Glazgo
| Glazgo | |||||
|---|---|---|---|---|---|
| šotl.-kel't.: Glaschu | |||||
 | |||||
|
|||||
| 55°51′40″ с. ш. 4°15′00″ з. д.GЯO | |||||
| Valdkund | |||||
| Глава | Q107179928? | ||||
| Istorii da geografii | |||||
| Pind |
|
||||
| Aigvö | UTC+0[d] da UTC+1[d] | ||||
| Eläjad | |||||
| Eläjad |
|
||||
| Lugud | |||||
| Kod ISO 3166-2 | GB-GLG | ||||
| Telefonan kod | 141 | ||||
| Počtan indeksad | G1-G80 | ||||
| Avtomašinoiden nomeroiden kod | SA-SJ | ||||
|
|
|||||
| Официальный сайт | |||||
.png) |
|||||
 |
|||||
 Mediafailad RUWIKI-tedoiš | |||||
.svg){kind=small}
Glazgo (angl.: Glasgow [ˈɡlɑːzɡoʊ], šotl.-saks.: Glesca / Glesga [ˈɡlezɡə], šotl.-kel't.: Glaschu [ˈkɫ̪as̪xu]) om Šotlandijan kaikiš suremb lidn, Suren Britanijan nellänz' lidn eläjiden lugun mödhe. Se om Glazgo-agjan administrativine keskuz.
Istorii
Lidnan aluz om pandud 6. voz'sadal meiden erad.
Eländpunkt sai lidnan statusan voziden 1175 da 1178 keskes torguindoiktusidenke ühtes.
Geografijan andmused
Lidn sijadase Šotlandijan keskuzpalan suves, seižub Klaid-jogen molembil randoil 32 kilometras sen lanktendan sijalpäi Irlandijan merhe.
Glazgo jagase 23 administrativižeks valičendümbrikoks (angl.: ward).
Eläjad
Vn 2011 Suren Britanijan rahvahanlugemižen mödhe lidnan eläjiden lugu oli 599 650 ristitud 174,7 km² pindal. Ristitišt lidnan nügüdläižiš röunoiš (77..160 km² pindal) oli enamba 1 mln eläjid vll 1921−1961 (rahvahanlugemine), kaikiš suremb — 1 127 825 eläjad vl 1938. Ristitišt poleni ižandusen krizisan tagut, ende sen päsarakod oliba jüged tegimišt i laivansauvomine.
Läz 1,65 mln ristitud elädas lidnan aglomeracijas vn 2018 endustusen mödhe (vl 2007 oli 1,75 mln).
Edeližed lidnanpämehed (angl.: Lord Provost of Glasgow) oma Sedi Dokerti (2012−2017, Sadie Docherty) i Eva Bolander (2017−2019).
Transport
Metro radab lidnas vspäi 1896 (1 rengazjono, 15 stancijad, 10,4 km). Se om koumanz' manalaine metro mail'mas avaidusen aigan mödhe.
Om kaks' surt civilišt lendimportad läz lidnad. Glazgon rahvahidenkeskeine lendimport (GLA) sijadase 13 km päivlaskmpolehe lidnan keskusespäi. Glazgo Prestvikan rahvahidenkeskeine lendimport (PIK) sijadase 46 km suvipäivlaskmpolehe lidnan keskusespäi.
