Džordžtaun (Tehas)
| Džordžtaun | |
|---|---|
| angl.: Georgetown | |
 | |
| 30°39′04″ с. ш. 97°40′53″ з. д.GЯO | |
| Valdkund | |
| Istorii da geografii | |
| Tegemižen päiv | 1848 |
| Pind | |
| Высота | 230 ± 1 |
| Aigvö | UTC−6:00[d] da UTC−5:00[d] |
| Eläjad | |
| Eläjad |
|
| Lugud | |
| Počtan indeksad | 78626–78628 da 78626 |
|
|
|
| Официальный сайт (angl.) | |
| Fail:TXMap-doton-Georgetown.PNG | |
 Mediafailad RUWIKI-tedoiš | |
Sil sanal voib olda toižid znamoičendoid; miše nähta niid, tulgat tänna.
Džordžtaun (angl.: Georgetown) om AÜV:oiden lidn Tehas-štatan keskuzpalas. Se om Uil'jamson-ümbrikon administrativine keskuz. Om Ostinan pohjoižeks ezilidnaks.
Istorii
Eländpunktan aluz om pandud 1840-nzil vozil. Se om lidnan statusanke vspäi 1848. Nimitihe Džordž Vašington Glasskok-edheotajan nimel, hän andoi mad uden lidnan sauvomižen täht. Pumaterialan äjüz, puhtaz vezi, väghine mahuz i sättui nepsuz vedihe sirdnikoid AÜV:oiden toižiš štatoišpäi i Ročinmaspäi.
Džordžtaun šingotase valdkundaližil holitišil, sauvondal. Elektrotehnižen AirBorn Inc.-kompanijan päfater[4] sijadase täs (süddikod, elektrusen märičimed).
Geografijan andmused
Lidn sijadase San Gabriel'-jogen randal (Brazos-jogen oigedpol'ne bassein), 230 m ü.m.t. keskmäižel korktusel. Matkad štatan Ostin-pälidnan keskushesai om 40 km suvhe.
Klimat om subtropine. Voden keskmäine lämuz om +19,5 C°, kezakun-elokun +27..+29 C°, tal'vkun-uhokun +9..+11 C°. Ekstremumad oma −19 C° i +44 C°. Paneb sadegid 942 mm vodes (56..108 mm kuidme).
Eläjad
Vn 2010 AÜV:oiden rahvahanlugemižen mödhe lidnan eläjiden lugu oli 47 400 ristitud 124 km² pindal. Kaikiš suremb ristitišt om nügüd', se ližadui 50..90 % joga voz'kümnel vspäi 1970. Lidn mülüb Sur' Ostin-lidnaglomeracijha (2,1 mln rist. vl 2018). Vspäi 1995 San Siti Tehas-rajon penziimehiden-millioneroiden täht šingotase Džordžtaunas (vl 2010 kaik 11 tuhad ristituid eliba siš 21 km² pindal).
Privatine čomamahtoiden Suvipäivlaskmaine universitet[5] (angl.: Southwestern University, 1,5 tuh. üläopenikoid vl 2013) radab siš vspäi 1873, se om sätud nelläs kolledžaspäi (alusenpanend 1840).
Homaičendad
- ↑ archINFORM (нем.) — 1994.
- ↑ United States. Bureau of the Census 2016 U.S. Gazetteer Files (англ.) — Washington, D.C.: U.S. Census Bureau, 2016.
- ↑ United States. Bureau of the Census 2010 U.S. Gazetteer Files (англ.) — Washington, D.C.: U.S. Census Bureau, 2010.
- ↑ AirBorn Inc.-kompanijan sait (airborn.com). (angl.)
- ↑ Suvipäivlaskmaižen universitetan sait (southwestern.edu). (angl.)
Irdkosketused
- Lidnan tobmuden sait (georgetown.org). (angl.) (isp.)