Izborsk
| Izborsk | |||
|---|---|---|---|
| est.: Irboska | |||
 | |||
|
|||
| 57°42′34″ с. ш. 27°51′38″ в. д.GЯO | |||
| Valdkund | |||
| Istorii da geografii | |||
| Aigvö | UTC+3[d] | ||
| Eläjad | |||
| Eläjad |
|
||
| Lugud | |||
| Telefonan kod | 81148 | ||
| Počtan indeksad | 181518 | ||
 Mediafailad RUWIKI-tedoiš | |||
Izborsk (ven.: Избо́рск, est.: Irboska) vai Vanh Izborsk (ven.: Старый Изборск erištamha Uz' Izborsk-küläspäi) om külä Pskovan agjan Petserin rajonas. Mülüb Petserin lidnankundha, vhesai 2015 oli volostin keskuseks.
Istorii
Eländpunkt mainitaškanzihe vspäi 862, se om üks' amuižiš eländpunktoišpäi Venämas. Vn 2012 sügüz'kus oigetihe Izborskan 1150nt voz'päiväd. Izborsk oli lidnan statusanke alusenpanendaspäi, kadoti sidä 19. voz'sadan keskes. Vll 1920−1941 külä oli Estinman palaks. Mülütihe Pskovan agjaha vl 1945.
Izborsk šingotase turizmal i fil'mdandal. Kivine lidnuz om kaičenus hüvin i eli läbi restavracijoiš, 14. voz'sadan ph. Mikulain päjumalanpert' om väges sen südäimes. Valdkundaline muzei-kel'dtaho om sätud Izborskan ümbrištos 77 km² pindal vl 1996, tehtas Venän tedoidusid siš.
Geografijan andmused
Eländpunkt sijadase rajonan päivnouzmas, 30 km päivlaskmha Pskovaspäi.
Eläjad
Vn 2010 Venäman rahvahanlugemižen mödhe külän eläjiden lugu oli 609 ristitud. Kaik 703 ristitud elihe küläs vl 2001.
Ortodoksižen hristanuskondan 11 pühäpertid[2] oma kaičenus küläs: ph. Mikulai-čudonsädajan päjumalanpert', koume jumalanpertid i seičeme časounäd.