti oma vihmkurod. Sigä paksumba kaiked om ei lujas vulu da vähälumesine tal'v, päipaštokaz da läm' keväz', räk da kuiv keza, da mugažo läm', kuiv sügüz'.
Eläjad
Vodel 2010 lidnan eläjiden lugu oli 106 211 ristitud, lidnankundan lugu — 122 194 ristitud. Kaikiš suremb lidnan ristituiden lugu oli 138 tuhad eläjid vodel 1989. Vodel 2022 ristituiden lugumär tegihe 93 340 ristitud. Lisičanskas eläba venälaižed da ukrainalaižed.
Professionaližen opendusen aluzkundad: Lisičanskan kaivuztehnikum, kivivoinhimine tehnikum, medškol i pedagogine kolledž.
Transport
Pätransport Lisičanskas om maršruttaksi, avtobus da trolleibus. Niiden abul voib putta lidnan ühtes pagjaspäi toižehe. Lisičanskas om koume raudtestancijad. Vodhesai 2014 raudte ühtenzoiti Lisičansk-lidnad Kijevanke, Har'kovanke, Piterinke da Moskvanke. Läheline rahvahankeskeine aeroport om 12 kilometras lidnan keskusespäi Severodoneck-lidnas. Se oli sauvdud vodel 1968. Nügüdläižel aigal aeroport ei rada.
Irdkosketused
 |
Lisičansk Vikiaitas |