Insar

	Insar
	Герб
	53°52′00″ с. ш. 44°22′00″ в. д.GЯO
Valdkund	Venäma;
Istorii da geografii
Tegemižen päiv	1648
Ekonomik
Eläjad
Eläjad	▲7920 чел. (2021);
Lugud
Telefonan kod	83449
Počtan indeksad	431430
-
	lugeda • diskussii • redaktiruida

Insar (Mordovijan Tazovaldkundan suves. Se om Insaran rajonan administrativine keskuz.

Istorii

Eländpunktan aluz om pandud vl 1647 kuti lidnuz posadanke. Vl 1780 sai makundan lidnan statusad Penzan gubernijas. Vspäi 1935 mülüb Mordovijha. Vozil 1926−1958 oli küläks, vn 1958 29. päiväspäi elokud om lidnaks tošti.

Insar šingotase mašinansauvomižel («Neon»-tegim pästab varapaloid vagonoiden täht, «Ksenon»-tegim^[2] tegeb pidatusen kaikenvuiččid ladimid), linkapken tegimel, argvoin da saguden tegimel.

Geografijan andmused

Lidn sijadase rajonan pohjoižröunanno, Iss-jogen hural randal (Mokš-jogen oiged ližajogi, Okan oigedpol'ne bassein), 160 m ü.m.t. keskmäižel korktusel. Matkad Saranskhasai om 77 km pohjoižpäivnouzmha avtotedme. Lähembaižed lidnad oma Kovilkino 38 km lodeheze avtotedme i Ruzajevk 50 km pohjoižpäivnouzmha avtotedme. Lähembaine raudtestancii sijadase lidnanvuiččes Kadoškino-žilos 18 km pohjoižhe avtotedme.

Pen' Zor'a-žilo (20 rist. vl 2016) mülüb lidnankundha Insaran ližaks. Lidnankundan pind om 52,18 nellikkilometrad.

Eläjad

Vn 2010 Venäman rahvahanlugemižen mödhe eläjiden lugu oli 8687 ristitud, rajonan ristitišton kaks' koumandest. Kaikiš suremb ristitišt oli enamba 9,5 tuh. eläjid vozil 1992−1998 (9 800 rist. vl 1996).

Ortodoksižen hristanuskondan ph. Ol'gan naižjumalankodi^[3] i Sündun Raštvoiden jumalanpert' oma udessündutadud lidnas, niiden ližaks kaks' pühäpertid oma kaičenus vaiše paloin.

Insaran agrarine tehnikum^[4] om professionaližen opendusen aluzkundaks.

Lidnankundan Administracijan edeližed pämehed oma Valerii Letin (kül'mku 2015 — uhoku 2020) i Najil' Dolotkazin (edel 2015. vot).

Galerei

Ph. Ol'gan naižjumalankodi, vn 2017 nägu
Sündun Raštvoiden jumalanpert', vn 2017 nägu
Памятник воинам, внесшим вклад, в победу в Великой Отечественной Войне, отдав свои жизни.jpg

Muštnik Suren sodan pölištunuzile sodamehile (2017) läz lidnad

Homaičendad

↑ ^1,0 ^1,1 https://rosstat.gov.ru/storage/mediabank/tab-5_VPN-2020.xlsx
↑ «Ksenon»-tegimen sait (xnn.ru). (ven.) (angl.)
↑ Insaran pühäpertid sobory.ru-saital. (ven.)
↑ Insaran agrarižen tehnikuman sait (insarteh.ru). (ven.)

Irdkosketused

Lidnankundan tobmuden sait (insar-adm.ru). (ven.) (vn 2011 andmused, no tošt varuitomad saitad ei ole)

Insar Vikiaitas

Šablon:Mordovijan Tazovaldkundan lidnad

[_15bd2465f028e4c3-1] 1,0 ^1,1 https://rosstat.gov.ru/storage/mediabank/tab-5_VPN-2020.xlsx

[2] «Ksenon»-tegimen sait (xnn.ru). (ven.) (angl.)

[3] Insaran pühäpertid sobory.ru-saital. (ven.)

[4] Insaran agrarižen tehnikuman sait (insarteh.ru). (ven.)

[1]

[2]

[3]

[4]