Konklav voden 2025

Рувики-späi
Tatan konklav
semendkus vodel 2025
Sija

Sikstinskan kapella,

Apostoliden dvorc, Vatikan
Päsanovnikad
Dekan Džovani Battista Re
Vice-dekan Leonardo Sandri
Kamerlengo Kevin Farrell
Protopresviter Mihail Mičai Kitbunču
Protodjakon Dominik Mamberti
Sekretar' Ilson de Džesus Montanari
keväz’ku 2013 voz’

Konklav voden 2025 (ven.: 'Конкла́в 2025 года'; ital.: 'Conclave 2025'; angl.: 'Conclave 2025') — konklav (kardinaloiden-valičijiden suim) uden Riman Tatan valičusen täht, mitte kerazihe Tatan Franciskan I surman jäl'ghe 21. sulakud vodel 2025. Konklav zavodihe 7. semendkud vodel 2025[1][2]. Uz' Tat, Lev XIV, oli valitud ehtal 8. semendkud vodel 2025[3].

Konklav

Konklavan sändod

Konklav pidab kerata «Universi Dominici Gregis»-apostolkogomusen normiden mödhe, miččen painzi vodel 1996 Ioann Pavel II da uzišti Benedikt XVI[4]. Konklav pidab kerata ei möhemba 15 päiväs Tatan surman vai heitändan jäl'ghe da 20 päiväs tatan valdištimen vakansijan tulendas. Aigaline keradus mugažo voib olda,«ku linneb sel'ged, miše oma kaik kardinalad-valičijad»[5].

Vaiše kardinalad, kudambad oma norembad 80 vot (tetabad kut Kardinalad-valičijad) voidas änestada konklavan aigan. Jäl'ges tatan surmad vai heitändad kardinaloiden Kollegijan dekanal om vastusenpidänd tedotada kaikid kardinaloid tatan surmas da konklavan kucundas. Konklavan mänetandan täht kardinaloile-valičijile pidab pigemba tulda Vatikanaha da mända elämaha Pühä Petran jumalankodin latin.: Domus Sanctae Marthae-ližasauvotusehe[6]. Sigä kardinaloil ei ole nimiččid ünbärdan mail'manke kosketusid — pagižimed, televizorad, radio da lugendlehtesed heiden täht konklavan aigan oma kel'ttüd [7].

Necil kerdal kardinaloiden kollegijan dekanan om 91-vozne Džovani Batista Re, kudamb sädi-ki konklavan [8].

Konklavan edel kaik kardinalad, sen lugus oma i ned, kelle om enamba 80 vot, ühtnedas «kongregacijoihe», generaližehe da poližehe. «Generaline kongregacii», miččehe mülüdas kaik kardinalad, pätab «tärktad azjad», «Universi Dominici Gregis»-kogomusen mödhe, sidä aigan «penemban tärgudesen kžzundad, miččed voidas il'mestuda», pätab «poline kongregacii».

Generaline kongregacii vaumičeb Sikstinskad kapellad uden Tatan valičusen täht, da völ käsked kahtele jumalankodin papile, kudambad oma «tetabad opendusel, melevudel da moraližel arvvaldal», vaumita kardinaloiden täht meletusid jumalankodin problemoiš da toižen Tatan vališuses[5].

Tundijoiden mel'pidon mödhe, konklavan voden 2025 päproblem om seksualižed ridad, miččiden avaiduz hubin painastab katoližen jumalankodin arvvaldan päle. «Voib-ik uskta, miše valitud Tataks kandidat ei ühtnend mugomihe azjoihe?», — sanui Notr-Dam universitetan teologijan professor Ul'rih Lener[9].

Konklavan kardinalad voidas valita jogahižen valatud ukpolišt katolikad, no vodelpäi 1389 ned kaiken aigan valitas ühtesradnikan-kardinalan tataks.Tatan valičusen kacujoiden mel'pidon mödhe om kuverz'se kardinalad, kudambad oma naceižed kandidatad — nece oma «papabilid», sana om tehtud italian papabile-sanan äiluguižes formaspäi, mitte kändase kut «mahtab olda tatan». Sikš ku «papabili» — om vestišton spekul'acii, tatan kandidatan valičused, kudambal ei olend erazvuittušt tarkut — om jogapäiväline azj. Muga, papabilin ei olgoi olnuded Ioann XXIII, Ioann PavelI da Ioann Pavel II[7].

21. sulakud vodel 2025 Riman Katoližes jumalankodiš om 252 kardinalad, sen lugus 135 — noremb 80 vot. Romano Pontifici Eligendo-apostolkogomusen vahvištoitusen jäl'ghe konklavaha voib ühtneda vaiše 120 kardinalad[10].

28. sulakud vaestištos oli tedotud, miše konklav zavodiše 7. semendkud vodel 2025 [1]. Äjak aigad se mäneškandeb ei olend sel'ged. Ozutesikš, konklav voden 1268 jätksihe enamba kaks' vot, а konklav voden 2013 oli kaks' päiväd[7].

Konklavan hronik

Konklav zavodihe homendesel 7. semendkud vodel 2025  loičendaspäi Tatan valičendas. Loičendan ohjanzi Kollegian dekan kardinal Džovanni Battista Re [2].

Loičend Pühä P'otran jumalankodiš edel konklavad 7. semendkud vodel 2025

Ezmäine änestamine konklaval oli 7. semendkud 17:30 moskvan aigadme, no ei tond satusid — Sikstinskian kapellan trubaspäi lühteškanzi must savu[11]. Semendkun 8. päiväspäi, kardinalad-valičijad änestaba nel'l' kerdad päiväs, kaks' kerdad homendesel da kaks' päiväl[12].

Toine änestamižen tur oli 8. semendkud homendesel, no se mugažo ei tond satusid[13]. Läz 17:00 časud moskvan aigadme tegihe sel'ged, miše konklav valiči uden riman tatan. Sikstinskian kapellan trubaspäi libui vauged savu[14]. Tataks Lev XIV tegihe kardinal Robert Frensis Prevo (Robert Francis Prevost) — ezmäine istorias pontifik, kudamb om sündunu Amerikas. Hänen nimed ei olend lugetišes ezmäižiden kümnen papabiliden keskes, sikš tatan valičend tegihe äkkičudeks.

Papabilid 2025

Vestišton paindusiden müdhe, vodel 2025 «papabiliden» keskes, kudambiš paksus johtutadihe oma:

Kardinal Pjetro Parolin[ru] (Italii), kudambad nimitadas «Vatikanan parahimaks diplomataks». 70-vozne kardinal oli Tatan Franciskan valdkundaližen sekretarin. Oli Amerikan da Kuban kosketusiden ladindan kesknikan vodel 2015, völ ühtni Vatikanan da Kitajan kožmusen vaumičendaha vodel 2018[15].

Kardinal Luis Antonio Tagle[ru] (Filippinad) — lugese inkl'uzivnostin da evangelizman üks'heng', hänel om sur' mahtišt Rahvahiden evangelizacijan kongregacijan ohjanduses. 67-vozne kardinal oli Franciskan lähembaižes ümbrištos uskomuzmehen[9].

Kardinal Peter Erd'o[ru] (Vengrii) — 72-vozne kanonižen oiktuden tedomez', tradocionižen katoližen opendusen da doktrinoiden üks'heng. Aigemba oli Jevropan jepiskopiden konferencijoiden Nevondišton pämez', oldes necil radsijal eziti ortodoksižid mel'pidoid[9].

Kardinal Piter Tarkson[ru] (Gana) — 76-vozne bibleist, om mel'dütoitai da pehmed mez'. No hänen liberaližed mel'pidod gomoseksualižmas, ekologijas da socialižes oiktudes pandas händast vastkarudehe toižidenke kardinalidenke, da mugažo hänen Gana-man jepiskopidenke. Sidä aigan mail'mas äjan pagištas, miše toižen tatan voidas valita Afrikaspäi, kus kazvab katolikoiden lugumär. Jäl'gmäižen mustverižen pontijikan oli Tat Gelasii I vozil 492—496, berber rahvahuden mödhe[9].

Kardinal Mario Grek[ru] (Mal'ta) — Mal'tan jepiskopiden Sinodan generaline sekretar', 68 vot. Om Franciskan Jumalankodin reformiden üks'heng.

Kardinal Huan Hose Omella (Ispanii) — архиепископ Barselonan arhijepiskop, 79 vot. Eläb ustavakašti, omištab ičtaiž pastirin službale.Ei üht kerdad pakiči prostindad seksualižes vägivaldas jumalankodiš, no meletab, miše lapsiden lugumär, kudambad oliba vügivaldas, om tobjetud sikš, ku Jumalankodin südäinkodvuz' vahvištoiti 927 žertvad vodelpäi 1940. «Lopuks, lugud nikuna meid ei togoi. Päazj — om mehed da kut voib enamba tagenzoitusid», — sanui hän. «Värituz — nece ei ole päzund neniš oloišpäi. Problem ei ole Jumalankodiš, a mehen ühthižkundas». Vodel 2023 Francisk kucui Ommellad ühtneda hänen lähembaižehe kardinaloiden radhonusehe, miččes om uhesa mest, kudambad oma hänen nevonikoin jumalankodin ohjandusen azjoiš.

Matteo Maria Dzuppi[ru] (Italii) — Bolonjan arhijepiskop, 69 vot. Italian vestištod nimitadas händast «italianižeks Bergoljo» hänen lähuden täht Frencisk Tatanke, sündui Horhe Mario Bergoljo. Om kinktoiš kosketusiš Pühän Egidijan sebranke — mail'man katoline jouk, mitte ezitab mirud da oiktut. Tatan oigetud mez' venä-ukrainalaižes ridas.

Žan-Mark Avelin[ru] (Francii) — Marsel'an arhijepiskop, 66 vot. Om prost, kebn kosketusiš, ilokaz. Om üht ideologijad Franciskanke, ezmäi kaiked immigracijan da musul'manižen mirun azjoiš. Hän om melenmahtoine, sai teologijan da filosofian tedostepenid [16].

Konklavan jouk maiden da regionoiden mödhe sulakun 21. päiväks vodel 2025
     Italii 17
     Lop Jevropa 36
     Pohjoižamerik 20
     Suviamerik 17
     Afrik 18
     Azii 23
     Okeanii 4
Kaiked valičijid 135

Homaičendad

  1. ↑ 1 2 Conclave to elect new pope to start on May 7, source says (англ.). Reuter's (28 sulakud 2025).
  2. ↑ 1 2 Pro eligendo Pontifice: выборы Папы – это возвращение Петра - Vatican News (7 semendkud 2025). Дата обращения: 7 semendkud 2025.
  3. ↑ Кардиналы на конклаве избрали нового папу римского, Interfax.ru (8 semendkud 2025). Дата обращения: 8 semendkud 2025.
  4. ↑ Losacco, Riccardo Maria. Что такое Конклав и как избирается новый Папа?, Agenzia Nova (21 sulakud 2025). Дата обращения: 21 sulakud 2025.
  5. ↑ 1 2 Cindy Wooden. Pope Francis has died. Here’s what happens next. - OSV News (амер. англ.). www.osvnews.com (21 sulakud 2025). Дата обращения: 21 sulakud 2025.
  6. ↑ Papal Conclave: how the next pope is elected, Theos Think Tank (24 uhokud 2025). Дата обращения: 21 sulakud 2025.
  7. ↑ 1 2 3 How is a new pope chosen? The papal conclave process explained., Business Insider (21 sulakud 2025). Дата обращения: 21 sulakud 2025.
  8. ↑ What happens after a Pope dies: The Vatican’s process of papal succession explained - CNBC TV18, CNBCTV18 (21 sulakud 2025). Дата обращения: 21 sulakud 2025.
  9. ↑ 1 2 3 4 The Next Pope: Who Are The Frontrunners to Succeed Pope Francis? (англ.). The Newsweek (21 sulakud 2025).
  10. ↑ Here's how a conclave elects a new pope | CBC News, CBC. Дата обращения: 21 sulakud 2025.
  11. ↑ Первое голосование на выборах Папы Римского не принесло результата, TACC. Дата обращения: 7 semendkud 2025.
  12. ↑ Sistine Chapel prepared to host Cardinals for conclave on May 7 - Vatican News (3 semendkud 2025). Дата обращения: 7 semendkud 2025.
  13. ↑ Второй тур голосования на конклаве не привел к избранию Папы Римского, TACC (8 semendkud 2025). Дата обращения: 8 semendkud 2025.
  14. ↑ В Ватикане избрали нового папу римского, Коммерсантъ (8 semendkud 2025). Дата обращения: 8 semendkud 2025.
  15. ↑ Who will the next pope be – and how are they chosen?, The Week (5 sulakud 2023). Дата обращения: 21 sulakud 2025.
  16. ↑ Who might succeed Pope Francis? Nine possible candidates (англ.). Reuter's (21 sulakud 2025).
Om sadud "https://vep.ruwiki.ru/w/index.php?title=Konklav_voden_2025&oldid=512844"