Aleksandrupolis

Aleksandrupolis
grek.: Αλεξανδρούπολις
Fail:Αλεξανδρούπολη.jpg
40°51′00″ с. ш. 25°52′00″ в. д.
Valdkund	Grekanma
Istorii da geografii
Tegemižen päiv	1875
Pind	642,25
Высота	11
Aigvö	UTC+2:00[d], летом UTC+3[d]
Eläjad
Eläjad	57 812 чел. (2011)
Lugud
Telefonan kod	25510
Počtan indeksad	681 00
Официальный сайт
Mediafailad RUWIKI-tedoiš

Aleksandrupolis (grek.: Αλεξανδρούπολη [aleksanˈðrupoli]) om lidn Grekanman pohjoižpäivnouzmas, Päivnouzmaine Makedonii i Frakii-agjas.

Istorii

Grekalaižiden amuine Sale (Sali)-lidn oli olmas Aleksandrupolisan sijas. Nügüdläižen eländpunktan aluz om pandud kalanpüdajiden Dedeagač-žiloks Ottomanan imperijas 1870-nzil vozil, sil-žo aigal sauvoškanzihe raudted. Voziden 1877−1878 Venäman okkupacii lahjoiči eländpunktale planad oigedsaumaižidenke fartaloidenke.

Ezmäižen mail'man sodan aigan lidnan territorii mülüi Bolgarijha pordaigaližešti (1913−1918). Udesnimitihe Grekanman Aleksandr I-kunigahan mödhe hänen tulendan lidnha jäl'ghe vl 1920.

Aleksandrupolis šingotase meriportal (Bolgarii-ki kävutab sidä) i turizmal: 8 muzejad, puištod, karad i lämäd purtked ezilidnoiš.

Geografijan andmused

Lidn sijadase agjan päivnouzmas, Egeižen meren randal, 0..11 m korktusil, 10 m ü.m.t. keskmäižel korktusel. Matkad Turkanman röunhasai om 40 km päivnouzmha.

Eläjad

Vn 2011 Grekanman rahvahanlugemižen mödhe lidnan eläjiden lugu oli 57 812 ristitud, municipalitetan — 72 959 ristitud. Kaikiš suremb lidnan ristitišt om nügüd', 11. sija valdkundas. Venäman konsuluz radab lidnas.

Rahvahidenkeskeine Dimokritos-lendimport (AXD, 212 tuh. passažiroid vl 2018) om saudud 7 km päivnouzmha lidnaspäi.

Homaičendad

Irdkosketused

• Lidnan da sen municipalitetan oficialine sait (alexpolis.gr). (grek.)