Darhan
| Darhan | |
|---|---|
| mong.: Дархан mong.: ᠳᠠᠷᠬᠠᠨ | |
 | |
| 49°29′12″ с. ш. 105°55′22″ в. д.GЯO | |
| Valdkund | |
| Istorii da geografii | |
| Tegemižen päiv | 1961 |
| Pind |
|
| Высота | 665 ± 1 |
| Aigvö | UTC+8:00[d] |
| Eläjad | |
| Eläjad |
|
| Lugud | |
| Počtan indeksad | 213800 |
 Mediafailad RUWIKI-tedoiš | |
Darhan (mong.: Дархан «sep'») om Mongolijan koumanz' lidn eläjiden lugun mödhe. Se om Darhan-Uul-agjan administrativine keskuz.
Istorii
Eländpunktan aluz om pandud vl 1961 kuti sauvondmaterialiden pästandan keskuz i industrijan uz' sijaduz. Pol'šan radnikad abutiba sauda punümbriradajan, savičun i mouckiven tegimid. Darhanan LEK om saudud vl 1966 (48 MVt).
Darhan šingotase raudan metallurgijan tegimel (om saudud vodele 1990) sijaližel torhudel i sömtegimištol: lihakombinat, jauhfabrik, konditerine fabrik, alkogoližiden i alkogolitomiden jomiden kombinat. Lidn om ümbärtud maižanduzrajonal.
Geografijan andmused
Lidn sijadase valdkundan pohjoižes, Transmongoližel raudtel, 665 m ü.m.t. keskmäižel korktusel. Ühtenzoitase raudtesarakol Šaringol-lidnan hilen kaivuzidenke. Matkad Ulanbatar-pälidnhasai om 188 km suvhe orhal vai 226 km avtotedme.
Klimat om ven kontinentaline kuiv. Voden keskmäine lämuz om −0,6 C° vilun tal'ven tagut, tal'vkun-uhokun kesklämuz om −21..−24 C°, kezakun-elokun +18..+20 C°. Paneb 284 mm sadegid vodes, enamba pol't kezakus-elokus (52..67 mm kus), kuivaig oleskeleb kül'mkus-sulakus (3..10 mm kus).
Eläjad
Vl 2010 eläjiden lugu oli 74 738 ristitud, agjan viž kudendest. Kaikiš suremb ristitišt om nügüd'.
Valdkundan kahtenz' znamoičendal openduzkeskuz, kümne professionaližen opendusen aluzkundad i maižandusen tedoinstitut ratas lidnas. Mongolijan tedon da tehnologijoiden universitetan (Ulanbatar) üks' kampusoišpäi om avaitud lidnas.