Ferro Andrea
| Andrea Ferro | |
|---|---|
 | |
| Üleižed tedod | |
| Täuz' nimi | |
| Sündundpäiv | 19. elokud 1973 (53 года) |
| Sündundsija | |
| Ma |
 Italii |
| Professijad | pajanik |
| Radon aig | 1996 — nügüdehesai |
| Pajoän' | bariton[d] |
| Žanrad | gothic metal[d] |
| Pajosebrad | Lacuna Coil |
 Mediafailad RUWIKI-tedoiš | |
Andrea Ferro (ven.: Андреа Ферро, angl.: Andrea "Andy" Ferro, om sündunu 19. elokud 1973, Arona[d], Pjemont[d]) - italialaine pajanik (bariton), gotikmetal-stilin Lacuna Coil-muzikkgruppan solist ühtes Kristina Skabbianke (vodelpäi 1996).
Karjer
Andrea Ferro tegi Lacuna Coil-gruppan ühtes Marko Zelatinke vodel 1994. Ezmäks gruppan nimed oliba Sleep of Right- da Ethereal. Ferro om pajoiden, muzikan da sanoiden tegii, pajatab anglijan kelel. Gruppan pajanikad zavodiba pajatada klassižid pajoid, vändoiba gitaril. Aigas päliči hö tundištoitihe Kristina Skabbijanke da tedištihe, miše hän čomin pajatab, kuctihe händast gruppaha.
Vodel 1998 Lacuna Coil pästi eloho ičeze ezmäižen mini-al'boman, vodel 1999 jäl'ghe sidä, konz gruppaspäi läksiba Rafael' Zgarii, Klaudio Leo, Leonardo Forti da tuliba Kristiano Miljore da Kristiano Moccati, Lacuna Coil udištoitihe.
Andrea Ferro kaiken aigan kijrutab uzid pajoid Lacuna Coil-gruppan täht, sanub, miše nece om kaikenaigaine, demokratine process. Erased partijad Kristina vajehtab ičeze än'heze da pajatab, a erašti vastkarin, hänen partijoid pajatad Andrea. Aigas päliči Ferro vajehti ičeze pajostilid. Aigaližiš al'bomoiš eskai Unleashed Memories hän paksus pajati det-groul-stiliš, sid' zavodi pajatada puhthal änel. No ozutesikš jäl'gmäižiš al'bomoiš, mugoižiš kut Delirium, hän möst pajatab det-groul-stiliš.
Andrea Ferron sanoiden mödhe LACUNA COIL-gruppan sädoiden znamoičend om lujas sur'. Gruppan ühtnikad vajehtaba sädoid scenan täht kaikuččen kerdan, konz eloho lähteb gruppan uz' al'bom. Hö kingitaba homaitust kaikihe azjoihe - sädoihe, al'boman korihe, tehnikaha. Sid' kaikil sündub äi uzid idejoid, miččid sid' hö sirdäba italialaižele taidehpirdajale Neapolišpäi Roberto Toderikole, kudambanke radab grupp[1].
23. kül'mkud vodel 2024 Lacuna Coilan päpajanik Andrea Ferro sanui, miše hänen rok-gruppa zavodib edemba-ki pästta eloho al'bomad, sikš ku mugoine format om aktualine, päazjas metal- da rok-muzikas, da se tob äi rahoid gruppale. Kümnenz' gruppan al'bom läksi eloho 14. uhokud vodel 2025. Sen nimi om Blabbermouth. Pit'kän pajon nimi om Sleepless Empire[2].
Uden al'boman korel om varišan pämal'l'. Se om ozutadud pajanikoiden sädoiš-ki. Jo keväz'kus, jäl'ghe al'boman lähtendad, grupp ajoi Suvi-Amerikaha. Kundlijoil da kacujil oli maht ei vaiše kundelta muzikad koncertal, no el'geta al'boman südäimištod mugažo teatraližiden sädoiden kal't[1].
Personaline elo
Sügüz'kus vodel 2012 Andrea Ferro nai ičeze pit'kaigaližel Paola Penni Gigliotti akal (Paola Penny Gigliotti).
Homaičendad
- ↑ 1 2 Вокалист LACUNA COIL о важности визуальной составляющей для группы (14 keväz'kud 2025). Дата обращения: 27 tal'vkud 2025.
- ↑ Солист Lacuna Coil Андреа Ферро заявил, что рок-группам важно выпускать альбомы. news.mail.ru (23 kül'mkud 2024). Дата обращения: 27 tal'vkud 2025.